關於開設宗教版，你點睇？

xiss

原帖由 walkman2k 於 2009-11-1 18:40 發表 邊邊票數多，已經一目了然咯啵而且投贊成票嘅仲有好多系板主添。.

大佬啊,投票人数总共先得30人,粤协嘅总人数就过万,过万人嘅论坛搞30人嘅投票?明摆住嘅小圈子选举啦

walkman2k

原帖由 xiss 於 2009-11-2 08:29 發表 大佬啊,投票人数总共先得30人,粤协嘅总人数就过万,过万人嘅论坛搞30人嘅投票?明摆住嘅小圈子选举啦

三個幾月時間，呢過萬人都可以投票個嚄，冇人唔畀渠哋投票嚄，如果有邊個反對嘅，一早可以投反對票啦。但渠哋咁長時間都無投票，咁即系棄權啦。咁簡單嘅道理你都唔明？

cantonhope

粵地系唔可以無宗教信仰咖。請睇呢度：

http://lkcn.net/bbs/index.php?showtopic=228611

xiss

原帖由 walkman2k 於 2009-11-2 10:48 發表 三個幾月時間，呢過萬人都可以投票個嚄，冇人唔畀渠哋投票嚄，如果有邊個反對嘅，一早可以投反對票啦。但渠哋咁長時間都無投票，咁即系棄權啦。咁簡單嘅道理你都唔明？ ...

何谓之"既系话弃权"呢?我哋呢个投票有设"弃权项(开唔开都唔关我事)",只有投呢项嘅,先至可以算系弃权啊.
佢哋呢种情况唔系弃权,而系名副其实嘅"未参与投票",佢哋好有可能系根本唔知道呢件事,又点可以就认为佢哋系"弃权"呢?噉样岂不是强奸民意?
民主议事规则讲明,当一项表决参与人数远少于全体成员人数时,呢项表决即不具代表性,应该当作无效处理,否则,就系不得人心嘅小圈子选举嘞.

canton_rights

原帖由 xiss 於 2009-11-2 12:42 發表 何谓之"既系话弃权"呢?我哋呢个投票有设"弃权项(开唔开都唔关我事)",只有投呢项嘅,先至可以算系弃权啊.佢哋呢种情况唔系弃权,而系名副其实嘅"未参与投票",佢哋好有可能系根本唔知道呢件事,又点可以就认为佢哋系"弃 ...

你究竟識唔識民主選舉咖，投票日你唔去投票，唔通仲要去你屋企請你咩？對於唔想參與投票嘅人，就梗系當棄權咖啦，唔通攞支槍指住你要你投票咩？

bigvessel

喺民主國家，都會有好多人，甚至系大部分人，唔去參與投票嘅。唔參與投票亦系個人權利之一。如果人哋唔想投票，你系要強迫人哋投票，咁就系侵犯人權。

bigvessel

以下內容摘自維基百科：

投票率指在選舉中參與投票的人數佔擁有投票權人總數的比例。

不同國家的投票率相差很大，例如美國通常少於一半人口投票。

在成熟的民主國家，40年來投票率穩步下跌，尤其是在美國、西歐、日本和拉丁美洲。期間，其他政治參與也有下降趨勢，例如自願加入政黨的人減少、市議會的旁聽人數下跌；參與公民活動的人數也減少，如去教堂、加入專業組織、課外活動、青年組織、家長會等。



[ 本帖最後由 bigvessel 於 2009-11-2 15:12 編輯 ]

bigvessel

由以上資料可知，即使系總統選舉咁大件事，美國都有超過一半合資格選民唔去投票，何況系其它事？

咁美國少於一半合資格選民選出來嘅總統有冇效呢？事實話畀我哋知：係有效嘅。

bigvessel

再睇翻我哋呢個開設宗教版嘅投票：雖然本論壇號稱註冊ID過萬，但實際平時活躍嘅ID有幾多個，大家都有眼睇啦。參與本次投票嘅ID有30個，其實已經囊括大部分嘅活躍ID嘞。所以話，呢個投票結果，係大部分人嘅意願，絕對唔系小圈子選舉。

xiss

原帖由 bigvessel 於 2009-11-2 15:30 發表 再睇翻我哋呢個開設宗教版嘅投票：雖然本論壇號稱註冊ID過萬，但實際平時活躍嘅ID有幾多個，大家都有眼睇啦。參與本次投票嘅ID有30個，其實已經囊括大部分嘅活躍ID嘞。所以話，呢個投票結果，係大部分人嘅意願，絕對唔系小圈子選舉 ...

有何根据证明已经囊括咗大部分活跃ID？？就凭你一家之言？

倒不如呢次选举囊括咗你哋支持开「宗教版」嘅人嘅意愿重好过啦。

民主国家选举率越嚟越低，但系唔会话低到「每一万个人得三十个人去投票」咁离谱啊。

我哋呢次选举就系离谱到呢个地步，如此低投票率，根本不具代表性，最多只能够话代表咗你哋赞成开宗教版嘅人嘅意思，呢批人少于30个，如何代表整个论坛所有人嘅意见？

就连人大选举，当投票人数低于一个百分率之后，该次表决亦都作废啦。连呢啲你都唔识，你重好意思问人哋识唔识民主选举？

walkman2k

原帖由 xiss 於 2009-11-2 20:41 發表 有何根据证明已经囊括咗大部分活跃ID？？就凭你一家之言？ 倒不如呢次选举囊括咗你哋支持开「宗教版」嘅人嘅意愿重好过啦。 民主国家选举率越嚟越低，但系唔会话低到「每一万个人得三十个人去投票」咁离谱啊。 我哋呢次选举 ...

你有本事嘅，咪揾曬所有註冊ID來，強迫渠哋投票囖！如果你做唔到，就唔好再喺度強詞奪理嘞！

护粤人士

xiss 嘅詭辯認真離譜，我都睇唔過眼。成三個幾月咁長時間，要投票一早就投咗啦，無投票嘅就肯定應該當棄權。

真正嘅選舉亦系咁。如果無強制投票嘅法律，喺規定時間內唔去投票，肯定就當棄權。

如果有強制投票嘅法律，規定時間內唔去投票，就會被處罰。

法庭審判亦類似，如果被告同辯護律師都唔出庭，就進行缺席審判。

我哋呢次投票，好明顯系非強制投票。就算你想強制都好難做到，咁多註冊ID，你點去揾渠哋呀？由於系非強制投票，所以喺規定時間內唔投票，就肯定當棄權。

如果有人包拗頸，係要話系強制投票，咁渠應該揾曬所有冇投票嘅人出來，逐一去處罰渠哋。唔知xiss可唔可以做到呢一點呢？

喺投票結果咁清楚明白嘅情況下，xiss 居然仲要lai橫折曲、強詞奪理，可能原因有二：

1. xiss 根本唔識民主投票嘅遊戲規則，正所謂無知者無畏也；

2. xiss 唔系唔明，但渠就系要不擇手段反對開板。xiss 好可能系畀 CCP 洗腦洗得好犀利，所以敵視宗教信仰。

我哋知道，全世界80%以上嘅人，包括好多大科學家、政界要人等等，都有宗教信仰。所以，如果敵視宗教信仰，就系與全世界大部分人為敵、與人類文明為敵。

注意，唔信仰任何宗教，並唔等於敵視宗教信仰。好多唔信教嘅人，都可以寬容多種宗教信仰。而 xiss 呢種人，明明投票結果已經咁清楚，渠仲要不斷詭辯、阻礙開板，所以我惟有推測，xiss 對宗教信仰有嚴重嘅敵視情緒。

xiss

原帖由 walkman2k 於 2009-11-2 21:39 發表 你有本事嘅，咪揾曬所有註冊ID來，強迫渠哋投票囖！如果你做唔到，就唔好再喺度強詞奪理嘞！

我并非反对开设宗教版，假如呢个投票参与人数达到一定份额，哪怕只系论坛嘅三分之一人，结果都显示赞成开设宗教版嘅话，噉样我就唔会有意见。

你哋「宗教派」无法争取足够民意支持你地，就唔好怪我喺道阻挠，你哋有本事就叫啲人上嚟。宜家三十人对一万人，就点样都无法称其为「大众意见」，顶多只系你哋「宗教派」嘅意见

sundae

我都希望 xiss 愛護下自己嘅形象。喺投票結果咁明確嘅情況下，仲要反覆狡辯，就系道德問題嘞。

人不可言而無信，賭徒尚且願賭服輸，xiss 唔會連賭徒都不如啩？

xiss

原帖由 护粤人士 於 2009-11-2 22:18 發表 xiss 嘅詭辯認真離譜，我都睇唔過眼。成三個幾月咁長時間，要投票一早就投咗啦，無投票嘅就肯定應該當棄權。真正嘅選舉亦系咁。如果無強制投票嘅法律，喺規定時間內唔去投票，肯定就當棄權。如果有強制投票嘅法律，規定時間內唔 ...

OK，为咗费事畀人误会我系么嘢「共党」，我就摆明嚟讲啦，我之所以至今反对开设宗教版，系因为整个投票中只睇到你哋呢班人喺道唱双簧，三十人，实在太过容易畀某啲人冒充出嚟喇。因此我根本就信唔过呢个表决，因为我根本就信唔过你哋呢班人，你哋嘅素质。因为你哋好激进，好右派，好不切实际，好三分钟热度，祸害粤协太多喇。

而且见唔到多少粤协嘅资深会员（起码中级会员以上）嚟到投票，参与投票以及讨论嘅都系一班新人，新会员，唔系话唔信过新人新会员，但系对于粤协成立初衷嘅深刻了解，以及对粤协现状嘅了解，相信资深会员更有发言权。而其资深会员能够更好噉样避免「马甲」。新人帐号实在太容易获得喇，随便注册一个账户，随便发几张帖就得嘞，点知呢三十人里面，究竟有冇三十人？？

所以，本人自始至终都对整个投票表示怀疑。所以，本人实在无法认同呢个投票就系大众民意。

 

对呢班右派嘅宗教人士对粤协宜家嘅「建树」，以及粤协点解会走向没落嘅今日，相信版主以及各管理员比我更清楚，希望你哋明白我想讲么嘢，明白究竟么嘢先至系民意。千祈唔好畀粤协畀一班人挟持住，更加唔好畀某啲人强奸咗粤协真正嘅民意。要明白最初粤协繁盛时期嘅会员以及民意系点，究竟系想将粤协发展成点；而宜家呢班所谓嘅右派「民意」又系么嘢货色。

护粤人士

原帖由 xiss 於 2009-11-2 22:26 發表 我并非反对开设宗教版，假如呢个投票参与人数达到一定份额，哪怕只系论坛嘅三分之一人，结果都显示赞成开设宗教版嘅话，噉样我就唔会有意见。 你哋「宗教派」无法争取足够民意支持你地，就唔好怪我喺道阻挠，你哋有本事就叫啲人 ...

已經同你講過啦，你仲要人重複幾多次？非強制性投票，根本唔需要叫曬啲人嚟投票。如果你唔同意呢一點，你就應該先處罰所有冇投票嘅人，然後再強迫渠哋嚟投票。呢樣嘢應該系你做嘅，其他人因為都同意呢次系非強制性投票、都認同呢個結果，所以唔需要做呢件事。

況且，論壇每日嘅活躍ID，來來去去就得嗰幾個，大家都有眼睇啦！其實30個投票ID，已經超出日常活躍ID數目嘞！如果唔信，我哋可以統計下嗰萬幾個ID嘅活動情況，恐怕好多ID成年都冇登錄過，仲會唔會再嚟呢個論壇都唔知呀！我甚至懷疑，好多ID根本就系用註冊機來註冊嘅。

本來，我贊同開宗教板，係希望凝聚團結粵人，以此帶旺人氣嘅。但如果投票結果出咗嚟仲言而無信，就肯定會令好多粵人心淡嘞！


[ 本帖最後由 护粤人士 於 2009-11-3 00:03 編輯 ]

护粤人士

原帖由 xiss 於 2009-11-2 22:48 發表 OK，为咗费事畀人误会我系么嘢「共党」，我就摆明嚟讲啦，我之所以至今反对开设宗教版，系因为整个投票中只睇到你哋呢班人喺道唱双簧，三十人，实在太过容易畀某啲人冒充出嚟喇。因此我根本就信唔过呢个表决，因为我根本就信唔过 ...

呢次嘅投票權限系由 Admin 規定嘅，所以既然你質疑呢樣嘢，就惟有等 Admin 來解答你嘞。

歷時三個幾月、咁多人參與嘅投票，如果可以畀你咁樣靠詭辯推翻，咁你先至係有最大問題嘅人。唔通你有乜嘢背景.....?

walkman2k

當初就系因為同 xiss 爭持不下，先決定投票嘅，點知投完票，xiss 仲要來搞搞震。老實講，而家我心目中，對 xiss 嘅印象真系好差。我覺得 xiss 系個好無誠信嘅人，所以如果同人合作做生意，我肯定唔會拣渠。

walkman2k

原帖由 xiss 於 2009-11-2 22:48 發表 OK，为咗费事畀人误会我系么嘢「共党」，我就摆明嚟讲啦，我之所以至今反对开设宗教版，系因为整个投票中只睇到你哋呢班人喺道唱双簧，三十人，实在太过容易畀某啲人冒充出嚟喇。因此我根本就信唔过呢个表决，因为我根本就信唔过 ...

無論如何，按照 admin 設定嘅條件，投票結果已經出咗來。有契約精神嘅人，就一定會尊重、承認呢個結果。如果冇契約精神，人與人之間就根本無法互信，社會亦無法維系。

況且，就因為你一個人「信唔過」，就推翻幾十人歷時三個幾月嘅投票，你當自己系乜？系太上皇？？

enlighten

開個板，好簡單嗻，使唔使搞到咁辛苦，又要投票投成三個幾月，投完票仲要唇槍舌劍......真系......

各位對宗教信仰有興趣嘅朋友，可以來呢D論壇：

http://www.fjlm.org/forumdisplay.php?fid=67

http://bbs.foyuan.net/

http://www.folou.com/

http://bbs.jiexieyin.org/

http://www.xuefohao.cn/

http://www.xianxuew.cn/BBS/Boards.asp

http://www.taoistic.org/wdb/index.php

唯一嘅遺憾就系，呢D論壇唔系用粵語討論......