徴集容易讀錯嘅字

Anl

希臘：讀欺蠟，非讀欺獵
有一個外國嘅名詞，好多人都爭議佢嘅發音，就係Greece,究竟讀「希蠟」定係「希獵」呢？唔使爭詏，首先確定希臘唔係由Greece譯音而來，因爲一啲相似點都冇。而譯音最先尊重對方發音，我哋先研究人哋係點樣讀自己嘅國名，用希臘文嚟讀係Hellas。正好我哋又寫希罕個希，臘腸個臘。因爲人家唔係讀Hellip，所以我哋唔係寫獵人個獵。由此可推，讀「欺蠟」係最準確無誤嘅。

Anl

使用：讀洗用，非讀史用。
呢個詞我哋常用。究竟應該點樣讀？我哋嚟細細分析一下。香港正音運動要求「使用」讀「史用」。其實呢個係錯嘅。民國時代起，我哋有亞爺輩經常用「擇使」表示棘手，因當時假幣太多，要揀擇過再使用，擇使之使亦係使用之意，無理由讀擇史吖。另外中國象棋有句俗語：卒仔過河當車(居)使。亦係使用噉解。再有一句俗語：牙齒當金使。統統都係使用，而且統統都係讀「洗」。何解香港要求讀「史用」，莫非我哋啲俗語都發錯音，試問你有冇聽過人講擇史、卒仔過河當車史、牙齒當金史吖？

Anl

酗酒：讀去走，非讀兇走。
毫無節制地飲酒稱爲「酗酒」，讀「凶」酒當然錯。「酗」字喺《廣韻》讀「去」，解作「醉怒」。呢個詞多數出現喺書面語上，平時粵語最多會講「飲大咗」、「飲多咗」，冇乜機會用到「酗酒」，而且學校都冇教人粵語點讀，或者甚至乎老師都未必識讀。自然有唔少人有邊讀邊啦。

Anl

構、購：讀扣，非讀夠。
香港電視播音員，讀新聞時，硬梆梆噉將“結構”、“購物”讀“結夠”、“夠物”。其實呢個問題涉及音韻學上g=>k嘅變化規律。
例如“巨”係g聲母，但坑渠個“渠”字，就讀做k聲母，佢本身係借巨字做諧音，但經歷時代變遷，發音變咗做k
又例如救命個救，以求做聲母，但“求”字本身經過時代變遷，已經讀做k聲母嘞。分字都既可發g聲母又可發k聲母：近、禁

大吉利市

係兩『脇』插刀，唔係肋。兩把刀插喺『胳肋底』都制，重唔係死檔？

Anl

http://humanum.arts.cuhk.edu.hk/Lexis/lexi-can/search.php?q=%A6%D8
係“兩脇插刀”定係“兩肋插刀”，自己睇上面個網址。

malsony

QUOTE:

以下是引用Anl在2006-10-19 0:14:07的發言：
兩肋插刀：肋讀勒，非讀協
因爲忽視粵語教育，及現今對時代人懶查字典之故，好多字嘅粵語畀人讀錯或者遺忘。今次講爲朋友忠肝義膽，「兩協插刀」。可能大家都聽慣，唔覺得有咩問題，但問題就出現究竟兩「協」插刀嘅「協」喺邊個位？其實大家都覺得應該係我哋俗稱胳肋底嘅地方。但嗰度叫「勒」，肋骨嘅地方。肋骨我哋就唔會讀「協骨」，但點解同樣係呢個肋字，用喺兩「肋」插刀呢個詞上，就讀錯成「協」呢？大概同簡體「协」字相似嘅緣故。祇要我哋平時用心思考，就唔會讀錯啦。

估計系“要脇”的“脇（脅）”同“協助”嘅“協”令大家搞錯……

westerner

酷，一直以嚟我都以爲呢個字同「浩」「皓」一樣讀hou6，原來係讀huk6

?

呢个我读错

[em06][em06]

roblin100391

QUOTE:

以下是引用superjill在2006-8-29 20:54:18的發言：
上面嘅啲會容易讀錯嘅字，我都無問題

一字兩音嗰啲讀錯會覺得好怪
好似“稅服”讀成“雪服”

廣州有間超市叫“易初蓮花”（唔知執咗未）
唔知大家認爲應該點讀呢？

读“亦初连花”

Lucciora

“酷”字我讀錯，其他都冇讀錯·～

Wai

《廣東俗語考》：『 酷 音 斛(huk6,胡谷切)。熱甚也。『說文』酷。酒厚味也。『白虎通』極也。『集韻』酷熱者極甚之謂。古人有大暑去酷吏語。粵語曰本此。又曰熱辣辣。又煖曰凹凹。地之凹處必煖。故曰煖凹凹。』

youshangwei

繾綣 讀 顯勸

中二仔

抨(paang1)

highyun

有網友提議徴集一啲成日讀錯嘅字，特意搵返呢個帖出嚟畀人加啲易讀錯字落去。

small2dim

以下是引用Anl在2006-10-19 0:14:45的發言：
酗酒：讀去走，非讀兇走。
毫無節制地飲酒稱爲「酗酒」，讀「凶」酒當然錯。「酗」字喺《廣韻》讀「去」，解作「醉怒」。呢個詞多數出現喺書面語上，平時粵語最多會講「飲大咗」、「飲多咗」，冇乜機會用到「酗酒」，而且學校都冇教人粵語點讀，或者甚至乎老師都未必識讀。自然有唔少人有邊讀邊啦。

酗都可以讀jyu3喎~

 

悖(bui3)逆、佐(zo3)證、泡(pou5)影、歇(hit8)：歇息，歇後語，歇斯底里(hysteria)

[此帖子已經被作者於2007-8-11 1:56:31編輯過]

zplus

門檻，纖體，

廣東的讀法與香港的不一樣。應該如何取捨？個人偏向香港讀法。無辦法，香港係粵語強勢地方。

還有，埃及，塵埃

 

最反感，廣東的電視臺的主持發音都不正。不知所謂。

bajatvj

究竟“忠告”系咪要读成“中谷”架

bajatvj

原帖由 zplus 於 2007-9-25 16:19 發表 門檻，纖體，廣東的讀法與香港的不一樣。應該如何取捨？個人偏向香港讀法。無辦法，香港係粵語強勢地方。還有，埃及，塵埃   最反感，廣東的電視臺的主持發音都不正。不知所謂。 ...

 

槛字读成滥或杉

纤字读成千就肯定错，要读签（m闭口），肯定系受简体字影响啦

埃字广州读挨，香港读哀，我一般系读哀及、尘哀，如果读成尘挨就好怪了

 

好似个舰字，未学过都以为读见，原来系艦字，简体字都唔啱我哋粤语嘅

 

 

 

bajatvj

原帖由 Anl 於 2006-10-18 03:12 發表 另外「文」唔係「蚊」，錢唔係昆蟲。“一文”、“幾百文”，唔應該寫成“一蚊”、“幾百文”。

蚊字已经被大众接受，而且量词又无规定一成不变

chiu

好好好好校正呧