關於開設宗教版，你點睇？

admin

宗教版投票經已結束，請有意打理宗教版嘅朋友，於本版（意見收集箱）內發帖申請做版主，簡要列出管理政綱、版塊簡介（50字以內）以及提供板塊圖標（105×55）。

若申請人數達到兩人即可開版。若超過一個月冇人申請，則不予開設新版。

 

 

[ 本帖最後由 admin 於 2009-11-4 10:07 編輯 ]

neogeo

選項好似唔夠多啵~

譬如靚女 daydreaminghoyi 就建議開個大型宗教板，包含宗教藝術、歷史、音樂、禮儀、文學等等分板。

[ 本帖最後由 neogeo 於 2009-7-23 23:07 編輯 ]

daydreaminghoyi

期待會有人寫粵語鬼故

 

其實我係諗住唔使開分板, 全部放晒落去宗教板度架

 

以免太靜吖嘛

 

p.s. 我係女仔

xiss

呢個好似係粵語嘅論壇喔。

想問問樓上兩位，你哋好似有好大諗頭，唔單單宗教，重要話大型宗教，連「藝術、歷史、音樂、禮儀、文學」（其實呢啲不過就係純粹嘅民俗分析，不過呢啲民俗係源自宗教而已）都要分類埋。

我想問，你哋分得咁細，你哋能夠保證每個版都咁熱鬧咩？你又能夠保證真係好多人都會去咩？就算係你哋，主張增設嘅人，又能夠保證自己唔係「三分鐘熱度」咩？！！宜家論壇嘅版面已經好冷清，你哋重想分薄埋其它版面嘅資源？？

neogeo

原帖由 daydreaminghoyi 於 2009-7-23 22:09 發表 期待會有人寫粵語鬼故 其實我係諗住唔使開分板, 全部放晒落去宗教板度架 以免太靜吖嘛 p.s. 我係女仔

sorry，我改咗嘞......
[ 本帖最後由 neogeo 於 2009-7-23 23:10 編輯 ]

walkman2k

原帖由 xiss 於 2009-7-23 22:23 發表 10083呢個好似係粵語嘅論壇喔。想問問樓上兩位，你哋好似有好大諗頭，唔單單宗教，重要話大型宗教，連「藝術、歷史、音樂、禮儀、文學」（其實呢啲不過就係純粹嘅民俗分析，不過呢啲民俗係源自宗教而已）都要分類埋。我想問，你哋分 ...

你仲要人哋復述幾多次？粵語要有生命力，就唔可以局限於學術研究。一定要拓展粵語嘅應用範圍！

論壇咁多舊貼都同宗教有關，咁仲需要擔心人氣咩？

광동왕국-08

 

 

我哋可以用粵語嚟討論宗教, 更加活潑生動 !不過我希望說及靈異事件就能夠搵到科學數據去解釋就更加完美 PERFECT !

 

 

 

xiss

原帖由 walkman2k 於 2009-7-23 23:26 發表 你仲要人哋復述幾多次？粵語要有生命力，就唔可以局限於學術研究。一定要拓展粵語嘅應用範圍！論壇咁多舊貼都同宗教有關，咁仲需要擔心人氣咩？ ...

咁多？
多？
我宜家淨係知道，單單係同粵語直接相關嘅「初級書院」「高級書院」「粵拼區」每日嘅平均新帖都只係得一張。
就算係包羅萬象嘅「閑情吹水坊」，每日嘅平均新帖數亦都只係3~4兩張，版主基本上唔使再去管理嘞。
一個已經冷清到呢個地步嘅論壇，你哋重要開一個新版去攤分其它版面嘅資源，噉其它版面豈不是唔使再有新帖？？

呢個就係我哋論壇實際現狀。唔該你哋唔好成日企喺啲高屋建瓴嘅角度去誇誇其談，一時談談政治構想，一時談談粵人信仰。麻煩你哋實際啲，就諗下點樣提高返我哋論壇宜家嘅人氣再算啦。

如果宜家嘅論壇係熱鬧非凡，我絕對唔會反對開新版，但係宜家嘅論壇已經冷清到「可怕」嘅地步，開新版就已經變得好不合時宜喇。

护粤人士

原帖由 xiss 於 2009-7-24 00:34 發表 咁多？多？我宜家淨係知道，單單係同粵語直接相關嘅「初級書院」「高級書院」「粵拼區」每日嘅平均新帖都只係得一張。就算係包羅萬象嘅「閑情吹水坊」，每日嘅平均新帖數亦都只係3~4兩張，版主基本上唔使再去管理嘞。一個已經 ...

呢個問題我早就回復過你嘞。

你講嘅呢D現象，同症苦嘅大力推普有好大關係：

http://www.cantonese.sheik.co.uk/phorum/read.php?4,90149

http://www.cantonese.sheik.co.uk/phorum/read.php?4,72382,page=1

正因為惡性推普同洗腦不斷昇級，而家嘅粵人對粵語越來越麻木，對粵語感興趣嘅人越來越少。

再加上金融危機，揾食艱難，好多人就少咗上網嘞。

所以，你講嘅呢D現象，唔可以完全歸咎於粵協。

其實我覺得粵協已經好努力，作為粵人，我哋應該畀多D支持佢。

而且，正系由於粵人對粵語越來越麻木，我哋更加應該提倡大家多D運用粵語，尤其系書面粵語。而開多個板，等大家有多D運用粵語嘅機會，係一個好好嘅選擇。

护粤人士

xiss，你咁多時間精力嘅，不如去做D正經嘢啦，譬如去其它地方推介粵語、推介呢個論壇！

xiss

原帖由 护粤人士 於 2009-7-24 08:24 發表 xiss，你咁多時間精力嘅，不如去做D正經嘢啦，譬如去其它地方推介粵語、推介呢個論壇！

妳哋咁多精力開呢個版開嗰個版，噉不如妳哋又去做D正經嘢啦，譬如去其它地方推介粵語、推介呢個論壇！

Jean

單開一個宗教版討論呢啲話題會唔會太過偏同狹窄阿？有沖淡論壇學術特性嘅嫌疑。

要容納重有其他途徑，比如改成一個綜合性版，將宗教列為其中一個分類，將其他娛樂性質嘅子版都擺入去。畢竟呢啲嘢同呢個網站嘅學術性主題特色相比，只係一種娛樂休閒性質嘅話題。

況且，要用粵語討論呢啲話題一直都有發揮嘅空間嘅，之前嘅吹水版都可以。

個人意見，建議管理員喺設置版塊格局時，以論壇主題同特色為出發點。

[ 本帖最後由 Jean 於 2009-7-26 12:59 編輯 ]

逸定軒

个人觉得呢个版可有可无

 

到底粤协系定位为学术论坛定系综合论坛？

 

系米应该先为「是否要开新版」投票，然后再考虑「要开一个什么方向的宗教版」？

CLAUDIO

原帖由 护粤人士 於 2009-7-24 08:20 發表 呢個問題我早就回復過你嘞。你講嘅呢D現象，同症苦嘅大力推普有好大關係：http://www.cantonese.sheik.co.uk/phorum/read.php?4,90149http://www.cantonese.sheik.co.uk/phorum/read.php?4,72382,page=1正因為惡性推普同 ...

你以上講嘅野,都同宗教無關,咁點解要特登開個宗教板呢
你咁講,我不如開個動漫板,或者開個o靚模貼圖區啦啦,肯定吸引多d人黎討論同交流啦

CLAUDIO

原帖由 护粤人士 於 2009-7-24 08:20 發表 呢個問題我早就回復過你嘞。你講嘅呢D現象，同症苦嘅大力推普有好大關係：http://www.cantonese.sheik.co.uk/phorum/read.php?4,90149http://www.cantonese.sheik.co.uk/phorum/read.php?4,72382,page=1正因為惡性推普同 ...

sorry,貼多左一次
[ 本帖最後由 CLAUDIO 於 2009-7-31 11:17 編輯 ]

xiss

原帖由 CLAUDIO 於 2009-7-31 11:16 發表 你以上講嘅野,都同宗教無關,咁點解要特登開個宗教板呢你咁講,我不如開個動漫板,或者開個o靚模貼圖區啦啦,肯定吸引多d人黎討論同交流啦

咪係，其實呢道好多人根本就唔明白么嘢係宗教？？
以為講神怪之類嘅就係宗教。跟住就一大班人喺道吵住話要開「宗教版」，所以我覺得呢種舉動好唔成熟囉

walkman2k

睇來有D人唔搞事就唔得安樂，明明爭端都平息咗好耐啦，人哋都買佢怕，唔回復佢啦，佢已經威曬啦，但佢仲系唔甘心，仲要來攪事。呢種人到底有冇團結粵人嘅全局觀念？大家有眼睇啦~
[ 本帖最後由 walkman2k 於 2009-7-31 18:03 編輯 ]

walkman2k

原帖由 xiss 於 2009-7-31 17:21 發表 咪係，其實呢道好多人根本就唔明白么嘢係宗教？？以為講神怪之類嘅就係宗教。跟住就一大班人喺道吵住話要開「宗教版」，所以我覺得呢種舉動好唔成熟囉 ...

咁多人投咗票，唔通佢哋都唔明白乜嘢係宗教？就得你明？你威曬？

要知而家粵協最威系邊個？邊個系人人都買佢怕嘅呢？睇下呢D貼就知嘞：

http://bbs.cantonese.asia/viewthread.php?tid=17430&page=1

http://bbs.cantonese.asia/viewthread.php?tid=17459

[ 本帖最後由 walkman2k 於 2009-7-31 18:09 編輯 ]

逸定軒

各位，冷静小小

 

宗教系信噶，唔系感样讨论噶

 

多种宗教放系一个版讨论，有无意义先？有无回教徒同基督教徒混合社区架？

neogeo

大家以和為貴，一人少句啦。粵人既然徧佈全球，就肯定會有唔同嘅信仰同價值觀，所以我哋一定要互相包容先得。

有D爭拗，應該適可而止，唔好繼續糾纏不休嘞。