|
|
發表於 2007-11-22 13:18:30
|
顯示全部樓層
我又嚟幫手^^
嚟,有兩個讀法,通常讀lei4,亦有人讀lai4即同黎一樣
早唞,雖然本意係晚安,但係亦有叫人慳啲嘅用法
早唞啦你=慳啲啦你=(官)你省一點<--(我估的)
你哋好<--少用
代我问你嘅爸爸好,應該係:幫我問候你爸爸
你近来身体好吗,如果對方之前病咗,就講:好番啲未吖[韻母開頭嘅字同之前嘅韻尾連埋,讀jaa3]
如果對方睇落好似病咗,就講:你唔舒服呀[aa4]?[注:唔舒服=病;例:個肚唔舒服=肚痛;] 引申有: 你邊度唔舒度呀?使唔使睇醫生呀? ;你見點呀?
普通問候寒暄好少問健康g?,可以問:最近點呀?(有一排冇見時用)相當於英文嘅how's going?,縮簡版就係:點呀?;食咗飯未(咩e3時候都用得).
你感到好啲啦吗<-罕,就算要譯都應該係:你覺得好啲未呀? short form:好啲未呀? or 舒服番啲未呀?
见到你好高兴<-罕,就算要譯都應該係:好開心見到你 口語好少講高兴,不過都開始變了[l?]
唐经理，久仰，久仰 ,久仰同狗養同音,避用
初次见面，请多多关照,跟本冇諗過要講啲咁嘅野...=.="
招待唔好，请包涵,同上,應作招待唔到,請多多包涵[dou3,唔係dou2]
喺屋企請食飯嘅話聽過我老竇講過一次:酒微菜薄,唔好介意.不過之後就冇聽過了[l?],後生嗰啲唔知知道嘅有幾多呢?初學嘅就唔好搞啲咁嘅野嚕[lu3]
滚搅晒嘞, 未聽過(唔係話帖人唔啱),我講:打攪哂. 注:打攪有麻煩人地嘅意思,上人屋企探人會搞到人地忙住招呼你,故會講打攪哂.
天气真系唔错噃,太典型行[hong5]貨,人地最多都係答"係啊"咁,令人覺得無聊.
噉讲, 長寫係唔好咁講.人地多謝你嘅時候用.其他答法係"乜說話吖","唔使客氣","小事(嚟)啫","小意思啫" 注:啫有"而已"嘅意思.
暄字讀syun1我都聽過.
其他遲啲再寫..
|
|
發表於 2008-1-4 23:50:25
