有感而發：再論「廣東話」Vs「廣州話」

xiss

廣州人以前未試過，宜家唔係，以後亦都唔會批評香港嘅廣東話講法，廣州人從來唔關心外面啲人點樣稱呼自己嘅母語，不論其他廣東地區嘅發音與廣州嘅發音相近與否！更未諗過以廣東語言中心自居！！

但係，既然廣州人唔會理其他人點樣稱呼自己嘅語言一樣，噉點解某啲人一聽到廣州人話自己講緊嘅話係廣州話時就群起而攻之要糾之為廣東話呢？既然你哋可以以自己嘅城市叫自己嘅話，唔通廣州人就唔可以？你哋因爲基於個人感情唔願意以第二個城市嘅名為自己嘅語言嚟命名，所以唔叫廣州話嗟，噉廣州人用自己嘅城市嚟為自己嘅語言可以啦啩？！廣州人叫自己嘅語言做廣州話，有得罪你哋咩？我哋又冇叫你哋叫，你哋吵麽嘢吵嗟！樓主話廣州人閙廣東話「哭笑不得」，我就話真正令人哭笑不得嘅係嗰啲一味批評「廣州話」叫法嘅人。

tonybean

        啱好有呢個主題，可以講講前幾日係羣度討論嘅「廣州話」同「廣東話」話題。

        我始終認為「廣州話」呢樣嘢係確實存在嘅，就算歷史上冇，畀人講都講到有。但係點解「廣州話」會畀某一部分人默認為廣東話/粵語呢？可能佢易學，喺粵方言區內算係語音最簡單嘅一種子方言（未證實）；可能係廣州自古就係商賈云集之地，嚟自廣東各地嘅人為咗溝通方便，就改口音為廣州音，而到廣東其他地方後廣州話依然通用，於是就噉樣替代之；香港人用廣州口音可能都係以上原因，而香港媒體又可以覆蓋廣東，另廣東各地人都識講廣州話，就畀某部分人以為廣東人都講廣州話，繼而替代之。

        廣州話祗係廣東話嘅一種字方言，準確嚟講應該祗包含廣州市區內（并非祗有西關）土生土長嘅廣州人講嘅廣州口音，香港人講嘅同廣州人講嘅已經有區別。而廣州話就係廣東話/粵語嘅代表，就好似蘇州話代表吳語，廈門話代表閩南語噉。

中二仔

其實我想知,廣州人口中嘅「廣州話」係咪指「粵語」? [ 本帖最後由 中二仔 於 2008-7-12 18:06 編輯 ]

外外星人

原帖由 中二仔 於 2008-7-12 16:58 發表 其實我想知,廣州人口中「廣州話」係咪指「粵語」?

 

口中？咪系口语啰！使乜经大脑啫？

 

查实，广州人都知道自己讲紧粤语，之不过系标准化嘅粤语——广州话/音。

中二仔

原帖由 外外星人 於 2008-7-12 17:08 發表   口中？咪系口语啰！使乜经大脑啫？   查实，广州人都知道自己讲紧粤语，之不过系标准化嘅粤语——广州话/音。

我嘅意思係,廣州人所謂「廣州話」係唔係我地香港人講嘅「廣東話」,平時所謂嘅粵語??

外外星人

计正就系

tonybean

原帖由 外外星人 於 2008-7-12 18:14 發表 计正就系

概念應該一樣，不過喺語調強調上有分別，平時聽得出嚟。

melop

原帖由 中二仔 於 2008-7-12 18:07 發表 我嘅意思係,廣州人所謂「廣州話」係唔係我地香港人講嘅「廣東話」,平時所謂嘅粵語??

我自己就唔覺得廣州話=粵語，廣州話係同其它粵語次方言同級嘅概念，比如佛山話呀，台山話呀噉。其實感覺香港人將「廣東話」等同粵語，會唔會係受英文Cantonese 嘅影響，以為"Canton" 係指廣東，於是就直譯作「廣東話」?

ALZSX

香港嘅語言教授都稱之爲「廣州話」架！

只不過廣州同香港詞彙讀法上有啲唔一樣之嘛，實質上咪都係一種語言嚟！

但係查實大家都知道一樣嘢架，就係省港澳外國平時所指嘅廣東話，廣州話，白話，粵語，廣府話實質上只係從窄義上來講，實質上就係香港語言教授所指嘅「廣州話」！就好似證券呢個詞一樣之嘛，大家都只會從窄義上去解釋，就係股票！

所以冇必要將某啲稱呼複雜化，只係唔同城市嘅人叫法喜好嘅問題啫，嗰5種叫法都係窄義指「廣州話」！
如果大家夾硬要從廣義嘅角度去鑽牛角尖嘅話，噉根本就冇得拗，公說公有理，婆說婆有理！

 

不過都係嗰句啦，點都好，執著係好事！因爲我見到有啲人好似好激動，觀點肯定個個都有自己一套架啦，討論下啫，冇必要咁鬼勞氣，最緊要大家路向一致吖嘛，都係爲咗保衛並推動發展傳承廣州話文化永存不滅，所以應該要將呢種精神放喺全體廣府人埋堆身上，唔應該放喺鬼打鬼身上！

[ 本帖最後由 ALZSX 於 2008-7-14 00:38 編輯 ]

南汉

原帖由 tonybean 於 2008-7-11 16:25 發表          可能係廣州自古就係商賈云集之地，嚟自廣東各地嘅人為咗溝通方便，就改口音為廣州音，而到廣東其他地方後廣州話依然通用，於是就噉樣替代之；香港人用廣州口音可能都係以上原因

----------------------------

完全错误。古代没有广州市，又何来「广州自古以来」？广州市是泯国以后才建立的。难道广府话是泯国以后才形成？「香港人用广州口音」，又错。香港开埠以前本来就属于广州府，广府话对于香港人来说就是本土语言。

广东话的说法既是大势所趋，历史又比「广州话」悠久，年轻的广州网民无需争辩。

[ 本帖最後由 南汉 於 2008-7-14 13:53 編輯 ]

朱利安

原帖由 南汉 於 2008-7-14 13:46 發表 古代没有广州市

 

典型既偷换概念，系人都知道古代无广州市嘎啦

 

只不过广州古代就有嘎啦啵

 

古代既广州大过宜家既广州市多多声，甚至比广东省仲要大

 

连广西越南个边都有个广州湾，睇下地图啦

 

呵呵．

中二仔

原帖由 melop 於 2008-7-13 23:36 發表 我自己就唔覺得廣州話=粵語，廣州話係同其它粵語次方言同級嘅概念，比如佛山話呀，台山話呀噉。其實感覺香港人將「廣東話」等同粵語，會唔會係受英文Cantonese 嘅影響，以為"Canton" 係指廣東，於是就直譯作「廣東話」? ...

1.首先,我個問題係問,一個普通廣州人講「廣州話」係唔係指粵語,而唔係問你覺唔覺得廣州話=粵語

 

2.唔係香港人「將廣東話等同粵語」,而係香港人用「廣東話」來表示「粵語」

唔係香港人用錯詞,只不過係用個唔同嘅詞

[ 本帖最後由 中二仔 於 2008-7-14 19:53 編輯 ]

ALZSX

一個普通廣州人講「廣州話」係唔係指粵語？你問過，我亦都答過啦！

答案：係呀！廣州人城市人叫廣州話，白話偏向於郊區嘅人用嘅叫法！乜你冇睇過TVB嘅《妙趣廣州話》同埋幾個月前《東張西望》尾聲嘅時候語常會教懶音嘅節目咩，啲香港語言教授都稱之爲「廣州話」！

 

我上邊都講咗啦，廣府話，廣東話，廣州話，粵語，白話！

5種叫法大家都係從窄義上來講，大家意思都係指同一種語言（即係話5種叫法係屬同一音標出來嘅），係唔同城市叫法各自喜好唔同之嘛！

 

因此大家爭論祇不過係從廣義角度及追溯歷史來源嘅角度睇，噉樣分法嘅話，嗰5種叫法嘅其中一種都已經可以再細分爲唔止一種語言啦，有N套音標啦，包括埋全廣府所有唔同口音嘅語言！

 

 

 

[ 本帖最後由 ALZSX 於 2008-7-14 21:34 編輯 ]

melop

原帖由 中二仔 於 2008-7-14 19:51 發表 1.首先,我個問題係問,一個普通廣州人講「廣州話」係唔係指粵語,而唔係問你覺唔覺得廣州話=粵語   2.唔係香港人「將廣東話等同粵語」,而係香港人用「廣東話」來表示「粵語」 唔係香港人用錯詞,只不過係用個唔 ...

因為我係廣州人，喺未做廣泛調查之前我只能畀出我自己講呢個詞時候嘅諗法，供參考。
香港唔會唔知「粵語」呢個詞啩，如果知道，噉咪即係將兩個概念等同囉，至於你喜歡用「表示」呢個動詞亦可以呀。甚至我重懷疑，「廣東話」嘅廣東兩字，係對粵語中「粵」字望文生義產生嘅，認為「粵」=「廣東」（因為粵係廣東簡稱），「語」=「話」而做出嚟嘅一個冇咁文皺皺嘅詞。噉當然，唔敢講係錯，存在就係合理呀嘛。
問題係，到底當香港人用「廣東話」嘅時候係指「粵語」，定係「粵語」嘅事實「標準音」廣州音呢？因為睇正音節目使用嘅所謂正音標準都係廣州音啫，而且香港語言學界一向都只用「粵語」，「廣州話」呢啲詞啵。嗱，總之我講廣州話嘅時候，就係指喺廣州講嘅呢種話，區別於我阿婆嘅客家話，同我妗婆嘅台山話。

xiss

原帖由 南汉 於 2008-7-14 13:46 發表

完全错误。古代没有广州市，又何来「广州自古以来」？广州市是泯国以后才建立的。难道广府话是泯国以后才形成？「香港人用广州口音」，又错。香港开埠以前本来就属于广州府，广府话对于香港人来说就是本土语言。

广东话的说法既是大势所趋，历史又比「广州话」悠久，年轻的广州网民无需争辩。

你有冇常識咖？廣州話裏面嘅廣州一定係要指廣州市咖？「廣州」呢個概念早已有之，只係廣州府，廣州市，廣州X嘅差別，廣東話説法係大勢所趨？邊個話咖？計我話，粵語、廣州話等等叫法比廣東話長遠得多，只係唔止點解香港人無端端搞個「廣東話」出嚟嗟。

年輕廣州網民無需爭辯？緊係唔使爭啦，因爲唔使爭都知你錯嘅。

tonybean

我認為，廣府話等於粵語，廣州話包含於粵語。

廣東話亦可以等同於粵語，因為有啲學術性書籍上都有用過。

其實冇乜必要太大必要爭啲噉嘅名分，大家知道就好，「一個概念，各自表述」。

vincent10

原帖由 tonybean 於 2008-7-15 00:22 發表 我認為，廣府話等於粵語，廣州話包含於粵語。廣東話亦可以等同於粵語，因為有啲學術性書籍上都有用過。其實冇乜必要太大必要爭啲噉嘅名分，大家知道就好，「一個概念，各自表述」。 ...

我好欣賞你最后果句。。。一種語言，各自表述

紫凤凰

原帖由 xiss 於 2008-7-14 23:44 發表 你有冇常識咖？廣州話裏面嘅廣州一定係要指廣州市咖？「廣州」呢個概念早已有之，只係廣州府，廣州市，廣州X嘅差別，廣東話説法係大勢所趨？邊個話咖？計我話，粵語、廣州話等等叫法比廣東話長遠得多，只係唔止點解香港人無端端搞個「 ...

 

畀你估啱咗。

desmond

台灣人、日本人、韓國人都已經叫粵語做廣東話了。

xiss

但係粵語，廣州話等等名稱嘅正當性，傳統性始終係「廣東話」所不能及嘅。