昨天正確的粵語系:尋日定系岺日?
好似兩種都有人讀,請問正確的讀音系.....?[此帖子已經被余OK於2006-10-14 0:33:47編輯過]
Re:[提問] 昨天正確的粵語系:尋日定系岺日?
因為兩種都係啱嘅Re:[提問] 昨天正確的粵語系:尋日定系岺日?
乜吳係琴日咩?點解會係尋日?中有,係黑人憎定係乞人憎?
Re:[提問] 昨天正確的粵語系:尋日定系岺日?
《廣州話方言詞典》同《現代標準漢語與粵語對照資料庫》﹐都用「琴日」。係「乞人憎」。「非洲和尚—黑人僧」係諧音(或懶音)。
有兩個字打錯﹐應該係「唔係」、「重有」。
Re:[提問] 昨天正確的粵語系:尋日定系岺日?
非洲和尚—黑人僧呢個歇後語係一個非常失敗而且非常有害嘅歇後語,佢誤導咗人講懶音。
Re:[提問] 昨天正確的粵語系:尋日定系岺日?
哦~~唔該晒啊……Re:[提問] 昨天正確的粵語系:尋日定系岺日?
岺日?岑日?有人噉講嘅咩?定係琴日呀?Re:[提問] 昨天正確的粵語系:尋日定系岺日?
各位都是广东人吗?为什么回复帖子的全部都是用粤语回复的啊~Re:[提問] 昨天正確的粵語系:尋日定系岺日?
我知道有一兩個外地朋友都係寫粵語。練習寫粵語﹐有錯嘅時候﹐會有人改。Re:[提問] 昨天正確的粵語系:尋日定系岺日?
既然樓主寫正體﹐主題應該係﹕「昨天正確的粵語係:尋日定係岺日?」Re:[提問] 昨天正確的粵語系:尋日定系岺日?
正音應是 「尋(tsam4)日」。粵語把昨日說成 「尋(tsam4)日」,本字應是「昨暝日」。 「尋」是「 昨暝」的合音。
「暝」與「冥」通用,《廣韻》標「莫經切」,得ming4 音,解作昏暗,又解作日暮,夜晚。
「昨暝」 合成 「尋(tsam4)」:zok9 ming4 -> zom4 ->tsam4
原理是,前一字加強而後一字弱化,後一字弱化到只殘留聲母,拼入前字做韻尾,取代了 –k 而得 zom4。而且兩個字合成一個音,一般聲調依隨後字,故得陽平調。
而zom4變成tsam4的原因,乃因古濁音字在粵語中送氣或不送氣,是分成平上及去入兩組,平上送氣,去入不送氣。而韻母由 om 變成 am,乃因古代粵語是有om韻母的,在現代粵語中已轉為am。
雅虎香港知識網友 密瓜
Re:[提問] 昨天正確的粵語系:尋日定系岺日?
沉日。沉,隱沒、消失。
沉日者,已經消逝的日子。
Re:[提問] 昨天正確的粵語系:尋日定系岺日?
yahoo!知識+「最佳回答」http://hk.knowledge.yahoo.com/question/?qid=7006072703993﹕「其實本來係尋日..不過因為香港人既懶音..慢慢就變左做琴日..
講下講下..依架d人又會講尋日,又會講琴日。 」
我唔係話「尋日」正確﹐因為所謂「最佳回答」嘅根據不過係「我呀ba講」。yahoo!知識+嘅權威性可想而知。
我淨係針對「不過因為香港人既懶音..慢慢就變左做琴日」呢句話。我父母幾十年前離開廣東﹐從未住過香港﹐又冇懶音﹐佢哋都係講「琴日」。
Re:[提問] 昨天正確的粵語系:尋日定系岺日?
我細個嗰時周圍都係講「琴日」多,記憶所及好少人講「尋日」,不過世易時移,家陣啲人都係講「尋日」多,我同意dada睇法,「琴日」絕對唔係懶音嘅產物。。。Re:[提問] 昨天正確的粵語系:尋日定系岺日?
我都係講“琴日”嘅,呢個絕對唔係懶音,而應該係習慣嘅唔同。就如“頭先”同“求先”,任何一個都唔係懶音。當然,“尋日”呢種講法都係正確嘅(寫法就唔肯定),但究竟係先有“尋日”再有“琴日”抑或先有“琴日”再有“尋日”,抑或兩個分別各自産生,就唔清楚喇。
Re:[提問] 昨天正確的粵語系:尋日定系岺日?
沉日。沉,隱沒、消失。
沉日者,已經消逝的日子。
本文僅代表作者[夢星羽]的觀點,版權屬作者與粵語協會論壇共同所有』
解得幾有意思
喺《廣州方言詞典》裏面“尋日”個“尋”字,都注明係同音字,至于正字係乜,佢都無寫
Re:[提問] 昨天正確的粵語系:尋日定系岺日?
yahoo知識我唔係話佢地實啱,不過有部分都有道理嘅.尤其是有reference嗰d不過"尋日"或者"岑日"真係好難考究
Re:[提問] 昨天正確的粵語系:尋日定系岺日?
大洋网都讨论过呢个问题,同样冇结果。http://club.dayoo.com/read.dy?b=cantonese&t=585405&i=585405
Re:[提問] 昨天正確的粵語系:尋日定系岺日?
插一句,琴日個“琴”正寫應該係乜?Re:[提問] 昨天正確的粵語系:尋日定系岺日?
琴日記得《廣州方言研究》裏面話:係尋日嘅尋字聲母弱化嘅結果
就好似有啲人講“頭先”講成“求先”
頁:
[1]
2