「尋日」定「琴日」？

xiss

原帖由 中二仔 於 2008-6-24 18:30 發表 其實講到牽強,「尋」「沈」咪又係一樣牽強~ 反正,你當我借字得喇! 我只不過用一個我比較鍾意嘅字啫~

我呢道問緊嘅係正字啊，你答個借字嚟做麽鬼嗟！

芬1012

http://bbs.cantonese.asia/archiver/?tid-2474.html

外外星人

原帖由 芬1012 於 2008-6-25 00:51 發表 http://bbs.cantonese.asia/archiver/?tid-2474.html

 

http://bbs.cantonese.asia/viewthread.php?tid=2474

xiss

睇嚟（根據上面嘅鏈接），「尋日」應該正確過「琴日」。

中二仔

原帖由 xiss 於 2008-6-24 21:32 發表 哈哈，你喺《冚家剷》一帖裏面能夠利用版主同你關帖，又識得斷章取義，你有咁大後臺我邊道敢同你辯論啊！！   你問我？好似一直以來都係你話「正字」「本字」佢哋兩者意思唔同喔，你解釋下都好應該嗟，麻煩你先詳細解釋下先 ...

我無利用過版主,你可以自己問清楚人

而關於「斷章取義」,真係一個主觀,我唔同你拗.

其實小弟從來未想同你辯論,我只不過想知下你嘅諗法.

 

响之前個帖,我已經就「正字」「本字」解釋咗三次以上,點解你重要我解釋,重想我解乜?

不如你講下有乜嘢唔明,直接問啦~

你一路都未有實際例子嘅問題喎!

譬如你可以問下某字同某字我有咩睇法,咁比較明確清晰.

中二仔

原帖由 xiss 於 2008-6-24 21:34 發表 我呢道問緊嘅係正字啊，你答個借字嚟做麽鬼嗟！

我上面都講咗,我嘅答案係:沈

信不信由你

芬1012

原帖由 xiss 於 2008-6-25 10:48 發表 睇嚟（根據上面嘅鏈接），「尋日」應該正確過「琴日」。

 

呢個鏈接只係講明之前經已討論過，當時我亦都覺得應該搵個有「意思」嘅字，贊成用個「沉」字，無非就係太陽沉咗落去噉解。

 

之後嘅一個星期，我都下意識噉將「琴日」講成「沉日」。但係我又留意到啲老人、越語場片都唔會講個「沉」字音嘅。

 

見到噉樣，我知道我哋係冇理由隨便解釋tung'改變我哋啲語音嘅。

 

重有，點解我哋一定要解釋個「琴」字音，點解人哋就唔使解釋個「zok」字音呢。

[ 本帖最後由 芬1012 於 2008-6-25 13:51 編輯 ]

xiss

原帖由 芬1012 於 2008-6-25 13:49 發表   

呢個鏈接只係講明之前經已討論過，當時我亦都覺得應該搵個有「意思」嘅字，贊成用個「沉」字，無非就係太陽沉咗落去噉解。

 

之後嘅一個星期，我都下意識噉將「琴日」講成「沉日」。但係我又留意到啲老人、越語場片都唔會講個「沉」字音嘅。

 

見到噉樣，我知道我哋係冇理由隨便解釋tung'改變我哋啲語音嘅。

 

重有，點解我哋一定要解釋個「琴」字音，點解人哋就唔使解釋個「zok」字音呢。

尋日亦都有佢嘅意思啊，睇睇上面嘅鏈接就知啦！而且好似重好頭頭是道。

 

至於你後面嗰尐問題，涉及正字正音嘅態度問題，我無謂與之辯論，以免再次被人判「走題」。

芬1012

我冇反對過「正字」「本字」，只係應該有一個原則、前提：

 

音為主，字為次，唔應該移音就字嘅。

xiss

原帖由 芬1012 於 2008-6-25 14:12 發表 我冇反對過「正字」「本字」，只係應該有一個原則、前提：   音為主，字為次，唔應該移音就字嘅。

大前提係：字要正。至於音呢，就睇具體情況而定，粵語亦都有好多「訓讀」。

不過我認爲，音係變化得最快嘅，亦都係最容易出錯嘅，所以正音係有必要嘅。如果係因爲遷就個人習慣而任由錯音，恕我無法苟同。

中二仔

最後回應一樓嘅問題,我有下列總結:

 

1.「尋日」,「琴日」都無問題

2.我嘅睇法,來源係「沈日」

 

原帖由 xiss 於 2008-6-19 23:06 發表 我身邊嘅人，有人講「尋日」，有人講「琴日」。我就兩樣都有講下，噉究竟係「尋日」定「琴日」？   另外，「尋（琴）日」呢個詞究竟係點嚟咖？本字係么啊？ 

xiss

原帖由 中二仔 於 2008-6-25 18:12 發表 最後回應一樓嘅問題,我有下列總結:   1.「尋日」,「琴日」都無問題 2.我嘅睇法,來源係「沈日」  

因爲啱啱通過ICQ向香港相熟人士求證過，寫尋日嘅不屬少數。所以對樓上第二點抱保留態度，傾向贊同「尋日」。

中二仔

原帖由 xiss 於 2008-6-25 20:59 發表 因爲啱啱通過ICQ向香港相熟人士求證過，寫尋日嘅不屬少數。所以對樓上第二點抱保留態度，傾向贊同「尋日」。

寫尋日當然唔係少數,但係查正本字嘅時候,唔應該受俗寫影響

簡單來講,個個都寫某個字,唔代表嗰個字係本字.

xiss

原帖由 中二仔 於 2008-6-25 21:21 發表 寫尋日當然唔係少數,但係查正本字嘅時候,唔應該受俗寫影響簡單來講,個個都寫某個字,唔代表嗰個字係本字.

愚認爲，正如樓上所言，個個都寫某個字,唔代表嗰個字係本字，故應以意思為基準。「尋日」之意有人詳細述之，「沈日」亦不乏解釋之言。故無法認定誰正誰俗。

愚之前所言，意僅為傾向贊同「尋」，並無批評「沈」等其它寫法之意。

sokyantat

我覺得

寫成「昨日」，講作[cham yat]，都幾不錯喔。

 

依次類推，寫「明日」，講作[ting yat]，既符合漢語習慣，又不失粵音特色！

 

日本人寫「昨日」，讀[ki no u]，「今日」[kyo u]，「明日」[a shi ta/ a su]，如此都得。

 

若果我等都同佢等一樣o甘寫，漢字圈D人學我等粵漢語之時，就更加有認同感。

[ 本帖最後由 sokyantat 於 2008-6-25 22:39 編輯 ]

芬1012

原帖由 xiss 於 2008-6-25 20:59 發表 因爲啱啱通過ICQ向香港相熟人士求證過，寫尋日嘅不屬少數。所以對樓上第二點抱保留態度，傾向贊同「尋日」。

 

寫「尋日」「沉日」嘅啲人嘅心態其實同你一樣，硬係要搵到個字先至安樂，如果唔係就冇信心嘞。

芬1012

原帖由 xiss 於 2008-6-25 20:59 發表 因爲啱啱通過ICQ向香港相熟人士求證過，寫尋日嘅不屬少數。所以對樓上第二點抱保留態度，傾向贊同「尋日」。

 

我想問你一句，你一年裡頭會講幾多次「尋」字咖？

 

好肯定噉講，一次都冇，係唔係？

xiss

原帖由 芬1012 於 2008-6-25 23:33 發表   我想問你一句，你一年裡頭會講幾多次「尋」字咖？   好肯定噉講，一次都冇，係唔係？

請冷靜，我，包括我身邊嘅好多人都講尋日，除非我哋唔需要表達「昨天」呢個意思。

但係亦都有人講「琴日」，所以先發呢張帖。

[ 本帖最後由 xiss 於 2008-6-26 00:22 編輯 ]

xiss

原帖由 芬1012 於 2008-6-25 23:27 發表   寫「尋日」「沉日」嘅啲人嘅心態其實同你一樣，硬係要搵到個字先至安樂，如果唔係就冇信心嘞。

只係對待正字嘅態度大家有所不同。

芬1012

「請冷靜」係乜嘢意思啊？你又點知我唔冷靜啊？

 

係唔係想講：佢「唔冷靜」，所以講啲嘢「唔啱」？

 

呢種辯論手法真係好有問題，乜你唔覺嘅咩？

 

既然我哋好日都唔講個「尋」字嘅，點解又會講「尋日」嘅呢？不如講「搵日」啦好唔好啊？

 

重有，你好似重未解釋點解講「昨zok日」，點解唔講「wok日」「tok日」「pok日」「gok日」「mok日」噃。

 

冇錯，越語從嚟就冇一套正規嘅文字系統嘅，所以先至會有「琴日」啫，睇起上嚟係有啲異相（呢點我以前同你而家嘅睇法係一樣嘅）。

 

不過後嚟諗深一層，點解人哋有「昨日」就得，我哋有「琴日」就唔得啊？最多第時有條件咯，喺個「琴」字前邊加番個「日」字部囉。