「尋日」定「琴日」？

xiss

我身邊嘅人，有人講「尋日」，有人講「琴日」。我就兩樣都有講下，噉究竟係「尋日」定「琴日」？

 

另外，「尋（琴）日」呢個詞究竟係點嚟咖？本字係么啊？

外外星人

寻日就肯定有人讨论过。至于琴日，亦都有众多支持者，关键系琴日个琴字解释欠充分。

xiss

原帖由 外外星人 於 2008-6-19 23:28 發表 寻日就肯定有人讨论过。至于琴日，亦都有众多支持者，关键系琴日个琴字解释欠充分。

佢係點解釋咖？點解話佢欠充分嘅？

芬1012

梗係「琴日」啦，點會係「尋日」啫。

中二仔

唔係兩個都無問題咩??

為咩唔可以係「沈日」?

xiss

原帖由 芬1012 於 2008-6-20 01:23 發表 梗係「琴日」啦，點會係「尋日」啫。

 

點解緊係「琴日」先？有咩證據啊？唔好話係日常習慣啊，我尐F有尐習慣「琴日」有尐習慣「尋日」，對半分咖。

xiss

原帖由 中二仔 於 2008-6-20 12:24 發表 唔係兩個都無問題咩?? 為咩唔可以係「沈日」?

緊係冇可能「沈日」啦，我都未見過有人噉樣寫，你自創就有可能。

芬1012

噉點解唔係「覓日」、「追日」呢？

芬1012

問心嗰句，喺你講「尋日」嗰陣係唔係多多少少有啲下意識噉認為「琴日」冇「意思」，而「因字變音」呢？

 

點解叫「昨zok日」，點解唔叫「wok日」「tok日」「pok日」「gok日」「mok日」，你解釋畀我聽吓？

 

有時，語言真係冇得解釋嘅。gaam硬要用啲字嚟解釋或者support啲音，係唔係對自己啲嘢好冇信心啊？

中二仔

原帖由 xiss 於 2008-6-23 15:52 發表 緊係冇可能「沈日」啦，我都未見過有人噉樣寫，你自創就有可能。

大把人咁寫.

你要話錯都要畀證據,唔可以以「我都未見過有人噉樣寫」來否決

xiss

原帖由 中二仔 於 2008-6-24 06:24 發表 大把人咁寫. 你要話錯都要畀證據,唔可以以「我都未見過有人噉樣寫」來否決

噉我喺廣州的確未見過人噉寫，你睇睇上面有邊個話「沈日」?反而係你無端端爆咗句為咩唔可以係「沈日」?你宜家重爆多句大把人咁寫，噉就真係要請你證明下何來「大把人啦」！

xiss

我知道中二仔花過一番心思以論證「沈日」

原帖由 中二仔 於 2008-6-7 18:39 發表 我覺得本字係「沈日」因為後一日係「明」,前一日就係「沈」因為諗起「聽日」,都係諗到「聽朝」(光);諗起「沈日」,都係諗到「沈晚」(暗) 所以潮汕話,明日叫「明早」,昨日叫「昨冥」  又同古代陰陽之說吻合... ...

但係似乎並未有任何語言學上嘅研究資料支持，你呢個解釋好牽強嗟，而且後邊亦都冇人話支持你我，你來來去去都只係「我覺得」咋！而且其他貼都係以「尋日」或「琴日」作主流，你呢個「沈日」係非主流咖嘞。當然啦，你如果用「沈」嚟表示「尋」呢個音，噉都重講得過去嘅。

xiss

原帖由 芬1012 於 2008-6-24 05:02 發表 問心嗰句，喺你講「尋日」嗰陣係唔係多多少少有啲下意識噉認為「琴日」冇「意思」，而「因字變音」呢？   點解叫「昨zok日」，點解唔叫「wok日」「tok日」「pok日」「gok日」「mok日」，你解釋畀我聽吓？   有時，語言真 ...

「昨日」只有可能講成「zok日」，因爲此語來源於國家標準語，「昨」為常用字，人人都知道點寫，所以只要廣州話一日冇變，一日都冇可能讀錯。反觀粵語因爲並非標準語，有好多詞係生僻詞，冇標準可循，亦都唔係書面語，所以好多人連一個粵語詞真正點寫都唔知，唔識寫惟有靠語音「口傳」，語音嘅變異性肯定比字大，所以好多粵語詞就連音都變埋，產生多個音。正音正字嘅目的就係希望追根溯源，搵返原來嘅正字，從衆多音中搵到原來最初嘅嗰個音。

 

我唔知點解你咁反感呢尐工作，十足一個「不可知論」者。

中二仔

原帖由 xiss 於 2008-6-24 12:34 發表 我知道中二仔花過一番心思以論證「沈日」 但係似乎並未有任何語言學上嘅研究資料支持，你呢個解釋好牽強嗟，而且後邊亦都冇人話支持你我，你來來去去都只係「我覺得」咋！而且其他貼都係以「尋日」或「琴日」作主流，你呢個 ...

當然一切都係推測.

好耐之前,我留意過呢個辭.

網上最常見係「尋」「沉」兩個.

你可能唔知,香港嘅網上討論區有好多好多人都寫做「沉日」.你想證明,自己去睇睇.

 

當然我知道,都係借字.

(既然都係借字,我對你覺得尋就可以,沈唔可以嘅講法覺得十分無奈......囧rz)

 

於是有一次,「yahoo知識+」見到有人問起,一個叫marco嘅「yahoo知識+」元老答.

佢引一個唔知乜乜語言專家講法,話係「昨冥」,就係採用「明日明,昨日暗」來解釋.

佢引咗好多方言,證明不同方言之中,有好多「昨日暗」嘅例.

 

(我只可以引潮汕話,因為我搵唔翻個問答,但係我曉潮汕話)

 

自此我一直都覺得「沈」解釋到.

起碼無「昨日已逝,所以要尋,故稱尋日」咁牽強.

 

當然你可以採納我個講法.亦可以唔信.

 

但係「尋」「沉」都係借字.

你絕對唔可以話邊個錯,邊個啱.

除非你有有絕對說服力嘅「語言學上嘅研究資料」證明,說服所有人,證明某個字一定啱.

(如果唔係只會令我覺得你對人不對事,令我繼續囧落去,當然只係個人感覺)

 

加油!

中二仔

原帖由 xiss 於 2008-6-24 12:43 發表 「昨日」只有可能講成「zok日」，因爲此語來源於國家標準語，「昨」為常用字，人人都知道點寫，所以只要廣州話一日冇變，一日都冇可能讀錯。反觀粵語因爲並非標準語，有好多詞係生僻詞，冇標準可循，亦都唔係書面語，所以好多人連一 ...

我好支持你個「工作」,但係呢個工作唔係叫「正音正字」,而係「尋根覓源」

加油!

xiss

原帖由 中二仔 於 2008-6-24 16:29 發表 我好支持你個「工作」,但係呢個工作唔係叫「正音正字」,而係「尋根覓源」加油!

我同你喺「正字」「本字」嘅概念上有分歧

xiss

原帖由 中二仔 於 2008-6-24 16:28 發表 當然一切都係推測. 好耐之前,我留意過呢個辭. 網上最常見係「尋」「沉」兩個. 你可能唔知,香港嘅網上討論區有好多好多人都寫做「沉日」你想證明,自己去睇睇.   當然我知道,都係借字. (既然都係借字,我對你覺 ...

其實我覺得用陰陽學説去證「沉日」亦都係牽強嗟。

至於你話香港多唔多人用我就唔知嘞，因爲我係廣州仔。我唔知你宜家係唔係喺香港住啦，但係我記得我同班F有一次去香港玩，夜晚借宿于其中一個香港仔嘅屋企（佢識得我家姐，我家姐喺早年移民咗香港），借佢台機上内地嘅QQ聊天，我打個「尋日」二字，佢喺隔離「裝」到，話：「咦？麽你哋大陸人都識得打廣東話字咖？」我當場想發火，其一佢偷睇我聊Q，我無法接受佢對私隱嘅漠視，二則忍受唔到佢嗰種對廣州人嘅態度，當場頂佢一句：「喂，大佬啊，我哋廣州人嚟咖，自細講廣州話咖，你哋香港人都識得打，我哋有咩理由唔識啊！」

 

由此可見你哋香港人都有人打「尋日」啊，而且嗰個香港仔都係潮人一族，我諗佢嘅用字都應該係主流嚟架！

中二仔

原帖由 xiss 於 2008-6-24 16:49 發表 其實我覺得用陰陽學説去證「沉日」亦都係牽強嗟。至於你話香港多唔多人用我就唔知嘞，因爲我係廣州仔。我唔知你宜家係唔係喺香港住啦，但係我記得我同班F有一次去香港玩，夜晚借宿于其中一個香港仔嘅屋企（佢識得我家姐，我 ...

其實講到牽強,「尋」「沈」咪又係一樣牽強~

反正,你當我借字得喇!

我只不過用一個我比較鍾意嘅字啫~

中二仔

原帖由 xiss 於 2008-6-24 16:36 發表 我同你喺「正字」「本字」嘅概念上有分歧

 在下仍未請教先生對「正字」「本字」有咩睇法.

 

不過你就住「正字」「本字」,解釋一下,講下有何異同,另外舉下例.

 

反正,後生都要學下嘢!

xiss

原帖由 中二仔 於 2008-6-24 18:32 發表  在下仍未請教先生對「正字」「本字」有咩睇法.   不過你就住「正字」「本字」,解釋一下,講下有何異同,另外舉下例.   反正,後生都要學下嘢! ...

哈哈，你喺《冚家剷》一帖裏面能夠利用版主同你關帖，又識得斷章取義，

你有咁大後臺我邊道敢同你辯論啊！！

 

你問我？好似一直以來都係你話「正字」「本字」佢哋兩者意思唔同喔，你解釋下都好應該嗟，麻煩你先詳細解釋下先啦？做麽問返我呢？唔通你畀我問到唔識答，無法解釋？！！