你认为对广东话的发扬与贡献那些地方人的功劳最大？

dulp

已經加左簽名, 但點解顯示唔到?

[此帖子已經被作者於2007-8-24 13:37:25編輯過]

卢总

你级数未够啊！

上多啲论坛，发多啲帖，叫多啲人一齐嚟啦！

粵嚟粵掂

以下是引用卢总在2007-8-24 1:32:48的發言：

你知唔知粤协里面边个系“长毛”？

如果你唔知嘅话，劝你最好就唔好乱讲嘢激亲佢，否则后果不堪设想！

妳好似講緊妳自己啵！吖！唔係！係直投講緊妳自己！

係妳話妳自己係“粵協長毛”，所以我梗知粵協裡頭嗰個長毛係乜水喇！

至於激唔激親某人，噉要視乎佢嘅話題激唔激親我喇，假如佢激親我，長毛都冇面畀！

[em05]

粵嚟粵掂

以下是引用卢总在2007-8-24 1:38:08的發言：

最主要系会拖埋其他人落水，引致不必要嘅麻烦嗰下唔抵吖嘛！

噉咪大家齊齊落水囉！大粵現時國難當頭！冇人可以置身事外！

粵嚟粵掂

以下是引用dulp在2007-8-24 12:34:50的發言：
粵嚟粵掂兄唔識團結大眾, 咁系成唔到大事嘅. 求同存異先可以發展壯大.

同道中人我梗會團結！

不過現時好多粵人太過奴才太過勢利，奴才到連佢哋嘅粵民族本性都想唔要！呢啲友妳嗌我點去“團結”？？？

至於成唔成到大事，噉要睇下係咩“大事”喇！假如粵民族裡頭啲撈奴撈狗太多，噉我心目中嘅“大事”梗係唔會有行喇！

急進固然有弊端，不過成日罨埋罨埋成隻鵪鶉噉，一樣難成大器！

卢总

家阵好似系得你成日叫住“大粵現時國難當頭”咋噃！

紫凤凰

認同盧老大。

粵嚟粵掂

以下是引用卢总在2007-8-25 0:41:37的發言：
家阵好似系得你成日叫住“大粵現時國難當頭”咋噃！

噉係因為妳理念仲未夠先進！意識仲未夠覺醒啫！

家陣並唔淨止我一個認為現時大粵國難當頭！大把人都有呢個同感！我只不過係呢群人當中敢言嘅一個嚟啫！

卢总

噉叫你嗰班理念够先进、意识够觉醒、认为“現時大粵國難當頭”嘅“大把人”

出嚟呼吁下咁多位啦！等多啲人觉醒都好吖嘛！

粵嚟粵掂

以下是引用卢总在2007-8-25 22:17:18的發言：

噉叫你嗰班理念够先进、意识够觉醒、认为“現時大粵國難當頭”嘅“大把人”

出嚟呼吁下咁多位啦！等多啲人觉醒都好吖嘛！

遲啲自然會有更多大師出嚟咖喇！妳咪使咁心急！

至於而咖囉喎！咪等我呢個二打六同妳上下課先囉！

[em05]

芬1012

希望大家都唔好講風冷說話。

其實大家嘅諗法都一樣，只係危機感嘅程度唔同嗟。

leon_jeng

大家講離題得好犀利啊。

护粤人士

以下是引用粵嚟粵掂在2007-8-26 0:24:49的發言：

遲啲自然會有更多大師出嚟咖喇！妳咪使咁心急！

至於而咖囉喎！咪等我呢個二打六同妳上下課先囉！

[em05]

你地究竟有幾疊馬啊, 我都好想知~

leon_jeng

希望內地廣東人能夠好似香港人噉自自由由噉到處都可以講廣東話，同埋可以好自由嘅發揚自己母語嘅文化。

外外星人

香港人咪即係廣東人？！羅文、黃霑都係廣東人。

 

羅文早年生涯

1960年代初期，他自廣州來港。據他親口所述，他來港後第一份工作，是一個親戚的裁縫店裡幫手；這份工作是包食宿，但沒有薪水的。後來他又從事過戲院帶位、銀行練習生等等的基層工作，至於入行的經過似乎絕少提及，然而毫無疑問，他的故事就成了居住在香港的內地新移民的典範。

 

黃霑（1941年3月16日－2004年11月24日），原名黃湛森，廣東廣州出生，廣東番禺（今廣州市）人，天主教徒，香港著名填詞人、廣告人、作家及傳媒創作人，創作接近2000首流行曲，中港台三地獲獎無數，乃當代粵語流行歌曲重要人物之一。著名填詞作品包括《家變》、《獅子山下》、《問我》、《上海灘》、《滄海一聲笑》等；經典廣告作品包括1975年家計會提倡節育的「兩個夠晒數」（兩個［孩子］就可以了）口號、1990年代初的「人頭馬一開，好事自然來」廣告順口溜。自他病故後，香港文化界高度推崇他對嶺南文化的貢獻。

Jean

講真，若果冇HK，我到而家重冇機會接觸到粵語呢種優美嘅語言。。。

以前有聽周圍啲人講到廣東人講嘅廣東話，係用我哋嘅方言講嘅，若果翻譯成普通話，即係「廣東人吃麥冬，一懂也不懂」。。。意思就係，廣東話一啲都聽唔明噉解。而且周圍冇呢種語言嘅培訓機構，自細睇嘅TVB都係國語配音嘅，所以根本唔會諗住去學習。

北上嘅廣東人基本上亦都係講帶口音嘅普通話。。。所以冇機會接觸。。。重有，若果淨係從口語學起，就需要好漫長嘅時期，同埋一直要有語言環境支持，唔係就會滯住。而喺HK，有正式嘅培訓機構課程，各所大學會畀內地生開設一套免費嘅粵語課程選修。。。。呢啲課程係從最基本嘅音標開始教，學咗之後有易於學生以後自學粵語。

[ 本帖最後由 Jean 於 2008-12-18 13:21 編輯 ]

嶺南散人

根本就冇所謂嘅「廣東話」，又何來「对广东话的发扬与贡献那些地方人的功劳最大」？

 

 

唔熟悉嶺南方言嘅朋友，往往會將粵語、廣府話、廣州話、「廣東話」混為一談，其實彳豦之間係有好大嘅區別，應該嚴格予以厘清。

 

粵語：即華語粵方言，包括廣府片、四邑片、羅廣片、高陽片、吳化片、邕潯片、梧州片、勾漏片、欽廉片等等，分布於嶺南即兩廣地區。

 

廣府話：即華語粵方言廣府片，包括廣州話、順德話、莞寶話、香山話等。

 

廣州話：即華語粵方言廣府片廣州話，包括城內音、西關音、番禺音等等。

 

所謂「廣東話」，學術上根本冇該個概念，係一乃人單純以行政規劃區分語言嘅體現，實際上語言分布同行政規劃倂唔重合，所謂「廣東話」該個講法有失科學性同合理性，一般唔提倡使用。

yzcaztz

广州市症苦做得并不差，至少响新闻方面可以用广州话，公交报站，市长访问街坊等都用广州话。当然学校无办法。呢个系全国嘅大局之下影响嘅。

yzcaztz

我再讲讲。对于呢个问题楼主好似有啲将问题简单化。

首先我声明我支持全国推广普通话，但地方方言要保留，当地人要讲。

我觉得唔存在单方面嘅功劳，讲边个功劳最大系片面想法。

将两广同港澳分开，分别进行分析：

 

         一、两广身处大陆，受中央管辖，全国统一语言嘅使用并唔系咩怪事。响呢种大势之下，我中央要统一你两广地方语言无可厚非（外省其他方言亦然）。此时语言上嘅「大战」开始，南下大军力量大，加上响「东南西北中，发财到广东」下，两广犹如守军，只有守战，不可进攻。此时广西境内基本失守，广东继续「死守」。

         二、港澳属于另类。先唔讲咩意识形态、文化专制等，至少此两地官方语言唔会系葡萄牙语或英语（应该冇错，错咗请指出）。此时港澳就犹如进攻军，加上经济发达，可以冲出境内，向世界各地发展，进而兜个大圈再返来进攻大陆（文化上等），俨然变成咗一种另类嘅进攻。

         一攻一守，实为一体。两广失守，港澳亦未必能自保；港澳不进攻，粤语亦未必有所发展。

         总而言之，两地各尽其职，不可失其一，功亦不可独自包揽。

         我想表达嘅大概系呢啲。

jun2982804

原帖由 yzcaztz 於 2008-12-19 21:17 發表 我再讲讲。对于呢个问题楼主好似有啲将问题简单化。 首先我声明我支持全国推广普通话，但地方方言要保留，当地人要讲。 我觉得唔存在单方面嘅功劳，讲边个功劳最大系片面想法。 将两广同港澳分开，分别进行分析：     ...

讲得几有道理，但点样死守，点样有效死守係一个大问题。