紫凤凰,请入来

柳寻风

    近排我几乎日日见你响水版提出反闻煮嘅言论,受到网友嘅驳斥. 本来,你嘅正字立场,我系无资格去置喙,不过,时下正当大家都为咗粤语嘅生死存亡而忧心如焚、因为人权受到侵害而群情汹涌嘅时候，你以众人皆醉我独醒嘅姿态，摆出一副 不标新立异独树一帜不足以表现出你嘅天才横溢嘅post走来同网友争论，四围立着人把火，我觉得我唔可以再对你呢类不智嘅行为视若无睹、袖手旁观。

闻煮，系一个大是大非嘅命题，唔可以当儿戏嘅，也无讲究情面余地。我呢家决定同你一次过搞清你对闻煮的所有疑惑，我保证心平气和咁同你理性讨论有关「闻煮」嘅一切命题，命题采取开放形式--欢迎你响任意时间，抛出你嘅任意观点，我抽时间帮你进行理性探讨。只要你通过我呢一关，你可以任意响水版发表你嘅反闻煮论调，不过如果你连我呢关都过唔到（或未通过嘅期间），我请你返去自己先提升一下你嘅反闻煮理论水平，再来同其他网友探讨。

我本次系刻意响水版作出一个冷静理性都可以解决尖锐矛盾嘅示范，希望得到各位网友嘅理解，以后大家共同维系一个友好、和谐、理性嘅讨论氛围。

    私人恩怨、江湖了断，欢迎围观，谢绝参与。

紫凤凰

講個理由，做咩唔俾人反民主先。爾個世界冇可能要求個個人都係民主嘅認同者、追隨者。

柳寻风

我从来无话过唔畀人反闻煮,不过你既然反啰喔,你不妨陈列一下你反嘅理由.只要你过咗我呢关,你可以继续反--主贴已经有言在先.

不过你如果连我都过唔到,你凭咩过其他人?你如果毫无理由就响处吹嘘一个理念、或叫嚣一个连自己都不能确定嘅思想，咁你就系有意响处捣乱。

a_qi

回覆 3# 柳寻风

放心，我會同佢慢慢玩！
只係一個低質憤青，佢連做五毛黨資格都冇

紫凤凰

我要反民主嘅理由好簡單，就係因為認同嘅係公平公正，而唔係自由民主。尤其是喺目前普遍民眾素質唔掂嘅情況下，妄行民主，只會導致多數人嘅暴政。君不見多少人歧視乙肝病毒攜帶者，君不見日日講人撈，歧視外地人。喺噉嘅情況下，你要行民主嘅話，咪導致多數人嘅暴政。歧視大晒？！

柳寻风

當今世界上，請問哪個政體可以消滅歧視？如果你認為有，請你指出來？


（其他嘅問題分步探討）

柳寻风

回覆  柳寻风

放心，我會同佢慢慢玩！
只係一個低質憤青，佢連做五毛黨資格都冇 ...
a_qi 發表於 2010-7-28 16:36

    冷靜理性，系你底氣十足嘅表現。

ffaaii

只要真的幫到人民的,其實什麼制度都可以,不一定就是要用民主制度先最好....
當時的ccp共產黨是怎樣起家的,一樣是當時的人民支持出來的....
我覺得ccp是真的在慢慢改變中,當然不可能,說改變就即刻可以全改好了...
ccp比其他的共產國家以經好好多了,每個國家都會有好與壞...
給ccp一點點時間吧....
以上的只是我自己的一點點想法.....不一定對

紫凤凰

當今世界上，請問哪個政體可以消滅歧視？如果你認為有，請你指出來？


（其他嘅問題分步探討） ...
柳寻风 發表於 2010-7-28 21:59

    所以我唔單止係反民主，而且係反社會。雖然這只是我的其中一個人格。

紫凤凰

只要真的幫到人民的,其實什麼制度都可以,不一定就是要用民主制度先最好....
當時的ccp共產黨是怎樣起家的, ...
ffaaii 發表於 2010-7-28 23:41

    我一直嘅夢想之一。其實我真正嘅夢想係要建立一個永遠和平嘅國度。實施一種新嘅制度，既唔係資本主義，亦唔係社會主義。

malauzai

有人嘅地方就有恩怨，有恩怨就有江湖。
——徐克《笑傲江湖》

所以你講話建立一個永遠和平嘅國度，系永遠冇可能實現嘅。

Jake_ct

「君不見多少人歧視乙肝病毒攜帶者，君不見日日講人撈，歧視外地人。喺噉嘅情況下，你要行民主嘅話，咪導致多數人嘅暴政。歧視大晒？！」

---你講嘅嘅係「多數決」，唔係現代民主價值觀，更非民主制度嘅體現。民主與自由密不可分，簡而言之，民主係作為保障個人自由嘅手段。個人自由先係最崇高嘅。當然，你可以從文化、宗教角度去非議民主制度。但如果你從政治角度去非議民主制度，真係好無謂，特別係向民主、自由價值稀缺嘅受眾「布道」你嘅反民主價值觀，更有「站著說話不腰痛」嘅味兒，你先投奔北韓生活幾年再返嚟講嘢，好唔好？

紫凤凰

有人嘅地方就有恩怨，有恩怨就有江湖。
——徐克《笑傲江湖》

所以你講話建立一個永遠和平嘅國度，系永遠 ...
malauzai 發表於 2010-7-29 01:01

         機會係極渺茫，早在我有爾個夢想時就已經諗到。所以我都曾經想過要放棄。但發覺並唔係完全冇可能，雖然基數仍然係好渺茫，但盡我努力嘗試。而且要達到爾個目標亦必定會有人因為狹隘的民族主義而阻擋，亦自然會有戰爭，必定會有傷亡與犧牲。爾啲都係我曾經思考過嘅問題，但係《司馬法》對我嘅啟悟就係有時為咗更多嘅人就即使犧牲一些人也是難免的。

         徐克嘅爾部「笑傲」唔知係許冠傑定係李連傑嘅呢，我睇過嘅係許嘅版本，李嘅版本未睇過。不過爾句話好似「有人嘅地方就有戰爭」。

紫凤凰

「君不見多少人歧視乙肝病毒攜帶者，君不見日日講人撈，歧視外地人。喺噉嘅情況下，你要行民主嘅話，咪導致 ...
Jake_ct 發表於 2010-7-29 01:20

    我話明我唔係單單反民主，而係反社會。

紫凤凰

樓上講起恩怨，令人諗起戰爭。更令我諗起《Avatar》爾套電影。有人曾經言明爾套係一套徹頭徹尾嘅反人類電影，但好多人可能未必有導演嗰種對現代文明嘅反思。但我估計電影導演同我都有此一問，我們憑什麼認定人類就是正義，現代文明就是正確的。當年有一部《Macross》亦係令人容易有類似嘅探討，就係正義係相對嘅。從大而言，因為我們是人類，所以我哋就認為反人類必定邪惡，但這個正義究竟是誰認定的，既然沒有絕對嘅正義，噉反人類亦都可以係正義嘅。

柳寻风

所以我唔單止係反民主，而且係反社會。雖然這只是我的其中一個人格。 ...
紫凤凰 發表於 2010-7-29 00:37

    錯！事實證明，正正系先進嘅聞煮國家，至可以消除歧視，只系，消除歧視嘅程度各國有所不同，并且隨住社會文明嘅進化，歧視嘅程度也在慢慢縮減。

美國就系一個明顯實例：十九世紀，三K黨已經屬於非法組織，只能進行地下活動，到衣家，黑人奧巴馬當上總統，系社會逐步消除歧視嘅表現。

雨夜街燈

錯！事實證明，正正系先進嘅聞煮國家，至可以消除歧視.........到衣家，黑人奧巴馬當上總統，系社會逐步消除歧視嘅表現
柳寻风 發表於 2010-7-29 07:01

    唔知點解奥巴馬當選之后,三藩市附近华人聚居嘅地方华人被黑人搶匪劫殺的案件不斷發生?

    講到文煮呢味嘢,大部份人都贊多彈小,但最近网上流傳的兩件事就令我感到困惑不己,唔知同文煮扯唔扯得關係,一件發生得遠啲,話美國屋倫因經費決乏度至警力不足,有提議讓屋倫嘅小業主每年多負擔幾百元嘅經費,以讓屋倫市府可以繼續運作.....該提議當然引來小業主嘅反對啦,大家同樣享受市府服務,點解我要納多幾百蚊稅,你哋一個仙都唔使出?不過冇得傾,提案通過,即將投票表决。緊係通過啦,小數服从多數嘛！

    第二件發生得近啲,就係你同我身邊,有人話廣卅用煲東瓜好還是用粵語好,應交比全國人民投票决定,弘揚一下文煮嘅精神咁話......如果係咁,結局可想而知啦。

    冒味之處,請樓主見諒

紫凤凰

唔知點解奥巴馬當選之后,三藩市附近华人聚居嘅地方华人被黑人搶匪劫殺的案件不斷發生?

    講到文 ...
雨夜街燈 發表於 2010-7-29 08:27

    多謝。其實日本以及西方亦都有人開始逐步反思現代文明，反思一種西方中心主義的事情。反思人類，反思科學。

雨夜街燈

多謝。其實日本以及西方亦都有人開始逐步反思現代文明，反思一種西方中心主義的事情。反思人類，反 ...
紫凤凰 發表於 2010-7-29 10:21

    咦......多謝?多謝乜嘢啊?
     

紫凤凰

咦......多謝?多謝乜嘢啊?
雨夜街燈 發表於 2010-7-29 10:37

    都係一句。