|
1、前面有人講過嘅：「西南二伯父」，應該系好食懶做嘅意思？ffice ffice" />
表示好食懶做意思嘅仲有「腰骨長過身」、「眼眉毛長過身」等。
2、前面有人講過嘅「寧生敗家仔，莫生蠢鈍兒」，其實仲未講完。後面系：「敗家有日好，蠢鈍無了期」。呢四句都可算系粵語版嘅《增廣賢文》了。
3、加幾句贈下興：
「興過捺雞」——捺雞系電器維修師傅攞嚟融化金屬嘅工具，呈支狀。使用時要充電使之達到高溫。所以呢句表示「非常之火滾」。
「少咗舊潤」——潤系豬潤個潤。比喻唔系好正常。
「糯米屎弗」——坐低就唔願走。亦有口水多過茶嘅意思。
「大安主義」——疏忽大意。
「食屎屙飯」——顛倒順序。
「雞碎咁多」——真系多曬有限。
「汁都撈埋」——雖然貪心啲，起碼唔會浪費。
「一馬三夫」——夠曬大陣仗。
「屈釘尾」——做事不留下把柄。
「挽雞籠」——拉皮條。
「受人二分四」——幫人打工。
「關人叉事，四隻大字」——事不關己，高高掛起。
「城隍易過，小鬼難當」——最難搞掂嘅往往系低層嘅辦事人。
「落高個屎弗吊頸」——包冇死得。「落」系用網狀嘅袋仔套住嘅意思。
「唔系你嘅財，唔落你嘅袋」——食幾多著幾多都系命中整定嘅。
「食人一碗粥，做到鳩都縮；食人一碗飯，做到頭都爛。」——打工仔嘅感歎。
「食飽飯等屎屙」——不務正業，無所事事。
「娶妻求淑女」——美貌當唔到飯食。
「海裏無魚蝦為大」——等於山中無老虎，猴子當大王。
「冇咁大個頭就唔好戴咁大頂帽」——凡事要量力而為。
「食得鹹魚抵得渴」——既然要做，就要承受得了後果。
「盲拳打死老師傅」——唔按規矩行事，反而仲得咗。
「千年道行一朝喪」——晚節不保。
「墻內開花牆外香」——肥水流入別人田。
「行船走馬三分險」——出少啲門囉。
「未打鐘先入飯堂」——偷步。比如未婚先孕者。
「鬼唔識阿媽系女人咩」——道理誰不懂。
「當年屙尿射過界，今日屙尿滴濕鞋」——年紀大，機器壞。
| 
發表於 2008-10-24 20:34:31
搞！
猪肉去拜神
今時今日噉嘅治學態度唔夠咖！
唔識唔緊要，錯咗都唔怕，至弊就係文過飾非，於己無益。
留低自己錯嘅痕跡，係啱嘅開始，亦睇到自己真係進步咗囉！
）唔係走得過初一，走唔過十五。