再論「俾」與「畀」

南汉

粵語表示給予這個意思讀[bei2]，香港粵語白話文一般寫作「俾」。近年來有人指出本字應為「畀」，「俾」則被斥為錯別字。

後來翻閲書籍，才知用「俾」事出有因，不能怪港人用錯字。

廣州話上聲根據古聲母清濁分陰陽，「俾」為清輔音聲母字，讀陰上，音與「給予」這個口語詞同。「畀」為去聲字，依照規律應讀作陰去聲。而現代廣州話中，「畀」字確實讀作陰去（劉老師也指出確實是這個讀音）。

假如給予的[bei2]確實是「畀」，爲何他的聲調變化不符合規律呢？港人用「俾」而不用「畀」，並非香港人無知，恰好相反，更表明香港人用字的嚴謹。

請各位討論本題。勞煩各位。

 

南汉

辨字首先從字音出發，因爲漢語的近義詞同義詞太多了 [ 本帖最後由 南汉 於 2007-12-18 22:41 編輯 ]

南汉

匿名君
你唔畀你哋读错音嘎？
羊城惜芲人(264160563) 22:35:47
我覺得應該二者結合~唔可以偏向一邊~
香山絕路(183463782) 22:35:58
讀得唔順口都識得變音啦吓哇
廣州馬萬千22:36:16
咁就用「比」啦~順口又順手
東莞南漢(361185367) 22:37:05
這是可能性之一，所以才要談論
不過廣州音讀錯的幾率在漢語方言裏面是較低的
西關Lucciora(124702514) 22:37:07
俾係let 畀係give
西關Lucciora(124702514) 22:37:14
俾我畀分
西關Lucciora(124702514) 22:38:11
之前HIGHYUN叫我全部都用畀，實際上我有保留
[ 本帖最後由 南汉 於 2007-12-18 22:49 編輯 ]

卢总

单从读音去辨字，都唔使理个字点解嘅，噉你点讲都得咖啦！

不如学马万千话斋，用「比」重顺口顺手啦！

 

畅谈广州话·系「畀」，唔系「俾」
http://general-lo.blogcn.com/diary,2223752.shtml

你自己睇清楚呢两个字点解再讲啦！

唔好信口开河，误人子弟！

余OK

　　舊式尺牘經常使用「俾」字，多啲睇古書體會吓呢個字點用啦。

紫凤凰

畀，音比，必至切，審配音：bei2, bei3

 

俾，音髀，補弭切，審配音：pai3, bei2

南汉

原帖由 卢总 於 2007-12-18 22:58 發表 单从读音去辨字，都唔使理个字点解嘅，噉你点讲都得咖啦！不如学马万千话斋，用「比」重顺口顺手啦！   畅谈广州话·系「畀」，唔系「俾」http://general-lo.blogcn.com/diary,2223752.shtml 你自己睇清楚呢两个字点解再 ...

呵呵。你没有看到问题关键。我指出的正是该主持人所没有留意到的「畀」字本身的广州音问题。翻阅前人纪录，此字广州音只有去声一种读法，古书上从未记载畀有上声的读法。「畀」在语义上是非常合适的。

否则的话，这个问题就不用拿到高级板块来讨论。因为这不是一个简单问题。

highyun

南漢所擺出嘅支持用「俾」嘅證據無非都係話「俾」嘅發音啱，而冇從「俾」嘅意思上論證過啲乜。發bei2音嘅字都好多，若然完全唔需要考慮字義，噉呢啲同音字全部都可以同「畀」爭正字嘅資格？

 

另外，「港人用「俾」而不用「畀」，並非香港人無知，恰好相反，更表明香港人用字的嚴謹。」呢句話絕不苟同，港人（尤其係媒體）用字好唔嚴謹，大多唔會考證粵語字嘅來源，只係用同音字代替就算。

卢总

原帖由 南汉 於 2007-12-19 12:38 PM 發表 呵呵。你没有看到问题关键。我指出的正是该主持人所没有留意到的「畀」字本身的广州音问题。翻阅前人纪录，此字广州音只有去声一种读法，古书上从未记载畀有上声的读法。「畀」在语义上是非常合适的。否则的话，这个问题就不用拿到高级板块来讨论。因为这不是一个简单问题。

纠正咗你自己呢段说话里面嘅错字先再同我讲啦！

huang

原帖由 卢总 於 2007-12-19 14:15 發表 纠正咗你自己呢段说话里面嘅错字先再同我讲啦！

 

盧總睇得夠認真！唔知係唔係職業關係？

紫凤凰

原帖由 highyun 於 2007-12-19 12:56 發表 南漢所擺出嘅支持用「俾」嘅證據無非都係話「俾」嘅發音啱，而冇從「俾」嘅意思上論證過啲乜。發bei2音嘅字都好多，若然完全唔需要考慮字義，噉呢啲同音字全部都可以同「畀」爭正字嘅資格？   另外，「港人用「俾」而不用 ...

 

同意，有集「翡翠歌星賀台慶」字幕中就用「唸」代替「諗」。

中二仔

原帖由 余OK 於 2007-12-19 00:30 發表 　　舊式尺牘經常使用「俾」字，多啲睇古書體會吓呢個字點用啦。

古文雅言之中嘅俾字根本唔同意思....

中二仔

南漢前輩好似唔知粵語中有好多時都有化做上聲呢囘事

中二仔

原帖由 紫凤凰 於 2007-12-19 15:21 發表   同意，有集「翡翠歌星賀台慶」字幕中就用「唸」代替「諗」。

諗字都係借字之嘛...

紫凤凰

原帖由 中二仔 於 2007-12-19 15:29 發表 諗字都係借字之嘛...

 

噉又唔係啵，我睇《漢典》引嘅《康熙字典》所講，《廣韻》之中的諗解「謀也，告也」，而「諗」的意思本來就是指思念，意思都好近下，所以點講都唔似係借字。

中二仔

不過讀音係審呢...

紫凤凰

原帖由 中二仔 於 2007-12-19 15:54 發表 不過讀音係審呢...

 

有勿問題？

 

審配音夠有寫lam咯，而且粵語記得喺聲母嗰方面變化係比較大嘅。所以昨日其音或作審，時勢易易今非昔。

南汉

原帖由 highyun 於 2007-12-19 12:56 發表 南漢所擺出嘅支持用「俾」嘅證據無非都係話「俾」嘅發音啱，而冇從「俾」嘅意思上論證過啲乜。發bei2音嘅字都好多，若然完全唔需要考慮字義，噉呢啲同音字全部都可以同「畀」爭正字嘅資格？   另外，「港人用「俾」而不用 ...

误解啦。我从未说过「俾」字就是正写。我是说港人不敢贸然使用「畀」。而在查不到更准确本字的情况下，暂且使用「俾」（解放前的白话文资料也用这个字）。

南汉

原帖由 紫凤凰 於 2007-12-19 02:36 發表 畀，音比，必至切，審配音：bei2, bei3   俾，音髀，補弭切，審配音：pai3, bei2

审配音里面的「畀」有bei2这个读音，是近年来考证的结果。

--------

再回应一个问题。我并未否认「畀」有可能就是「给予」这个词的本字，所以不必对我大发雷霆。我们要讨论的是，假如本字果真是「畀」。音变规律应该是怎样的呢？

粤语属去声而转变为阳上的字，我印象中有「院」。不过这个市名词，属小称变调。

「畀」字又当如何呢？

[ 本帖最後由 南汉 於 2007-12-19 19:15 編輯 ]

Anl

要搵就要搵有意思嘅出處。

 

於「畀」：

『《集韻》必至切。《正韻》浦至切。並音比。』

既然並音比，我就即管查個「比」：『《廣韻》卑履切。《集韻》《韻會》補履切。《正韻》補委切。並音匕。校也。並也。……又《廣韻》《集韻》《韻會》並必至切。音畀。近也，併也，密也。義同。』

所以，「畀」指定讀音跟隨「比」，則可讀bei2。

我噉講可能太過牽強，不過亦可以話時代發生改變，切韻唔啱音一啲都唔出奇，所以你可以話佢有bei2音，又可以話因時代變遷而發生音變。

最重要係意思，「畀」『《爾雅·釋詁》畀，賜也。《詩·衞風》彼姝者子，何以畀之。傳：畀，予也。』

除咗引經述典，重要靠自己去分析。古書唔係全部啱晒嘅。

 

於「俾」：

根本從來冇「給予」呢個意思，就算佢係讀bei2又如何，唔好諗嘞。

 

於「諗」：

『《廣韻》謀也，告也。』冇引用錯，但係夾硬將佢同「想」呢個意思扯埋一齊就太過牽强。

應用『《爾雅·釋文》念也。註：相思念也。』