睽違已久之粵式俚語集腋成裘大收集

外外星人

原帖由 六叔 於 2009-5-26 09:13 發表   呢句系有噉講法嘎。我以前成日聽啲老人家噉樣話啲細路仔懶。西南二伯父，你查下來歷啦，我相信好多人都有興趣知道。

西南二伯父唔係懶，係縱容佢個「老友」條僆仔懶啫！卒之害死條好食懶。

六叔

嗯。 

又諗多句：

 

憎人富貴厭人窮——白鴿眼fficeffice" />

六叔

原帖由 外外星人 於 2009-5-25 15:08 發表 「眼眉毛長過身」？吂聽過。應該係眼眉毛長過辮，即係話，單嘢好kam搞。

我問過啲老人家，真系「眼眉毛長過辮」，你啱咗。不過嗰意思好似都系懶噉樣…… 再查證下？

六叔

原帖由 外外星人 於 2008-6-22 22:37 發表 好心唔得好报，好柴烧烂灶！  狮子擘大口米少饭焦燶戽水攞船浮（蒲）焗住亚超着裤（*其实有人话用局，不过呢度用焗睇怕都可以，只不过系另外一层意思）人才唔得出众，讲嘢唔得玲珑，衣服唔得成栊，打交唔得势凶；身痕日日洗，无谓揞 ...

 

戽水攞船浮（蒲）：我聽到嘅版本系「戽水攞船埋」，埋岸嗰埋。

外外星人

原帖由 六叔 於 2009-5-27 14:20 發表 我問過啲老人家，真系「眼眉毛長過辮」，你啱咗。不過嗰意思好似都系懶噉樣…… 再查證下？

咦，我都做得老嘢囉喎！

 

你嘅講法都有嘅，話人懶嗰時都用得嘅。兩種講法都有人用，至於邊個係最先嘅講法，噉就要留返拜山講嘞！你知啦，啲「鯉魚」就係噉咖喇，養養下咪會變色嘅。

[ 本帖最後由 外外星人 於 2009-5-27 22:07 編輯 ]

外外星人

原帖由 六叔 於 2009-5-27 14:35 發表   戽水攞船浮（蒲）：我聽到嘅版本系「戽水攞船埋」，埋岸嗰埋。

呢個講法幾有創意，浮下浮下都係等埋岸啫！

外外星人

埋街食井水——呢句都算經典喇！

        ↑

    請厾入呢個網址查詢！

六叔

 

【水鬼尿】——淡過唔淡。fficeffice" />

【得一失一】——熊掌魚翅不可兼得。

【踩著芋hap3當蛇】——一朝被蛇咬，十年怕草繩。

【拜神唔見雞】——周身唔過癮。

【一千幾百，猶如垃圾；一萬幾千，過眼雲烟】——請客埋單時記得噉講。

【唔見棺材唔流眼淚】——未知嗰死字點寫。

【掂過碌蔗】——蔗系直嘅，直既系掂，既系掂~掂都冇咁掂啰。

【教你猶如教只牛】——對牛彈琴。

【精過冇尾蛇】——想搵佢笨就難咯。

【實食冇黐牙】——冇得走雞啦。

【揸住雞毛當令箭】——有風駛盡利。

【妹仔大過主人婆】——主次不分。

【事急馬行田】——不按常規出牌。源自中國象棋術語，馬行日，不應行田。

【馬死落地行】——執生啦。

【飛象過河】——離曬譜。源自中國象棋術語，象不能過河。

【飛禽大咬】——勢兇夾狼。

 

jun2982804

原帖由 外外星人 於 2008-6-17 21:51 發表   我哋讲惯：一代堂，二代表，三代嘴藐藐

哈哈，重唔畀我执到你鸡脚！你都未讲晒啊，重争咗句：

一代姑，二代表，三代嘴藐藐，四代见到笑都唔笑

有时莫讲话四代啊，可能就算系三代都唔识，咁就更系见到笑都唔会笑喇

再整多个：kik7 lik7 kaak7 lak7

意思：1.算盘等嘅拟声词；2.指数量少嘅嘢，或者系啲湿星嘢

[ 本帖最後由 jun2982804 於 2009-10-27 11:32 編輯 ]

jun2982804

重有：

姑表嫡嫡亲，姨表远疏近

意思系，系旧阵时，好多人认为，姑表之间嘅血系滴得埋嘅，但姨表间嘅关系，则系远就疏，近就亲。

jun2982804

重有：

好心着雷劈

好头戴烂（laan6）帽，好柴烧烂（laan3）灶，好心无好报

jun2982804

易过食生菜

易过借火

以上够晒简单，唔使解释挂

荔浦碧野

应该是「饭匙头」，而不是「番薯头」或「饭薯头」

引文
惠州日报2009-10-31 A3版载
过埠「番薯头」（图/文）
      广东人喜欢把 「大眼镜蛇」叫做「饭铲头」或「番薯头」。「饭铲头」好解释，那是说「大眼镜蛇」凶巴巴地把头抬高「嘶嘶」作响的时候，蛇头扁得像饭铲。而「番薯头」则一直没有比较形象的解释。这回不一样了，博罗县居民林小姐日前从家乡五华县带回来的这条番薯，像不像那凶巴巴地抬高头，「嘶嘶」作响的「大眼镜蛇」？   本报特约通讯员徐穗辉 摄/文

      关于广东人对眼镜蛇的俗称，粤语（粤方言）系列的广州方言称为「饭铲头」、模糊音「番薯头」，广州方言词典亦收有「饭铲头」词条。同属粤语系列的惠州方言，也有两个俗称，一个是「饭铲头」，其含义与上面引文「饭铲头」的基本一样；另一个是「饭匙（惠州话音qi。普通话音chi）头」，其中「饭匙」即饭勺，与「汤匙」相对相成，但其用以舀饭部位形状，则比汤匙较扁且宽大些，活像该蛇蛇头变扁时的形象。因此，那种将惠州方言关于眼镜蛇的俗称，称为写为「番薯（头）」、「（饭）薯（头）」的，其原音读音、用义、用字，均为不当。
      由此看来，上面引文中关于广东人把眼镜蛇俗称为「番薯头」，应该纠正更正为「饭匙头」。亦即其所说的「番薯头」，应该是「饭匙头」之讹误，因而出现了「『番薯头』则一直没有比较形象的解释」，乃至不得不苦煞心思，以难逢难遇、难得一见、形象像眼镜蛇的农作物「过埠『番薯头』」实物图文类来解释的窘境。

僆仔

原帖由 六叔 於 2009-5-26 15:11 發表 嗯。  又諗多句：   憎人富貴厭人窮——白鴿眼

哩句嘢好似唔系噉樣嗰噃 意思系－－心哋唔好。

系我記憶里面，這句應該系噉樣講嘅『憎人富貴欿（恨）人窮』。

試想一下，如果有個人好打過你，而你又好鬼死憎恨佢，你會點呢

系唔系欿（恨）不得佢出門畀車..............呢？.

僆仔

原帖由 外外星人 於 2009-5-20 08:46 發表 走得過清明，走唔過閉墓。（呢句之前寫過，唔知點解畀人刪咗？ 今時今日噉嘅治學態度唔夠咖！ 唔識唔緊要，錯咗都唔怕，至弊就係文過飾非，於己無益。 留低自己錯嘅痕跡，係啱嘅開始，亦睇到自己真係進步咗囉！ ）唔係走得過初一，走唔過十五。 ...

逃唔過十五。

僆仔

原帖由 六叔 於 2009-5-26 09:13 發表   呢句系有噉講法嘎。我以前成日聽啲老人家噉樣話啲細路仔懶。西南二伯父，你查下來歷啦，我相信好多人都有興趣知道。

屬意為『表面老好人，其實縱壞人』。

咳，其實佢想咁嘅咩 實屬無奈之結果。因為，被縱者唔系窮人，唔旨在哩份手作活，練精學懶惡習自然就形成，身為紙紮老闆嘅二伯父，話得你幾多呢？？唔使搵食咩？？倒不如做個老好人由得你囉。

 

 

馬萬千

原帖由 jun2982804 於 2009-10-27 11:58 發表 重有：好心着雷劈好头戴烂（laan6）帽，好柴烧烂（laan3）灶，好心无好报

我聽個版本係「有心無好報、好布燒爛灶」。

食字兼頂真。

馬萬千

原帖由 tonybean 於 2008-6-11 11:28 發表 寧欺白須公，莫欺少年窮。   未到六十六，唔好笑人手指曲。

我聽個版本係「寧欺白鬚公、都莫欺鼻涕蟲」。�蟲」」

做咪哇

斑鳩擔咋

跌死就罷

 

斑鳩會擔草或樹枝作竇, 但其結構非常簡陋, 所以間中會有雀蛋或雀仔從穿底嘅雀竇跌落地下.

 

比喻有啲人處事馬虎.

 

"咋" 字呢個讀音可能會係從 "枝椏" 轉化而來

雙馬

屙尿都隔過渣——話人孤寒，精打細算
highyun 發表於 2006-12-16 19:10

尿有渣

    肾结石？尿道结石？