廣東話 定 廣州話

外外星人

原帖由 xVa 於 2008-9-4 23:55 發表 我唔識換算...............

 

100呎相当于9平方。

bajatvj

講來講去，就是強勢問題，以前廣州是全世界最有錢的城市，週邊鄉鎮哪個不去學廣州話沾一下光。但是現時廣州強勢式微，轉由香港主導，香港人本身大多就是外省人，更之不會承認自己使用的語言被矮化成廣州話。現時北京人說的普通話稱作北京話，上海人的吳語叫上海話，不論走到哪裏都有一種自豪感。而香港人甚至佛山、中山、廣西的人都不會認為說廣州話值得自豪，所以最終就是強勢問題。

芬1012

原帖由 bajatvj 於 2008-9-5 00:55 發表 講來講去，就是強勢問題，以前廣州是全世界最有錢的城市，週邊鄉鎮哪個不去學廣州話沾一下光。但是現時廣州強勢式微，轉由香港主導，香港人本身大多就是外省人，更之不會承認自己使用的語言被矮化成廣州話。現時北京人說的普通話 ...

 

你講得就唔啱嘞，唔係乜嘢強唔強勢嘅問題，香港亦都唔係外省人。

 

喺早期，唔係嶺南各地啲人學講廣州話，而係調番轉，係廣州人學嶺南各哋啲人講嘢。

 

廣州嘅形成唔會早過第二啲埞方，甚至重遲啲添。當時各地都定期趁墟，相對嚟講，嗰啲係細墟，組織咗啲貨之後，就嚟廣州呢個埞方趁大墟（由於廣州嘅地理位置比較適中）。於是，各地嘅語音就帶到嚟廣州嘞（當然，嗰陣時各地嘅語音都係相差無幾嘅）。可以噉講，hambaanglaang廣州人嘅原籍都係嚟自嶺南各庶嘅。「陳李制」嘅事頭都係南海人，好似有一個重係順德人添。

 

所以你會發覺，有啲廣州話喺呢幾個埞方搵到，喺嗰個埞方就未必有；喺嗰幾個埞方搵到，呢個埞方又未必有嗰啵。

 

噉，嗰陣時各庶嘅語音喺廣州係點樣篩選嘅呢？

 

由於廣州係一個大墟，商業就梗係好發達、好繁忙咯喇，為咗適應呢種情況，就要有以下幾個原則嘞：

 

1、各地盡可能相同、相通嘅語音、詞彙、語法。

 

2、發音要清晰，容易講又容易聽，所以廣州話係比較清脆嘅。某啲埞方嘅太濁嘅音就冇留喺廣州話度嘞。

 

3、要快、短、準。「得」、「弊」、「哂」、「制」

 

4、音素盡可能多，同音字詞盡可能少。啲元音都基本上齊哂。

 

5、形容詞、動詞要分得比較細。

 

當然，去廣州嘅交通越方便，喺廣州話嘅成份就越大。

 

廣州話係由嶺南各庶鄉音組成嘅，而且經過好耐時間嘅商業環境改造，自然大家都比較接受。

外外星人

即系话，广州话系粤语嘅代表冇错啦！

外外星人

广州话而家重分南海音、番禺音、西关音。问下其他会员就知道嘞！

芬1012

原帖由 外外星人 於 2008-9-5 03:48 發表 即系话，广州话系粤语嘅代表冇错啦！

 

係囉，你嘅原籍喺東莞，我嘅喺南海。

 

我啲親戚朋友啲原籍都唔喺廣州嘅：南海、新會、花縣、肇興、番禺、封開、從化...

 

你哋嘅呢？

芬1012

有人想分化我哋？睇怕都幾難嘞。

中二仔

原帖由 xiss 於 2008-9-4 22:21 發表 同聲同氣？世界大同啊？我唔係對香港人恨之入骨，我自問我嘅生活水平唔會比香港平均水平低，冇必要喺香港人面前感到自卑。我只係覺得香港人好似好需要一個落後嘅内地，以維持佢哋嘅心理陰暗面嗟，你哋夠膽保證每個香港人都願意承 ...

其實我敢講,大陸文化程度高少少,畀啲公德心,垃圾唔好周街丟,唔好隨地吐痰...

同大陸人,廣東人同聲同氣嘅香港人大有人在

中二仔

原帖由 tonybean 於 2008-9-4 23:44 發表 一百平米嘅單元住4個人就好闊落啦～有冇計錯數啊？一米八有幾呎高？

香港的確無幾多人間屋多過「一百平米」

有一千呎已經好好喇...

bajatvj

原帖由 芬1012 於 2008-9-5 03:38 AM 發表   你講得就唔啱嘞，唔係乜嘢強唔強勢嘅問題，香港亦都唔係外省人。   喺早期，唔係嶺南各地啲人學講廣州話，而係調番轉，係廣州人學嶺南各哋啲人講嘢。   廣州嘅形成唔會早過第二啲埞方，甚至重遲啲添。當時各 ...

講下講下，都唔知講到去邊了。現在討論在香港「廣州話」點解要講成「廣東話」。再落下可能要講到去原始人了。

bajatvj

香港人未必全部是外省人，不過外省人較早落到香港，而且有好多有錢人。當時他們聽到當地人講的話，就話係廣東話，後來移民到的無奈要跟隨啦。

cingsan

你都係睇返我嗰樓吧，廣東人講廣東話，湖南人講湖南話…呢啲嘢唔使谂。。就知嘞！！

cingsan

原帖由 中二仔 於 2008-9-5 06:36 發表 香港的確無幾多人間屋多過「一百平米」 有一千呎已經好好喇...

四仔，一千呎又係幾平方米？？？

嶺南散人

原帖由 cingsan 於 2008-9-5 08:13 發表 你都係睇返我嗰樓吧，廣東人講廣東話，湖南人講湖南話…呢啲嘢唔使谂。。就知嘞！！

行政區劃同民系分布并不重合，該種講法容易以偏概全同張冠李戴。

余OK

　　運用「歐陽偉豪論」，對住廣州人我會講「廣州話」，對住香港人、外江佬我會講「廣東話」，對住珠三角四鄉或者粵西、廣西粵語區人我會講「白話」，對住學術界我會講「廣府話」或者「粵語」，對住日本仔我會講「広東語」，對住英美鬼我會講「Cantonese」，對住法國佬我會講「Cantonois」，對住西班牙佬我會講「Cantonés」，對住韓國佬我會講「광동어」……此乃「左右逢源、見招拆招」，重有邊個夠我玩？！

[ 本帖最後由 余OK 於 2008-9-5 16:09 編輯 ]

penkyamp

要赋予粤语一个新名：「南华语」，詌就同「北华语」（中国语，华语，普通话）平起平坐。
而且，「南华语」一名可以团结有粤语知识，中意讲粤语，但唔系粤族群嘅国人或华侨。

嶺南散人

原帖由 余OK 於 2008-9-5 14:11 發表 　　運用「歐陽偉豪論」，對住廣州人我會講「廣州話」，對住香港人、外江佬我會講「廣東話」，對住珠三角四鄉或者粵西、廣西粵語區人我會講「白話」，對住學術界我會講「廣府話」或者「粵語」，對住日本仔我會講「廣東語」…… ...

對住「香港人、外江佬」「日本仔」應該糾正彳卻，講彳卻聽「廣東話」該個喊法係唔正確嘅，係以偏概全，應該喊「粵語」或者「帛話」，而「廣府話」係「粵語」嘅一種，「廣州話」又係「廣府話」嘅一種。

嶺南散人

原帖由 penkyamp 於 2008-9-5 14:26 發表 要赋予粤语一个新名：「南华语」，詌就同「北华语」（中国语，华语，普通话）平起平坐。而且，「南华语」一名可以团结有粤语知识，中意讲粤语，但唔系粤族群嘅国人或华侨。 ...

「南華語」可以包括粵、客、閩、湘、贛、平、吳、徽八種。

penkyamp

原帖由 嶺南散人 於 2008-9-5 14:33 發表 「南華語」可以包括粵、客、閩、湘、贛、平、吳、徽八種。

既然「华语」系一种具体嘅标准现代语，亦即系讲，普通话，而唔包括南京话，天津话，洛阳话，西安话，武汉话，点解「南华语」就唔能够系一种具体嘅标准现代语？

我唔系讲「华南汉语方言」，而系讲一种命名为「南方的华语」嘅标准国际通用语。　

而家，北美鬼佬都好清楚，「北华语」就系ＭＡＮＤＡＲＩＮ,　「南华语」就系Ｃａｎｔｏｎｅｓｅ．　喺鬼佬地方，你一唔系就以北华语为主要民族语，一唔系就讲南华语。上海语，闽南语，根本就无呢个资格。　鬼佬知道，上海语人士同闽南语人士嘅主要民族语，重系北华语。而客家语，台山语，潮州语人士，主要民族语，好可能系广东语。

中二仔

原帖由 cingsan 於 2008-9-5 08:15 發表 四仔，一千呎又係幾平方米？？？

應該唔夠一百平方米