原帖由 cingsan 於 2008-9-23 09:47 發表 外星化學高手,尿素有冇可能生成三聚青氨??
我講下我嘅睇法。當我一睇到話「製作過程中尿素轉化為三聚氰胺」嘅時候,我係有尐相信嘅。因爲工業上,三聚氰胺的確係由尿素製得嘅,副產物有二氧化碳以及氨氣。
但係就係呢個副產物令到我感到懷疑,二氧化碳唔奇怪,我哋身邊嘅水時不時都會溶有二氧化碳,但係氨氣就有問題嘞。因爲氨氣具有極強烈嘅刺鼻氣味,有時候我哋去廁所嘅時候都會聞到,而且氨氣喺水嘅溶解度極大,一份水理論上就能夠溶解到700份氨氣,而且用尿素製備三聚氰胺,每生成一份三聚氰胺嘅同時,就會生成6份氨氣。噉樣豈不是,牛奶裏面嘅氨氣含量重多過三聚氰胺?牛奶容有咁多氨氣,肯定廁所味濃郁,試問,聞到呢尐味,你重敢飲呢尐牛奶咩?
此外,尿素如果反應成三聚氰胺,條件有「高壓」「常壓」以及「低壓」三种。但係無論邊一種壓強,反應溫度都要達到300度以上。而据我所知,蛋白質喺大概100到150度以上就會基本變質(所以我哋用滾水煮嘢先至容易煮熟),所以製備牛奶嘅溫度一般維持喺130度左右(130度係製奶粉咖嘞)。但係無論如何,都冇可能高過300度,否則,蛋白質都冇曬嘞,重有奶味嘅?(以上重係喺添加催化劑嘅前提下,如果唔加催化劑,推算出嚟,如果你溫度唔達到800度以上,你冇一年時間都唔使旨意製到三聚氰胺,但係,等得嘅一年,奶都變質嘞)
所以我認爲,添加尿素然後喺製牛奶過程中轉化爲三聚氰胺嘅講法至得懷疑。
重有,上面係從理論化學嘅角度去分析,如果從成本化學去分析,牛奶場能夠喺制牛奶嘅過程中製出三聚氰胺,噉樣嘅成本,可能係目前世界上最便宜咖嘞,相信就連職業化工廠都未諗到!! |