只需一步，快速開始
舉報
原帖由 粵嚟粵掂III 於 2007-12-14 23:29 發表 不過話時話，喺純正廣州話口音裡頭，「芬」同「婚」；「巾」同「斤」嘅區別真係細到好細，唯一嘅區別在於，後者比前者音尾稍為重一啲，兼且長的咁多。喺講得快嘅時候，兩者就幾乎冇乜區別。 ...
唔係啊嘛，區別好細？稍為重一啲？
假如真係設 7 個聲調嘅話，「斤」字肯定係最重嘅，「巾」字肯定係最輕嘅，唔理講得幾快都好，呢兩個音都肯定唔會混淆嘅。
「今日買菜 慳 咗五分錢」，試下將個「慳」字講成第 1 聲，睇下有冇唔同？
如果都分唔清嘅話，再簡單啲，大家連續講呢四個字：
芬 粉 墳 婚
可能有人會問：點解「結婚」「婚紗」，呢兩個「婚」字嘅聲調會唔同嘅呢？
（以下假設有第 7 聲，即係最重聲）
呢個事例好明顯，「婚」字本嚟係第 7 聲，而個「紗」字係第 1 聲，當你將「婚」「紗」連讀嘅時候，由于兩個聲調嘅落差太大，發音器官轉唔切，于是就將個「婚」字拉低嚟遷就個「紗」字。
——「婚嫁」「婚慶」「結婚」「聯婚」「大婚」甚至「離婚」，全部「婚」字都係第 7 聲嘅，點解單單就係「婚紗」嘅「婚」會變咗做第 1 聲呢，就係呢個原因。
同樣嘅事例，「空」字本嚟係第 7 聲嘅，但係同個「間」連埋一齊嘅時候，由于個「間」字係第 1 聲，「空」字就要遷就個「間」字，變咗做第 1 聲（都係因為落差太大），「空間」。
呢個只不過係發音規律，并唔表示粵語冇第 7 聲。
講眞,其實前輩講咁耐,我都係唔知有乜分別.因為喺香港根本無呢一個區別.
不如前輩錄低,用window media發帖啦!
原帖由 中二仔 於 2007-12-15 14:48 發表 講眞,其實前輩講咁耐,我都係唔知有乜分別.因為喺香港根本無呢一個區別. 不如前輩錄低,用window media發帖啦!
原帖由 Yuok 於 2007-12-15 16:11 發表 噉你不如同吓香港上咗年纪嘅非「香赶」人、識講非「港東話」口音嘅大人傾多啲偈體會啦。
原帖由 中二仔 於 2007-12-15 17:08 發表 前輩係大陸人??
佢咪係嗰位「余OK」囉細侄。
認為「鬧鐘」嘅「鐘」同「最終」嘅「終」有分別嘅請講 有
認為冇分別嘅，請講 冇
原帖由 余OK 於 2007-12-15 22:53 發表 而家嘅中三仔再唔掂，重可以喺「香趕」搵呢個鬼佬學返兩招：美籍中國迷教港人粵語正音 最愛《帝女花》倡小學教拼音
前後鼻音我都算分到,不過芬前輩講嗰樣我就唔曉啫............
原帖由 芬1012 於 2007-12-16 09:02 PM 發表 認為「鬧鐘」嘅「鐘」同「最終」嘅「終」有分別嘅請講 有 認為冇分別嘅，請講 冇
感觉好似电话录音噉，……就１，……就２……
鬧鐘同終點梗係有分別啦。
就正如「聲音」同「音樂」，同樣係「音」字，但就有唔同兩個調。
原帖由 熊喵喵 於 2007-12-17 15:11 發表 鬧鐘同終點梗係有分別啦。就正如「聲音」同「音樂」，同樣係「音」字，但就有唔同兩個調。
有啲字確實有兩個調，但唔係全部。
我哋應該將個規律揾出嚟，而唔係混淆佢哋就算數。
何況，有啲字確實凈係得第 1 聲，有嘅字確實凈係得第 n 聲嘅。
時下啲後生仔其實好多都知呢兩個音有分別，好似上次去旅遊，有同學睇到「衝卡」聯想到「充卡」，之後又有人話兩個唔同音，一個係第一聲，一個係第四聲，呢番話雖然係撈式思維，對粵語唔了解，但起碼證明佢係分得清呢兩個音，我即刻糾正佢話：「兩個都係第一聲，一個係高平一個係高降。」
兩個音雖然係調值有啲唔同，但同屬陰平，如果要分多個音出嚟，噉叫咩呢？中平？？
正式係自己挖一個坑自己跳入去。
本版積分規則 發表回復 回帖後跳轉到最後一頁
Archiver|手機版|粵語協會
GMT+8, 2024-12-23 02:03 , Processed in 0.056242 second(s), 17 queries .
Powered by Discuz! X3.5 Licensed
© 2001-2024 Discuz! Team.
發表於 2007-12-14 23:29:55
發表於 2007-12-15 14:48:00
發表於 2007-12-15 22:53:42
