廣州話詞典徵集詞條

monfan

 

一本即將出版嘅廣州話詞典將收錄80年代至今所有粵語詞彙，粵語協會作為一個團隊，有份參與詞典嘅編寫。

目前嘅主要工作為詞條收錄，詞條收錄嘅要求係：
1、未喺其它詞典出現過
2、屬於廣州或珠三角嘅特有用詞，有別於港式粵語
3、唔屬於民族共同語詞彙

 

現請有心人加入編寫詞條行列，詞條請按以下示例之格式以回帖形式添加（繁簡體皆可，請勿用火星文）：

 

【冇数围】意：收不回成本；相当于普通话：划不来。【例】呢单工程预算咁低，接咗冇乜数围啵。

【滚钱滚粮票】意：泛指各种欺骗行为。滚——欺骗。流行于70——90年代。【例】「唔好信佢呀，佢滚钱滚粮票嘎。」

【阿爷】意：泛指公家。与港澳意思略有不同。【例】你就好啦，食住都系阿爷嘅。

 

有份加入詞條者，按提供詞條數量及質量，其姓名（或網名）有機會刊載於詞典編寫成員名單上。

Well

虽然我生于有800几年历史既广州古村落，虽然村里边800几年粤音不改，虽然我母语系粤语，可惜政府既满语教学令我好多词语识讲但系唔识准确写出黎，唉，可惜。

我就写几个啦。麻烦识写正规繁体既朋友帮我更正啦。

 

 

条条fing，形容人游手好闲，无所事事。例如：佢份人边信得过架，成日都条条fing。

峭钉，形容所处既地方好危险。例如：做乜你个娃鬼企得咁峭钉啊？快落翻黎啦！

 

[ 本帖最後由 Well 於 2009-8-26 11:39 編輯 ]

monfan

原帖由 Well 於 2009-8-25 23:30 發表 虽然我生于有800几年历史既广州古村落，虽然村里边800几年粤音不改，虽然我母语系粤语，可惜政府既满语教学令我好多词语识讲但系唔识准确写出黎，唉，可惜。我就写几个啦。麻烦识写正规繁体既朋友帮我更正啦。     ...

第二个词唔系好理解，未请教，兄台系边处人？

紮那魯剛多

廣州話「殴生藕」係咩意思？

UngooChan

「竅釘」就聽過，同「了棱」近似，形容奇怪、獨特。

 

例：度門鎖整得咁竅釘嘅。

紮那魯剛多

原帖由 UngooChan 於 2009-8-27 20:51 發表 「竅釘」就聽過，同「了棱」近似，形容奇怪、獨特。   例：度門鎖整得咁竅釘嘅。

睇廣劇《乘龍怪婿》聽到嘅

meallanfearghai

打櫼（俗寫：打尖）

插隊，不按次序排隊。［例］呢個人去飯堂打飯經常打櫼，從來都唔排隊嘅。

NF: da2 dzim1

Jyutping: daa2 zim1

Penkyamp: dã jïm

meallanfearghai

亙（俗寫：梗）

當然；形容程度甚高。［例］：你係大仔喔，亙係要為家族傳宗接代啦！

NF: gâŋ2

Jyutping: gang2

Penkyamp: gãnk

使君子

於 2009-8-24 23:59 發表   2、屬於廣州或珠三角嘅特有用詞 有別於港式粵語 

K城——香港

K佬——赴大陆搵食 作风低劣之港人

KX——X代之以人名，指二十世纪六七十年代 电爆炸头、着喇叭裤、带墨镜、弹结它、撩女仔 之广州仔。如当年一广州青年叫阿炳从事上述行为，周遭街坊就会称其人为「K炳」。

使君子

久时久——亦可作「周不时」、「耐唔耐」（后面只 耐 字读高平）。「久时久」似是南海、鹤山的口音。

Lauu6 Bauu6——南海、鹤山的口音，意同Lau Gau、Lae Fae。周星驰偶尔会讲。除他之外，我未听过香港人讲。

鸡屎果、女人狗肉——【本地石榴】的另外讲法。

新会话亦可作「花lim1」。nim/lim疑是侗傣语，因为广西壮话亦将【本地石榴】称作nim1。

zaa6乱波柄——香港人读zaa6乱「哥」柄

即刻——香港人读「即kaag」。（许冠杰是相当正宗的广州话 他的歌我就从未听过有「即kaag」的唱法）

laat——形容 热、兴，广州人讲laat多。这个词也疑是侗傣语。广西壮话意思一模一样的，读naat。

使君子

火车路——形容 中坑、老坑 额头上的皱纹

钱七——烂单车踩起身「tsi tsi tsang tsang」的发出机械噪音 顾名思义

旧残皮——破烂家具电器

几张嘢——「四张几嘢」就是四十几岁（「十」的发音通常会简化为 aa6/yaa6）

使君子

原帖由 Well 於 2009-8-25 23:30 發表  条条fing，形容人游手好闲，无所事事。 

意同「鸠流流」。

「盲流」——不一定是作奸犯科之人，也可以是北省进入珠三角做搬运工作的低文化低收入者。

湖南头——湖南籍体力劳动者，或可作所有湖南籍人士的贬称。

死人头——多出现于幼儿时传唱歌谣，现已少用。

使君子

http://www.google.com/search?q="旧残皮"

Google搜索「旧残皮」，所有返回结果均为 广州/珠三角 网站，唯一一个繁体字blog也是本地人所开。

[ 本帖最後由 使君子 於 2009-10-7 12:24 編輯 ]

使君子

老「彭」（paang2），「彭」是「朋」的音变，「老彭」意即「老朋友」。

使君子

光「兜」，即「光头」。「头」在顺德话读「兜」。

使君子

「陈嚟陈去」、「快啲陈」，是新天朝成立以后的广州话俗语。

当时飞人 陈家全 平了世界男子100米跑记录，举国沸腾，「陈」于是成了广州话「跑」「走」「dek」的代名词。。。

[ 本帖最後由 使君子 於 2009-10-7 12:22 編輯 ]

使君子

在广州的一些村落（石牌、江高 等），既不讲「响度」，不讲「喺度」，也不讲「起度」，讲「许度」。

详情请见google搜出的一些blog主的日常用词口音：http://www.google.com/search?q="许度做"

[ 本帖最後由 使君子 於 2009-10-7 12:21 編輯 ]

使君子

做事有交带，就是「有跟兜」。

使君子

以前听过一个石牌的本地妹，食得好饱，不讲「好滞」「好漏」，讲「好裕」。

使君子

香港人讲「九反之地」，我地广州D前辈就讲「九反大坛」咯。