問一下繁體字問題

Anl

大家以爲漢字係趨向由繁至簡。但又有冇人諗到點解起初啲字會咁繁複？例如“繁，漢，藏，華，蕭”等。
因爲簡單嘅筆畫，唔可以將意思區分。
如“复”，爲咗表達“又，再”之意，區分“雙重”之意，喺“复”字上加彳部表示“復（又，再）”，加衣表示“複（雙重）”。
又有以前嘅“賓”字本無“貝”，但習俗所成，做賓客者都帶有禮品，舊時係“貝”表示錢，所以爲咗可以喺文字上體現呢一點，“賓”字就有咗“貝”部嚟表意。
文字係有從簡到繁嘅過程，即使係當今，亦會有由簡到繁嘅現象，Unicode國際編碼組織每年都增加漢字字形，因爲時時刻刻都有人標新立異，所以漢字擴充字庫由Ext-A到Ext-B，而家正製作中嘅係Ext-C。

Ultra

我諗好多人都認同，Unicode每年增加嘅中文字唔應該增加新造字，而應該喺古籍裏面出現過而從嚟冇收錄過嘅字。中文同英文重係有啲區別嘅。

Anl

你以爲英文冇咩？英文每年都有新單詞增加，因爲英文使用嘅範圍比中文大，所以標新立異或者因應需要嘅人肯定有。
喺古籍出現過嘅字Unicode一早已經收集晒，因爲地名，人名等用字而新造嘅字不斷增加，故此漢字無時無刻亦都喺度發展，英文亦一樣。

Ultra

QUOTE:

以下是引用Anl在2006-10-4 10:54:09的發言：
你以爲英文冇咩？英文每年都有新單詞增加，因爲英文使用嘅範圍比中文大，所以標新立異或者因應需要嘅人肯定有。
喺古籍出現過嘅字Unicode一早已經收集晒，因爲地名，人名等用字而新造嘅字不斷增加，故此漢字無時無刻亦都喺度發展，英文亦一樣。

你理解錯咗，我意思係，英文係經常加入新單詞，但Unicode其實唔係經常加入新造字嘅。從古到今，中文字大概有20萬，目前Unicode 4.1包括7萬多一啲，新增Ext-C有兩萬幾，所以Unicode 5.0有望接近10萬，但要完全顯示古籍中出現過嘅文字其實重係未足够嘅。衹不過有啲文字確實使用得極少，可能永遠都唔會加入。

Anl

QUOTE:

以下是引用夢星羽在2006-4-8 0:20:18的發言：

“晒”是“曬”的異體字，今則作為簡體字。
廣東坊間則多將其作為“澌”字的俗寫，全部、完全之意。
“澌”，盡也。《正韻》寫其音為“斯”，而《集韻》則音“釃”。
查“釃”有兩音，一音“shi斯”，一音“shai曬”，
粵語的“澌”應從其後者，音“shai曬”。

或者《集韻》取釃字做音，係取其“斯”音，而非“曬”音。
再查《集韻》：山宜切。鄰知切。所綺切。山於切。五支切。上紙切。八微切。四紙切。
如下圖。
全無“曬”音。
何來「一音“shai曬”」

問一下繁體字問題

OmniBus

原帖由 殺人王 於 2006-4-9 06:44 發表 重有「裡」同「裏」又有咩唔同呢？

如果係廣東話，我覺得有分別。裡我會讀里，係衫褸入便嘅一層。例，件衫層裡爛咗。裏我會讀呂，入便咁解，呢個唔使解釋下嘛。

OmniBus

原帖由 Anl 於 2006-10-5 20:25 發表 QUOTE:以下是引用夢星羽在2006-4-8 0:20:18的發言：「晒」是「曬」的異體字，今則作為簡體字。廣東坊間則多將其作為「澌」字的俗寫，全部、完全之意。「澌」，盡也。《正韻》寫其音為「斯」，而《集韻》則音「釃」。查「釃」有 ...

Unicode有隻字叫
嗮

嶺南散人

原帖由 殺人王 於 2006-4-7 20:35 發表 繁體字中，你字有多種寫法「你」「妳」「伱」「袮」到底有咩分別？香港同臺灣繁體中有何不同？繁體中到底用那個你？ 另外，后與後兩個字繁體字都有，而簡體將其簡化成一個，到底有什么區別？晒與籭兩個字又有什么區別？ 謝謝解答 ...

首先，應該喊做「正體字問題」。

你：俗伱字。

妳：俗嬭字。

伱：汝也。

袮：日本漢字。

香港同台灣正體字冇乜區別，基本可以通用，但係一乃習慣上有些少區別。譬如「裏」同「裡」等。

由上可知，正體字應該用「伱」。

後：遲也。

后：一般指皇帝之妻。

晒：與曬同。

籭：竹器也。

旺旺

原帖由 OmniBus 於 15/12/2008 04:04 PM 發表 如果係廣東話，我覺得有分別。裡我會讀里，係衫褸入便嘅一層。例，件衫層裡爛咗。裏我會讀呂，入便咁解，呢個唔使解釋下嘛。

裡竟然讀作「里」，「裡 =/= 裏」...無嘢講。

daydreaminghoyi

突然諗起一個問題~

日本女星上野樹里

廣東人讀"李"定"裏"?

嶺南散人

原帖由 daydreaminghoyi 於 2008-12-21 18:47 發表 突然諗起一個問題~ 日本女星上野樹里廣東人讀"李"定"裏"?

[lei21]

OmniBus

原帖由 旺旺 於 2008-12-16 17:23 發表 裡竟然讀作「里」，「裡 =/= 裏」...無嘢講。

裡，係衫裏便嘅一層布。唔知你睇唔睇得明。同裏便個裏唔同解法。