廣東話 定 廣州話

嶺南散人

原帖由 jowett 於 2008-10-11 21:52 發表 香港人讲既粤语懒音比广州人讲既要多得多，我身边好多广州人讲既广州话都非常标准，基本上符合正音了。

丂你就遇到高人喇。羨慕羨慕。

 

起碼我睇電視，廣東所有粵語電視臺嘅播音都已經幾乎全盤懶音，相反香港電視臺嘅播音尚有正音可聽，特別係新聞報道。

jowett

你讲得有道理。

cingsan

原帖由 嶺南散人 於 2008-10-12 00:08 發表 丂你就遇到高人喇。羨慕羨慕。   起碼我睇電視，廣東所有粵語電視臺嘅播音都已經幾乎全盤懶音，相反香港電視臺嘅播音尚有正音可聽，特別係新聞報道。 ...

嗰啲救物？？都叫正音？？？

嶺南散人

原帖由 cingsan 於 2008-10-12 10:27 發表 嗰啲救物？？都叫正音？？？

【唐韻】古侯切

 

【集韻】【韻會】【正韻】居侯切

 

由此可見，「救[k u33]物」冇錯。

shigan

广州节目主持人都有懒音

cingsan

原帖由 嶺南散人 於 2008-10-12 11:24 發表 【唐韻】古侯切 【集韻】【韻會】【正韻】居侯切 由此可見，「救[k u33]物」冇錯。

O敢點解呢度又極力反救物？？

MIHAJLOVIC-LEE

我係广州人。点解话广州霸道？可能你未嚟过。广州人先至係忍得，唔搞事，唔似啲外省同胞咁；广州人先係各有各做，唔似啲外省同胞咁一定要监你跟佢套。唔好讲「霸道」，如果讲到优越感，话香港人远胜广州人恐怕无异议啩。

关于呢个问题，个人认为，因为依家广府文化最高点响香港而唔响广州，广州本土文化係弱势，人地唔再认你，仅此而已。另外，「粤语」好，「广东话」好，意思应该都係「广东方言」，但广东嘅主要方言仲包括客家话同潮州话，用「广东话」呢种表述怕且亦都未必准确。

呢段纯属个人意见，并无任何挑衅攻击成分，如有冒犯，多加包涵。

melop

原帖由 cingsan 於 2008-10-12 13:39 發表 O敢點解呢度又極力反救物？？

喔，因為廣府話好早就轉咗讀 kau33 啦。改返 gau33 唔符合習慣。比如「水溝」，廣府話讀 kau55，但古代都係 g 聲母嘅，改返g就變粗口。

cingsan

原來如此，thank you！

余OK

　　我知道「白話」廣州人唔興講，所以想請教一個問題。情景：一個廣州人同相熟嘅外地朋友傾開偈，佢想知道佢朋友鄉下係咪都係講粵語，呢個時候佢一般係點問嘅呢：「你鄉下都係講××話？」。××你哋通常會講咩？

MIHAJLOVIC-LEE

我会问「你哋嗰便係讲咩话架？」一般唔会提「乡下」，费事以为又係咩歧视睇唔起之类，虽然我无咁嘅意思，我亦会同人讲我乡下响边，不过好多人就係会咁谂。

余OK

　　我嘅意思係問嗰個人作試探性提問，而唔係用what問句。

siukei020291

講真　廣州話叫起黎好難聽同埋會比ｅ家既廣東人笑你撈ｈｉ　香港話同月語叫起黎好銀耳　廣府話叫起黎好似好唔ｇ點講好　其實都係白話同廣東話叫起黎好聽好多　重有ｅ家ｄ廣州大半數人都叫成廣東話　白話　尼度雖然好多人堅持話叫廣州話　但係事實上平時你地都係叫廣東話　白話為多　尼ｄ係事實　香港人雖然懶音多　但係講起上黎流暢得多　快得多

siukei020291

其實基本上係勢既問題

以家香港係世界第七大城市

北京上海指係緊次十至二十名之間

香港咁有錢 緊係多廣東人落去啦

咁就慢慢形成廣東話同白話

慢慢就變成香港個勢啦 好簡單

新燕青

有些网友说广州人想广州成为直辖市，不知有何依据？如果公投起码有六成人不同意，按广州人的性格，最好是成为自辖市的市民！！

新燕青

「起碼我睇電視，廣東所有粵語電視臺嘅播音都已經幾乎全盤懶音」，问题是谁在主导，如果有一个民选的粤文化委员会正字正音维系古汉语，就不会粤风日下了！！

黄百万

原帖由 嶺南散人 於 2008-10-12 11:24 發表 【唐韻】古侯切   【集韻】【韻會】【正韻】居侯切   由此可見，「救[k u33]物」冇錯。

 

古音雖然無錯。

 

但要注意重詞，如果有人用古音同你講 「我去搶購牛奶」，

 

你會唔會聼成「我去搶救牛奶」先?

 

 

[ 本帖最後由 黄百万 於 2008-10-17 21:29 編輯 ]

MIHAJLOVIC-LEE

直辖市？

有些网友说广州人想广州成为直辖市，不知有何依据？如果公投起码有六成人不同意，按广州人的性格，最好是成为自辖市的市民！！

-------------------------------------

你讲啊？咩叫「按广州人的性格，最好是成为自辖市的市民！！」咩意思讲清楚啲好唔好？

MIHAJLOVIC-LEE

简单啲嚟讲，经济差异决定文化势差，人哋香港富贵咗，文化向周边输出，咪唔认你囖。「广州话」又好「广东话」又好「粤语」又好，都係讲紧嗰样嘢，睇场合讲话就係。

MIHAJLOVIC-LEE

咁我都算答咗。