原帖由 南粤高凉仔 於 2007-10-7 12:31 發表  哈哈，粤语系我爸妈教噶，系我的母语，而唔系咩后天学噶。想话人地搞屎棍之前，最好仲系搞清楚人地个身份先。 研究粤人来源，自然要研究DNA。连科学都唔敢面对，又何谈探讨真相。 另外话卑你知道， ...
再同妳講埋我哋粵民族嘅DNA！
我哋粵民族裡頭帶有母系傳承嘅古南越人血統，係鐵一樣嘅事實嚟！甚至有好多粵人而咖身上帶著嘅，係父系傳承嘅古南越人血統，最有名要數廣府系嘅蜑家民！
另外，浙江嘅越係于越，甌越，山越；福建嘅越係閩越，山越；而兩廣嘅越係南越，西甌，駱越。古越人嘅底層唔同，所以先至造成粵閩浙嘅區別！
再有，所謂浙江人比兩廣粵民族帶有更多嘅古越人血統嘅提法，係片面嘅。單憑李輝博士N年前嘅一篇論文，就落呢個定論，倉猝啲掛！
以M122同M134嘅比例多少嚟斷定是否帶有北邊嘅「漢」血統，太過武斷喇！
喺呢個世界上高，最純嘅M122民族分佈喺緬印滇藏交界嘅那加-橫斷山區，嗰度係M122族群原生地。喺一萬年前，M122族群除咗向北遷徙嘅一支之外，仲有一支係向東遷徙嘅，北遷嗰支形成先羌（漢藏彝白），東遷嗰支形成三苗（苗瑤畬巴）。
以地域分佈嚟睇，三苗隔喺南越同先羌中間，古南越人係冇乜機會直接同先羌打交道嘅！
古南越人淨係有可能同三苗有往來，古南越喺同三苗嘅接觸過程當中，無論係善意抑或惡意，都有好大機會使到自己嘅血裡頭添加上M122突變，M122好有可能喺古南越人身上就經已廣泛存在！呢種存在，源於佢同三苗嘅密切接觸！
所以當今嘅粵民族，身上嘅高M122同M134比例，並唔係全部源於古代南遷嘅秦晉唐人，有好大比例係直接喺古南越人身上高承繼返嚟嘅！
| 
發表於 2007-10-11 13:10:22
