廣東話 定 廣州話

xVa

在下新仔一名, 剛才看到個帖

http://bbs.cantonese.asia/viewthread.php?tid=11928

似乎這裡的不少高手都認為"粵語"可說是"廣州話",對"廣東話"一詞不甚應同.

 

為甚麼呢?

 

先說我是認為"廣東話"正是這個討論區的主題(英文都說cantonese),

至於"廣州話"嘛....都沒錯,但未夠貼切.

 

如果說是"廣府話",大家又認為與"粵語","廣州話","廣東話",有甚麼區分?

 

恕我真的很不了解問得很多,

有請大家指教.

 

(如有帖錯區,有勞版主代搬帖 )

 

[ 本帖最後由 xVa 於 2008-9-2 21:29 編輯 ]

highyun

呢個話題永遠爭論唔完，你自己覺得叫乜嘢就乜嘢。

我就習慣叫粵語。

melop

原帖由 xVa 於 2008-9-2 21:25 發表 先說我是認為"廣東話"正是這個討論區的主題(英文都說cantonese), 至於"廣州話"嘛... ...

其它嘢唔講了，得個拗，冇結果。呢度呢，Cantonese 中嘅詞根「Canton」係指廣州，而唔係廣東。呢個詞，的而且確係「廣東」嘅法文譯音，但係喺西方語言中，一向用來特指廣州。廣東叫「kwongtung」 。

xVa

我都預0左多數人會支持"廣州話"一說,

但請問大家對"廣府話"一詞又有何說法?

 

提供以下網站供大家研究一下:

http://www.cantoneseculture.com/page_TalkCantoneseDialect/index.aspx

 

賜教賜教.

顺德水蛇粥

以广州话为代表嘅广府话。

xiss

以前習慣叫「廣州話」嘅。不過香港人隨著經濟發展，逐漸產生咗自主情緒，覺得「廣州話」太睇得起廣州人，但係又嫌「粵語」拗口，於是乎就「靈機一動」，「創造性」噉樣「發明」出「廣東話」一詞。之後呢種自主情緒反向輸入到珠三角，亦都普遍產生咗一種「反廣州霸權」嘅「自主情緒」，於是乎，對於「自主情緒」（或者叫反廣州霸權主義）蘇醒咗嘅非廣州粵語人，就開始高舉「反對廣州話，我愛廣東話」嘅大旗，首先自己改口叫廣東話，然後又對廣州話窮追猛打，久而久之，「廣東話」亦都流行起來，「廣州話」「粵語」等詞逐漸被取而代之。

廣州人肯定繼續叫「廣州話」。
香港人大多叫「廣東話」。
其它地區就因人而異，如果係覺得廣州霸道嘅，反感廣州嘅，一般改叫廣東話。唔覺得嘅，就繼續叫「廣州話」。

我個人認爲，
廣州人繼續叫「廣州話」呢點無可厚非。其它地區嘅人點樣叫就隨得佢哋嘞，畢竟如果叫佢哋係要改口叫返「廣州話」確實係講唔過去嘅。
但係絕對反對「廣東話」取代「粵語」呢個傳統且正確嚴謹嘅名。
更加反對粵協改「粵語」為「廣東話」。
不過，贊成將「廣州話」作爲「粵語」（部分人口中嘅「廣東話」）嘅標準音。

xVa

原帖由 xiss 於 2008-9-3 01:22 發表 以前習慣叫「廣州話」嘅。不過香港人隨著經濟發展，逐漸產生咗自主情緒，覺得「廣州話」太睇得起廣州人，但係又嫌「粵語」拗口，於是乎就「靈機一動」，「創造性」噉樣「發明」出「廣東話」一詞。之後呢種自主情緒反向輸入到珠 ...

謝謝!我也認同你的說法~

顺德水蛇粥

广东人觉得以前太睇得起香港人，于是就有咗「港灿」一词，搞到近几年港人都自嘲「港灿」。

中二仔

原帖由 xiss 於 2008-9-3 01:22 發表 「創造性」噉樣「發明」出「廣東話」一詞

有異議

 

我覺得「廣東話」係以前北佬南移風潮下起嘅.

見到一個外省人,會好自然叫佢講嘅語言為:「某市話」或「某省話」

河北人,好自然話佢講河北話,湖南人,好自然話佢講湖南話......

所以產生「廣東話」一辭絕對係正常現象

 

況且廣東裏面,得廣州人叫「廣州話」

唔通以前來香港嘅一律係廣州人?

本身個個都叫「廣州話」?

嶺南散人

原帖由 xVa 於 2008-9-2 21:25 發表

在下新仔一名, 剛才看到個帖

引用:

http://bbs.cantonese.asia/viewthread.php?tid=11928

似乎這裡的不少高手都認為"粵語"可說是"廣州話",對"廣東話"一詞不甚應同.

 

為甚麼呢?

 

先說我是認為"廣東話"正是這個討論區的主題(英文都說cantonese),

至於"廣州話"嘛....都沒錯,但未夠貼切.

 

如果說是"廣府話",大家又認為與"粵語","廣州話","廣東話",有甚麼區分?

 

恕我真的很不了解問得很多,

有請大家指教.

 

(如有帖錯區,有勞版主代搬帖 )

1.因為「廣東話」係生按白造出來嘅，廣東同廣西都係講同一種語言——粵語，吂有一種喊做「廣東話」嘅語言。

 

2.唔使理英語幾何講，恁個問題等鬼佬自己解決。

 

3.廣府話：即華語粵方言廣府片。

 

廣州話：即華語粵方言廣府片廣州話。

 

廣東話：係將粵語以偏概全嘅錯誤提法。

嶺南散人

原帖由 xiss 於 2008-9-3 01:22 發表 我個人認爲，
廣州人繼續叫「廣州話」呢點無可厚非。其它地區嘅人點樣叫就隨得佢哋嘞，畢竟如果叫佢哋係要改口叫返「廣州話」確實係講唔過去嘅。
但係絕對反對「廣東話」取代「粵語」呢個傳統且正確嚴謹嘅名。
更加反對粵協改「粵語」為「廣東話」。
不過，贊成將「廣州話」作爲「粵語」（部分人口中嘅「廣東話」）嘅標準音。

1.其它地區嘅人改口叫返「廣州話」確實有必要，可先可以撥亂反正。

 

2.贊同。

 

3.贊同。

 

4.唔可以喊做「標準音」，衹能夠講話係「代表音」。

[ 本帖最後由 嶺南散人 於 2008-9-3 09:23 編輯 ]

嶺南散人

原帖由 中二仔 於 2008-9-3 06:09 發表 有異議   我覺得「廣東話」係以前北佬南移風潮下起嘅. 見到一個外省人,會好自然叫佢講嘅語言為:「某市話」或「某省話」河北人,好自然話佢講河北話,湖南人,好自然話佢講湖南話...... 所以產生「廣東話」一辭絕 ...

贊同

melop

原帖由 嶺南散人 於 2008-9-3 09:21 發表 1.其它地區嘅人改口叫返「廣州話」確實有必要，可先可以撥亂反正。   2.贊同。   3.贊同。   4.唔可以喊做「標準音」，衹能夠講話係「代表音」。 ...

我都覺得如果叫「標準音」唔合適，因為面係人地畀嘅。但係廣州話可以作為粵語中嘅「通語」，作為各粵語人群嘅交流語言，咁應該冇人會唔順啦掛。

bajatvj

廣州話確實有地域主義，粵語才是絕對正確的。廣州話雖然不斷向外輸出，不過廣州話衹是一種廣州音粵語，強迫其他粵語地區的人講「廣州話」確實不妥。

bajatvj

原帖由 melop 於 2008-9-3 01:48 PM 發表 我都覺得如果叫「標準音」唔合適，因為面係人地畀嘅。但係廣州話可以作為粵語中嘅「通語」，作為各粵語人群嘅交流語言，咁應該冇人會唔順啦掛。 ...

標凖音、白話這些詞意思模糊，北京人也可以稱北京話做標凖音、白話

外外星人

原帖由 bajatvj 於 2008-9-3 13:49 發表 廣州話確實有地域主義，粵語才是絕對正確的。廣州話雖然不斷向外輸出，不過廣州話衹是一種廣州音粵語，強迫其他粵語地區的人講「廣州話」確實不妥。 ...

 

边个？

vincent10

一種語言 各自表術。。。。不過我自 出世以嚟 聽啊婆啊嫲叫 重來就將粵語講成 廣州話同白話  老人傢口中基本冇出現過 廣東話

广州神

广州人讲广东话系最有水准,同埋,系最好听,唔会有懒音.所以就叫广州话無錯。

xiss

原帖由 广州神 於 2008-9-3 23:17 發表 广州人讲广东话系最有水准,同埋,系最好听,唔会有懒音.所以就叫广州话無錯。

細聲尐啊，唔係香港仔會唔高興咖。

xiss

原帖由 中二仔 於 2008-9-3 06:09 發表 有異議  

我覺得「廣東話」係以前北佬南移風潮下起嘅.

見到一個外省人,會好自然叫佢講嘅語言為:「某市話」或「某省話」

河北人,好自然話佢講河北話,湖南人,好自然話佢講湖南話......

所以產生「廣東話」一辭絕對係正常現象

 

況且廣東裏面,得廣州人叫「廣州話」

唔通以前來香港嘅一律係廣州人?

本身個個都叫「廣州話」?

香港產生「廣東話」一詞絕對係正常現象啦，呢點我之前已經解釋過。
PS：中二仔嘅發言就係我之前所講嘅「自主思緒」嘞。具體表現為「去廣州化」，各位明白冇？
[ 本帖最後由 xiss 於 2008-9-3 23:52 編輯 ]