紫凤凰,请入来

雨夜街燈

1. 廣州電視台只喺廣州呢個城市睇到. 其他地方人要睇亞運, 睇其他地方台, 睇中央台. 所以廣州台講乜話,  ...
a_qi 發表於 2010-7-31 11:33

   好似美國亞利桑那卅嘅新移民法,點解又引起其它卅咁多地方人嘅示威、抗議,到咋日聯邦法庭對亞利桑那卅嘅新移民法實行阻止生效,亞利桑那卅係唔係同樣可以話唔關你哋事，呢個係我地卅自己嘅事呢？

a_qi

咁事實上亞利桑那州立咩法, 的確唔關其他州事
但係其他州啲人, 一樣有權示威

事實上ccp領導人外訪, 一年都會遇幾十次外國人示威
有啲支持西x毒立, 有啲反對呢樣嗰樣
ccp外膠部同樣係一句, 呢啲屬於我哋內政, 不容許別人說三道四

但係如果亞利桑那州立嘅法有涉種族歧視, 違返人權或者憲法, 聯邦法院就要出聲
亦只能由聯邦法院出聲, 而唔係舉行全國公投決定佢立唔立得

xiss

請問，我能否參與討論，我亦都好想同紫鳳凰好好討論一下呢個問題

xiss

唔知點解奥巴馬當選之后,三藩市附近华人聚居嘅地方华人被黑人搶匪劫殺的案件不斷發生?

    講到文 ...
雨夜街燈 發表於 2010-7-29 08:27

你誤會未了解文煮嘅完整精神「喺尊重少數人基本權利嘅情況下，實行少數服從多數」你只係揪住文煮嘅後一Part嚟講，當然有誤解

xiss

Google唔係已經退出鐘角咩?仲使乜封鎖?
雨夜街燈 發表於 2010-7-30 12:17

其實，你一味強調文煮都有這樣那樣不足，社會底層依然唔會好得去邊

我想講，一個文煮社會，能夠畀你話文煮係幾咁幾咁唔好，能夠畀你想講麽方言就麽方言，上街好似開show噉，底層嘅聲音、壓力能夠好容易釋放出嚟

而一個非文煮社會，好容易就呢個敏感詞，嗰個關鍵詞，你不單止底層有壓力，而且無法釋放；重有，當你發帖嘅時候，發現諸多阻滯，呢個詞唔准寫，嗰篇文章待審核甚至畀系統「食稿」嗰時，我相信徒增咗少壓力囉。我哋同在非文煮社會，呢啲事例，日常生活中比比皆是。文煮有幾好幾好我只有抽象認知，但係非文煮有幾咁唔好幾咁唔爽我就有深刻認識。

xiss

外外講得真係好,由其係「見仁見智」呢一句。何以見得?大家唔見好似臺灣呢個文煮社會,陳水扁一家貪咗 ...
雨夜街燈 發表於 2010-7-31 10:17

可惜，我感受到，我哋内地呢個非文煮社會，令我哋感到更痛苦呢。就算我哋睇到文煮社會仍有這樣那樣不足，但係只要一日我哋嘅社會始終如一用佢嘅實際表現話我哋聼，「沒有最衰，只有更衰」，「我」始終能衰過文煮社會，我哋就始終不能置事實於不顧，大叫「唔文煮好過文煮！！我愛唔文煮」

雨夜街燈

文煮有幾好幾好我只有抽象認知，但係非文煮有幾咁唔好幾咁唔爽我就有深刻認識。 ...
xiss 發表於 2010-8-1 04:00

   冇錯、冇錯,其實我唔係講文煮唔好而大陸嘅制度好好,而係想講文煮都未係一個十全十美嘅制度,咁样唔等于認同大陸嘅制度挂,係咪？

xiss

冇錯、冇錯,其實我唔係講文煮唔好而大陸嘅制度好好,而係想講文煮都未係一個十全十美嘅制度,咁样唔等 ...
雨夜街燈 發表於 2010-8-1 11:18

哦~~原來如此~~~

噉你是否認同文煮係比非文煮更好嘅一種制度呢？

李四

我要反民主嘅理由好簡單，就係因為認同嘅係公平公正，而唔係自由民主。尤其是喺目前普遍民眾素質唔掂嘅情況下，妄行民主，只會導致多數人嘅暴政。君不見多少人歧視乙肝病毒攜帶者，君不見日日講人撈，歧視外地人。喺噉嘅情況下，你要行民主嘅話，咪導致多數人嘅暴政。歧視大晒？！...
紫凤凰 發表於 2010-7-28 16:37

兄台，歧視乙肝人士係天朝至有，請問係乜原因？如果你話因為係多數人暴政而反對，但係點解你會接受更差嘅少數人暴政呢？真係百思不得其解！

李四

唔知點解奥巴馬當選之后,三藩市附近华人聚居嘅地方华人被黑人搶匪劫殺的案件不斷發生?

    講到文 ...
雨夜街燈 發表於 2010-7-29 08:27

學校有人作弊，所以我地唔好接受教育制度，要取消整個教育制度？

李四

我要反民主嘅理由好簡單，就係因為認同嘅係公平公正，而唔係自由民主。尤其是喺目前普遍民眾素質唔掂嘅情況下，妄行民主，只會導致多數人嘅暴政。君不見多少人歧視乙肝病毒攜帶者，君不見日日講人撈，歧視外地人。喺噉嘅情況下，你要行民主嘅話，咪導致多數人嘅暴政。歧視大晒？！
紫凤凰 發表於 2010-7-28 16:37

識字嘅人比文盲多，為怕出現多數暴力情況出現，所以要廢除學校，民眾唔准讀書識字！

ffaaii

識字嘅人比文盲多，為怕出現多數暴力情況出現，所以要廢除學校，民眾唔准讀書識字！<<<不是怕出現過多暴力,是怕出現太多不合作的反對聲音...暴力可以用鎮壓解決的...所以民眾還是...最好不要有太多學識...什麼合理不合理的事都默默的接受不反對..這就是最好的民眾了.....

a_qi

我要反民主嘅理由好簡單，就係因為認同嘅係公平公正，而唔係自由民主。尤其是喺目前普遍民眾素質唔掂嘅情況 ...
紫凤凰 發表於 2010-7-28 16:37

唔知你點定義公平公正
社會資源冇可能平均分配(冇一個制度可以成功做到), 人所共知
所以, 成熟嘅西方民主國家, 追求嘅唔係財富均等, 而係全民獲得平等嘅機會

一個公平公正嘅社會, 至少唔應該出現呢啲畸形現象：

【on.cc專訊】內地權力世襲愈來愈畸形，廣東河源東源縣法院院長有一個智障兒子，依靠父蔭，居然混入法院工 ...
cingsan 發表於 2010-7-30 20:05

a_qi

我一直嘅夢想之一。其實我真正嘅夢想係要建立一個永遠和平嘅國度。實施一種新嘅制度，既唔係資本主 ...
紫凤凰 發表於 2010-7-29 00:41

唔知以為你係咩熱愛和平嘅天使

睇埋你第啲言論, 笑死冇命賠：

至於台灣，我是支持武力收復台灣，寧可台灣不長草，不能不要台灣島。
紫凤凰 發表於 2010-7-28 10:51

drdoom_2009

人話廣卅用煲東瓜好還是用粵語好,應交比全國人民投票决定,弘揚一下文煮嘅精神咁話......如果係咁,結局可想而知啦。
雨夜街燈 發表於 2010-7-29 08:27

妳話中國而家會唔會畀妳搞公投先？呢個就真係偽命題啦，對自己有利就講要民主選舉，對自己冇利就要毒材引導。

如果中國民主，搞語言公投冇問題，粵語輸咗我服。我跟咗你果套妳畀機會我自治，你畀我有機會做第二個省嘅領導人，你畀我有就會做國家元首，你畀我有機會做軍隊將領。如果做唔到，一係我粵人冇鳩用，一係假民主搞種族歧視。
   

第一樣, 現行嘅西人泯主 的確不完美, 仲有好多細節制度要修正, 有待填上漏洞BUG,  但不能因噎廢食
         ...
TsuNT(♂) 發表於 2010-7-30 20:16

搞到我又想返去睇銀河英雄傳說。

紫凤凰

兄台，歧視乙肝人士係天朝至有，請問係乜原因？如果你話因為係多數人暴政而反對，但係點解你會接受更差 ...
李四 發表於 2010-8-2 09:59

主要係民眾普遍素質問題。你可以去睇下啲人，有幾多個係談乙色變，點解有個海歸會嘗試你敢抱我嗎？就係咁簡單。至於點解會係天朝，噉借問聲，我國目前有反歧視法嗎？內地講法制建設，畀人地外國嚟得晚，亦唔完善。因為我見過好多人嘅歧視目光，佢哋好多都唔係嗰啲官員，噉你點解釋？

至於多數人嘅暴政同少數人嘅暴政問題，多數人嘅暴政會導致少數群體嘅利益得不到保障。

紫凤凰

唔知你點定義公平公正
社會資源冇可能平均分配(冇一個制度可以成功做到), 人所共知
所以, 成熟嘅西方民主 ...
a_qi 發表於 2010-8-2 15:29

計劃經濟就係追求嘅財富均等，係一種均貧制。爾個貧就係保障生存資源，但唔係窮到生存都唔得。我唔係特別贊成計劃經濟，但我主張計劃經濟同市場經濟嘅結合。

紫凤凰

唔知以為你係咩熱愛和平嘅天使

睇埋你第啲言論, 笑死冇命賠：
a_qi 發表於 2010-8-2 15:47

    所謂永遠和平，並唔係指兩岸分隔這樣的和平，而係指大同國度。全球為一國，一國為一省。如果台灣肯和平統一，當然係Very good，但係多數情況下係唔肯。「寧可台灣不長草，不能不要台灣島」，記得係曹剛川嘅說話，唔肯定有冇記錯，當時台獨氣燄囂張。武力收復，實際係因為認為台灣並唔會甘願就此統一，因為背後有美日。而且CCP亦都冇咁好耐性。

紫凤凰

識字嘅人比文盲多，為怕出現多數暴力情況出現，所以要廢除學校，民眾唔准讀書識字！ ...
李四 發表於 2010-8-2 12:12

錯也，讓更多民眾識字係正確嘅。其實最主要問題在於民智，今日民智比古時民智其實只是知識增多，但是學識沒有增多，在我見解之中，學識=知識+見識，後者尤其重要。

見識之重要，係使人冇咁容易畀人煽動到。有好多學生知識係多啊，但係見識少，所以好容易畀人煽動。讀書識字固然緊要，但增長見識亦十分緊要。

紫凤凰

所謂永遠和平，並唔係指兩岸分隔這樣的和平，而係指大同國度。全球為一國，一國為一省。如果台灣肯 ...
紫凤凰 發表於 2010-8-3 00:47

    另外，戰爭係一種通向和平嘅手段。兩者係對立，但係任何對立嘅嘢，必然有其相連性與共同性。兩者嘅結合可以有更大嘅力量。