以下是引用卢总在2007-8-11 4:39:57的發言：
黄秋生同条契弟有几老友啊？几时开始咖？
合作《无间道》嘅时候都同刘德华、梁朝伟一齐唔妥佢、杯葛佢啦！
唔收钱帮条粉肠拍ＭＶ？有冇可能啊？讲唔讲得过去啊？合唔合逻辑先？
以下同大家重温一篇专访：
记 者：“平常听黎明这些人的歌吗？”
黄秋生：“说到这个，我真的很抱歉！我没听几分钟，就会开始想打人啊！先开始头很痛，然后身体变得很热很热，然后很想尖叫，如果这时候有什么人刚好过来，我就会发神经想打人。因为他们的音乐有问题，没有变化，一直喔伊喔伊，好像有只苍蝇在你旁边飞，每一首都一样。每首歌开始都是钢琴啊，可是听起来都像机器做的，没有感情的。歌词都是那些我想着你啊你想着我啊，爱情啊，痛苦啊，永远啊，流泪啊。然后就重复，又开始我想着你啊，你想着我啊……第二首开始就是我想着你啊，你想着他啊，他又想着我啊，爱情啊，痛苦啊，流泪啊……重复又重复，每一首都一样，我一听到就‘哇’，实在受不了！”
呢啲大家有目共睹嘅嘢，系咪叫做“中伤”啊？
好多人睇见佢、听见佢都唔开胃，只不过唔系个个都会出声噉解－－你有本事就自己捧红佢！
重有，如果我侮辱人嘅话，我唔系用呢啲字眼！
你唔鍾意，呢啲係你嘅事。你使唔使講到『好多人睇見佢乜乜乜』。呢啲係你自己個人嘅猜測，個人嘅意見，唔使喺呢度詆毀Leon嘅（你講過乜，呢張帖嘅有紀錄）。
你話佢『每首歌開始點點點』。你未聽過晒佢啲歌，唔該你唔好喺度亂噏嘢。佢走嘅路線，唔啱你，你唔聽係你嘅事，未聽過唔該唔好指點咁多。
聽唔聽佢哋歌，係你嘅自由，你未聽晒就唔好講啲咁絕對嘅嘢。
每個人嘅欣賞角度唔同，你唔鍾意Leon，that's fine，你嘅事，但係你喺呢張帖用嘅言詞，我就唔會buy你，你講嘢太過絕對，主觀，一啲sense都冇。你唔鍾意嘅嘢，就踩人哋。噉算乜嘢，一啲責任都冇。
你自己唔鍾意就話： 『大把人都唔鍾意』，你聽住：『係你唔鍾意』，唔好用 『大把人唔鍾意』 嚟做證據。
係『你唔鍾意』，所以你會認同『其他人唔鍾意佢』，唔係 『大把人唔鍾意佢』 嚟認同你 『唔鍾意佢』。
真係聽過Leon嘅歌（從偶像到幕後再到唱片公司老闆），睇過佢啲戲嘅人（從唔識做戲到識做戲到有自己一套演繹方式），唔啱口味咪唔啱口味囉，唔使用詆毀人嘅言詞。
我係Leon嘅Fans，我聽過佢嘅歌，睇過佢嘅戲，我冇百份百話佢啲歌好正，佢帶畀我哋Leon's Fans嘅係一樣回憶，一種態度。Leon拍嘅電影，我睇過（前期都係睇偶像，中期後，係睇佢嘅進步），佢每出電影都有進步。從《墮落天使》，《甜密密》，《半生緣》，《玻璃之城》，《三更》，《雙雄》，到拍緊嘅《梅蘭芳》我都有睇，有留意。
睇電影，講個人角度，但係演繹技巧係可以講嘅。Leon喺《墮落天使》開始接觸文藝戲劇，演繹個人創作文藝，演員嘅演繹要有立體感，譬如話 『眼神』，『講對白嘅速度』，佢開始識得控制。Wong Kar Wai對Leon係讚賞嘅，佢用到Leon，唔通Wong Kar Wai佢taste唔得？Kar Wai佢睇得出Leon有種好cool神秘嘅feel，喺眾多演員裏便係搵唔到，得Leon有。導演嘅觸覺係好個人，但係做出嚟嘅效果好主體。識得搵啱演員，畀演員有空間發揮，有空間發揮想像力。Leon有今日嘅演技，Wong Kar Wai畀咗機會佢，相反，亦係Leon識得點樣珍惜。
到《甜密密》，陳可辛啲電影拍出嚟嘅人物係好細膩，好識得觸摸人物嘅心理。佢揀Leon就係Leon有種憂鬱同內斂嘅氣質，Leon今次喺電影度都控制得好好，劇情演繹得貼切，好接近主角嘅情感。最後嗰part同Maggie Cheung對望，簡單直接得嚟啱好帶出好平實，喺外國見返自己鍾意過嘅人嘅感情。
到《雙雄》，Leon嘅演技得到影評人嘅贊同，當然係攞佢嚟同《無間道3》嚟比喇。《無間道3》Leon做嘅角色就係要目冇表情，對應返佢角色嘅內心戲同埋劇情嘅結構，一冷一熱。Leon喺《三更》發揮得最好，嗰年《金馬獎》畀佢攞，唔係啲評委另類，台灣啲電影評委好注重角色人物嘅內涵，從內心表現出來嘅麻木，呢啲演技好難做到出嚟。Leon經歷過咁多出電影發揮到。
講講吓講到電影，我好鍾意睇電影，Leon嘅電影有睇，所以講講吓講開咗話題，諗住講電影呢part到時帖去第個版。
講返Leon同秋生嘅嘢：
秋生幫Leon拍咗隻《一比一》，佢哋兩個係好老友，秋生一落機就幫Leon拍通宵。
你唔信，可以搵嚟睇，裏便都係Leon嘅idea。秋生好鍾意Leon嘅創意，喺佢職業演員嚟角度，秋生唔會咁輕易讚另一個演員。但係秋生講到明好欣賞Leon做嘢嘅工作態度同創意，《無間道》嗰次，佢係講：係得Leon做得到呢個角色，係啲記者歪曲佢講嘅嘢。佢哋之後重有好多合作。
Leon幫公益金. 聯合國兒童基金做咗好多善事。佢出錢出力。
好心你唔好係唔係都話人哋，唔係吓吓你主觀話係就係。
上便係我個人對Leon嘅睇法，唔buy係你自由，但係用詆毀嘅詞嚟話Leon，我會同你拗落去。未睇過晒，未聽過晒嗰時，講嘢唔好咁主觀。
[此帖子已經被作者於2007-8-11 7:28:45編輯過]
| 
發表於 2007-8-11 04:42:41
發表於 2007-8-11 08:17:06