有感而發：再論「廣東話」Vs「廣州話」

h0429636

原帖由 xiss 於 2008-7-22 11:31 發表 但係粵語，廣州話等等名稱嘅正當性，傳統性始終係「廣東話」所不能及嘅。

 

傳統性呢方面，廣府話呢？

有人提及過廣州話呢個term都係後起嘅term來

h0429636

原帖由 ALZSX 於 2008-7-14 21:24 發表

一個普通廣州人講「廣州話」係唔係指粵語？你問過，我亦都答過啦！

答案：係呀！廣州人城市人叫廣州話，白話偏向於郊區嘅人用嘅叫法！乜你冇睇過TVB嘅《妙趣廣州話》同埋幾個月前《東張西望》尾聲嘅時候語常會教懶音嘅節目咩，啲香港語言教授都稱之爲「廣州話」！...

 

正確啲講係中大個班教授。

xiss

原帖由 h0429636 於 2008-7-22 16:16 發表   正確啲講係中大個班教授。

你宜家係唔係好唔妥「廣州話」啊？你係唔係好唔妥廣州人啊？如果係噉，你咪唔好當廣州人係廣府人之一咯！你咪叫粵語協會將「廣州話」列爲黑色關鍵字咯！！你咪號召其它廣府人排斥廣州人咯！！！睇下有冇人睬你？！！

我真係唔明「廣州話」廣州人究竟邊一道得罪咗你呢尐人啊！

我最反感嗰尐要求用廣東話呢個詞嚟大一統其它粵語分系語言名稱嘅行爲，好似人哋唔講「廣東話」，講「廣州話」、「四邑話」就錯曬噉樣。你有咩權利話「廣州話」呢個講法錯啊？廣州人鈡意講「廣州話」啊，你吹脹啊？香港人講「廣東話」又點啊？唔通就要求其他人都講「廣東話」咯喔？香港人大曬啊？人哋鍾意用「廣州話」「四邑話」「佛山話」呢尐名啊，唔得咩？犯法啊？！

[ 本帖最後由 xiss 於 2008-7-22 18:37 編輯 ]

h0429636

原帖由 xiss 於 2008-7-22 18:31 發表

你宜家係唔係好唔妥「廣州話」啊？你係唔係好唔妥廣州人啊？如果係噉，你咪唔好當廣州人係廣府人之一咯！你咪叫粵語協會將「廣州話」列爲黑色關鍵字咯！！你咪號召其它廣府人排斥廣州人咯！！！睇下有冇人睬你？！！（唔好咁燥啦，都無人想嘈交）

我真係唔明「廣州話」廣州人究竟邊一道得罪咗你呢尐人啊！（無得罪到其他人呀）

我最反感嗰尐要求用廣東話呢個詞嚟大一統其它粵語分系語言名稱嘅行爲，好似人哋唔講「廣東話」，講「廣州話」、「四邑話」就錯曬噉樣（都無話過係錯）。你有咩權利話「廣州話」呢個講法錯啊？（我都無話過係錯）廣州人鈡意講「廣州話」啊，你吹脹啊？（又吹你唔脹。。。）香港人講「廣東話」又點啊？（咁咪講囉）唔通就要求其他人都講「廣東話」咯喔？香港人大曬啊？（邊個話香港人大曬架？）人哋鍾意用「廣州話」「四邑話」「佛山話」呢尐名啊，唔得咩？（都無話過唔得）犯法啊？！（搵食啫）

xiss

 

ljgshkg

原帖由 xiss 於 2008-7-22 18:31 發表 你宜家係唔係好唔妥「廣州話」啊？你係唔係好唔妥廣州人啊？如果係噉，你咪唔好當廣州人係廣府人之一咯！你咪叫粵語協會將「廣州話」列爲黑色關鍵字咯！！你咪號召其它廣府人排斥廣州人咯！！！睇下有冇人睬你？！！ 我真係唔明「廣州話」 ...

廣府話、廣州話、定係廣東話，要睇你想講麼啦。如果統稱，我會用「廣府話」「粵語」「越語」。廣州話，家下比較適合做廣州巿內廣府話o既統稱。廣東話嘛，基本上說不通。

其實此話題好中性，亦好清楚明白，無必要咁把火...

路總

講到發源 香港割讓畀英國之時 省城語音就異乎今日 即係話 今日省話語音 也不是來自廣州一處 怎麼能叫廣州話？盧總吓吓話廣州舊時好大 佢根本係撈亂咗廣州府同今日嘅廣州 廣州府係好大無錯 廣府認同其實就係廣東省認同嘅前身 今日廣州根本不能代表廣府 故我認同廣東話 不認廣州話也

紫凤凰

路總 = 盧總？

xiss

原帖由 路總 於 2008-7-27 11:43 發表 講到發源 香港割讓畀英國之時 省城語音就異乎今日 即係話 今日省話語音 也不是來自廣州一處 怎麼能叫廣州話？盧總吓吓話廣州舊時好大 佢根本係撈亂咗廣州府同今日嘅廣州 廣州府係好大無錯 廣府認同其實就係廣東省認同 ...

你話唔認就得咖嘞？廣州人百分百承認「廣州話」，所以只要一日有作爲廣府人之一嘅廣州人認同「廣州話」，「廣州話」就一日都係確實存在嘅！重有，唔好忘記，粵語嘅標準語音就係「廣州話」，而「廣州話」嘅標準語音係西關話，呢個係學術界公認嘅，如果你由於自己唔係生於廣州，所以妒忌「廣州話」呢種講法，噉樣就只能怪你自己心理唔平衡嘞！！
我哋廣州人根本冇諗過得罪你哋，真係唔知點解你呢種人係都要同廣州話過唔去。你可以由於你唔係廣州人，所以唔承認自己講嘅唔係廣州話，但係你唔可以霸道到要求其他人都唔承認「廣州話」，更加唔可以否認「廣州話」嘅存在！

路總

原帖由 xiss 於 2008-7-28 19:23 發表 你話唔認就得咖嘞？廣州人百分百承認「廣州話」，所以只要一日有作爲廣府人之一嘅廣州人認同「廣州話」，「廣州話」就一日都係確實存在嘅！重有，唔好忘記，粵語嘅標準語音就係「廣州話」，而「廣州話」嘅標準語音係西關話，呢個係學 ...

你放心　我會按照你地意思　承認香港話　香山話等等叫法

xiss

原帖由 路總 於 2008-7-29 12:04 發表 你放心　我會按照你地意思　承認香港話　香山話等等叫法

我理得你承認么嘢話，就算你承認火星粵語、印度尼西亞粵語我都唔會怪你，只要你唔好否認「廣州話」，話「廣州話」呢個講法係錯就係嘞！

路總

原帖由 xiss 於 2008-7-29 12:10 發表 我理得你承認么嘢話，就算你承認火星粵語、印度尼西亞粵語我都唔會怪你，只要你唔好否認「廣州話」，話「廣州話」呢個講法係錯就係嘞！

廣州話呢個講法確係錯　因為世界上從來沒有廣州話　過去的廣州經己變成廣東　今日的廣州只係過去廣府一部分　廣州呢個地方講嘅話　亦嘸係今日嘅廣州嘅本地話　今日廣州講嘅話　係香港傳過去嘅　不信你去聽吓西關老人語音如此　個啲先係廣州話！！我反對廣州話　嘸係心理不平衡　而係沖著你廣州私下將廣東話改成廣州話

xiss

原帖由 路總 於 2008-7-29 12:13 發表 廣州話呢個講法確係錯　因為世界上從來沒有廣州話　過去的廣州經己變成廣東　今日的廣州只係過去廣府一部分　廣州呢個地方講嘅話　亦嘸係今日嘅廣州嘅本地話　今日廣州講嘅話　係香港傳過去嘅　不信你去聽吓西關老 ...

我從未話過廣州話就係廣東話，而且我亦都唔承認廣東話講法，我只承認粵語，我並冇話廣州話就等同于粵語。點解我重有，我唔該你唔好否認「廣州話」，因爲只要廣州人一日存在，稱呼佢哋講嘅語言係廣州話，噉樣「廣州話」就永遠存在。
你成日以爲廣州人當廣州話係全部粵語，噉樣證明咗你其實心底裏就對廣州人有偏見，以爲廣州作爲省府就會霸道尐，其實歸根到底就係妒忌心作怪！
你凴么嘢認爲廣州人今日講嘅嘢系學香港而唔係學西關人啊？近嘅唔去學走去學香港？重有，解放之前，香港唔見得喺粵語領域有么嘢咁巴閉，解放之後，我哋足足同香港隔離咗三十幾年，直到改革開放，我哋先至接觸香港，而我本身就生於一個廣州本地人家庭，一直以嚟都同香港冇么嘢聯係，我屋企人嘅廣州話全部都係跟我上一代學嘅，根本就同香港人冇關係。唔好以爲香港人同我哋廣州嘅發音相近就以爲我哋廣州學香港，除非你係有心想貶低廣州，否則，我相信絕大多數廣州人都唔會接受「廣州話係香港人教我哋」嘅呢個謊言，相信其它廣府地區嘅人亦都唔會認同呢種唯香港主義！！
[ 本帖最後由 xiss 於 2008-7-29 14:02 編輯 ]

小薏

原帖由 紫凤凰 於 2008-7-27 12:32 發表 路總 = 盧總？

NO

tonybean

Xiss，唔使咁重火氣嘅～

xiss

原帖由 tonybean 於 2008-7-29 17:22 發表 Xiss，唔使咁重火氣嘅～

我生於廣州市長於廣州市，宜家居然有人話「廣州話」唔存在，你話我火唔火滾啊？你話嘞，如果有一日有人當住你面話你阿媽係死嘅，你話你火唔火滾？

tonybean

原帖由 xiss 於 2008-7-29 23:13 發表 我生於廣州市長於廣州市，宜家居然有人話「廣州話」唔存在，你話我火唔火滾啊？你話嘞，如果有一日有人當住你面話你阿媽係死嘅，你話你火唔火滾？ ...

我都係……廣州話的確有嘅，就算唔從語音上去區別，都可以從詞匯上區分。廣州話有好多專用嘅詞匯第啲話係冇嘅，祗要係講呢啲詞匯就可以算係廣州話。

我阿媽個女

原帖由 tonybean 於 2008-7-29 23:28 發表 我都係……廣州話的確有嘅，就算唔從語音上去區別，都可以從詞匯上區分。廣州話有好多專用嘅詞匯第啲話係冇嘅，祗要係講呢啲詞匯就可以算係廣州話。 ...

 

查實版主所講嘅詞彙係米即係指「方言」呢~~？？

喺我嘅理解覺度，我係會覺得廣州話係廣東話嘅一種。

廣東之大，包含好多嘅城市，而每個城市都有佢地嘅方言同發音，從而有分出幾大語系，從根本嚟區分屬唔屬於廣東話就係從語法去睇。

普通話同廣東話最大嘅分別其實係在於語法，第二就會係方言。就好似「我食飯先啦」咁，普通話係會講「我先吃飯啦」，首先係副詞嘅擺放位置唔一樣，呢樣就係語法，其次就係方言：如「食飯」同「吃飯」。

所以我認為，擁有同廣東話相同語法嘅就為之廣東話，而廣州話只不過係廣東話嘅一種。

[ 本帖最後由 我阿媽個女 於 2008-7-30 14:30 編輯 ]

xiss

原帖由 我阿媽個女 於 2008-7-30 14:29 發表   查實版主所講嘅詞彙係米即係指「方言」呢~~？？ 喺我嘅理解覺度，我係會覺得廣州話係廣東話嘅一種。 廣東之大，包含好多嘅城市，而每個城市都有佢地嘅方言同發音，從而有分出幾大語系，從根本嚟區分屬唔屬於廣東話就係從 ...

我覺得準確嘅講法應該係「廣州話係粵語裏面嘅一種」。因爲「粵語」呢個講法無論喺學術上定抑或喺我哋日常語言中，都係毫無歧義噉樣指我哋嘅母語，而且呢個講法歷史之悠久應該毋庸置疑。反而係「廣東話」呢種講法有問題，首先，喺學術界，呢個講法首先係未被承認嘅，其次喺日常語言當中，亦都容易引起潮汕地區嘅廣東人不滿，因爲噉樣會令佢哋覺得「廣東話就係廣府人講嘅話」，排斥咗潮汕人嘅語言（佢哋嘅語言唔屬於粵語之列），甚至會畀某尐人借此鼓吹「廣府人獨霸廣東」嘅論調，所以無論喺邊個方面嚟講，「粵語」呢個講法始終比「廣東話」合適。
最後，亦都係要強調，「廣州話」作爲粵語嘅一種，係客觀存在嘅，任何人都唔應該話：「廣州話唔存在」或者話「呢個稱謂有問題」，因爲，既然存在呢樣嘢，噉樣佢就應該有個名，而呢個名就係「廣州話」。
[ 本帖最後由 xiss 於 2008-7-30 18:13 編輯 ]

tonybean

我都同意Xiss嘅講法。

最近我又參考過其他人意見，廣州話係廣東唔同地方嘅人匯集到一個地方形成嘅有各個地方發音、用詞、語法各方面特點嘅新嘅子方言，而且係喺粵語區度比較簡單嘅。

 

我又諗過，「話」同「方言」「語」嘅叫法會唔會同劃分標準有關。所謂「方言」「語」，係指語音、語法、詞匯同其它語有區別嘅「語」（除方言外，重用嚟劃分大語種），好似閩南語、贛語、漢語。所謂「話」，可能主要係從語音方面去區分，好似東莞話、順德話、北京話。雖然有「客家話」講法，不過「客家方言」係更權威嘅叫法。唔知大家點睇？