想写就写

不关云和月

某个晚上，行经中山六路嘅时候，睇见一位衣衫褴褛嘅婆婆（唔知系咪应该称姖婆婆，可能因为姖饿得脸黄饥瘦，睇唔出姖真实年龄值）企响一个小店门口，聚精会神望住店内，好似等紧人，好似期待紧啲咩噉。姖一手执住几条貌似人家弃置嘅花枝，脚边拖住一小块黑卒卒嘅棉胎被褥，基本全身嘅色彩都系乌卒卒噶。响姖身边经过，略有犹豫，唔敢肯定姖系咪一个流浪者。当行出十几米之后，我再次返回姖身边，拎几文递过去，本来都有啲担心惊姖反应过度，唔知会畀啲咩反应我。姖望咗一下我手上嘅碎纸，再望下我，弱弱吐出两个字，让我有啲啲惊愕嘅两个字：「唔要！」惊愕唔系因为姖唔要，而系因为姖识讲广州话。当时我谂系咪姖唔知钱为何物定系我估计错误，太一相情愿误以为姖系流浪之人呢？当我再次征求姖到底要唔要，姖重系同我讲：「唔要！」我亦唔再勉强姖，或者真系我太多心，枉作好人，希望姖唔会介意喇！fficeffice" />

 

 

柳寻风

 

柳寻风

 云月,绝对唔系你嘅错,系佢唔识讲说话,佢应该话,"唔使,谢谢",话"唔要"系无乜礼貌嘅行为.

柳寻风

 云月呀,如果下次对方话"妹妹,我畀十蚊你,唔该你借过",你点算.

不关云和月

原帖由 柳寻风 於 2008-12-13 21:37 發表  云月呀,如果下次对方话"妹妹,我畀十蚊你,唔该你借过",你点算.

 

 

吓？吓？吓？真系点算？ 你过两招嚟使下。

不关云和月

原帖由 柳寻风 於 2008-12-13 21:36 發表  云月,绝对唔系你嘅错,系佢唔识讲说话,佢应该话,"唔使,谢谢",话"唔要"系无乜礼貌嘅行为.

 

我系对于姖识得讲广州话（即系极有可能系本地人）而要搞到如斯田地错愕啫。

柳寻风

原帖由 不关云和月 於 2008-12-13 21:49 發表     吓？吓？吓？真系点算？ 你过两招嚟使下。

 畀我,我就会同佢讲:Can I help you?

不关云和月

重以为应该接过十文跟住走人先。

柳寻风

原帖由 不关云和月 於 2008-12-13 22:14 發表 重以为应该接过十文跟住走人先。

你话畀佢听,十蚊唔多够打的返香港呀.

不关云和月

圣诞抽奖抽到嘅小礼物！

 

[ 本帖最後由 不关云和月 於 2008-12-20 18:18 編輯 ]

不关云和月

八角、桂皮、甘草，尔三样嘢夹埋共一两。将以上三材料放入汤袋包好，揼落煲清水度（2500ML），用中火煲半个钟。再加入一啲清水，要等汤汁保持2500ML份量。再加入老抽一支、生抽1/3支、沙糖1.5斤、粗盐6两，煮一阵，再放你想煮嘅主要材料，例如：乳鸽、鸡、鸭等。二十分钟后熄火，焗十五分钟即可。而用过嘅卤水汁可以放入冰箱，以后重用。尔个系阿苏教嘅办法。

[ 本帖最後由 不关云和月 於 2009-1-4 16:13 編輯 ]

柳寻风

哇!云和月秀外慧中,多才多艺喔~~~羡慕死人喇.

不关云和月

原帖由 柳寻风 於 2009-1-4 12:52 發表 哇!云和月秀外慧中,多才多艺喔~~~羡慕死人喇.

 

 

  真系惭愧嘞，尔盘请你嘅。

不关云和月

                       

不关云和月

 

[ 本帖最後由 不关云和月 於 2009-1-21 15:35 編輯 ]

不关云和月

2009-1-17

 

由于花期已过，整体可观性不强。偶有一株盛放，必围满游人。交通一般般方便，坐完BUS还需转乘免费接驳小巴方能到达，如嫌小巴间隔久，亦可自乘摩托车。出发前要查清花期，免得「千里迢迢」而去，失望而归！当地有烧鸡尝，饿了也不妨一试。

[ 本帖最後由 不关云和月 於 2009-1-21 21:23 編輯 ]

不关云和月

草菇要飞水，肉碎自己切嘅话，味道好啲。

 

不关云和月

地铁4线，再转360BUS总站就系天后宫。


坐地铁拍嘅：

360BUS总站到啦

小桥流水



喂鱼乐

免费开放，环境清幽。


随处可见嘅花

拍出微距效果



炮仗花



古老嘅帆船

天后宫在此












烧炮仗

许愿树

我嘅愿意喺其中




游完后谂住去十八九涌食海鲜，点知南沙BUS收车特别早，唯有下次再食啦。

不关云和月

早几日休完最后两日年假，一年嘅年假就完结咗。一直唔钟意公司规定员工几时几刻必须将假期休完，对于年假放假方案员工完全冇发言权。上年都系过年时期统一休，今年算系进步咗一啲啲，留返两日畀我哋自由发挥。好羡慕人哋啲公司可以自由申请几时休假，闲日出游就最好，车票机位都平地人，住又唔使同人逼，更加唔使畀人宰到一颈血，当水鱼噉砍。公司请假又难过人，想请日假都要有超充分原由，晕！好似我哋读紧幼儿园嘅BB噉，简直让人无言以对。放假就去睇场戏，关于嗰出《海角七号》，媒体鼓吹如何如何经典、感人。但人认为，不外如是，一个字：嘈！剧情平淡无奇，「经典」嘅镜头只出现咗短短几秒，所谓「经典」只对于成出戏平淡拖沓而言，先会突出其「经典」。简直就系浪费表情，兼谋杀生命。恕云月唔识得欣赏，罪过！罪过！

 

不关云和月

今天又得闲嚟晒下我读书嗰阵收集到嘅「宝贝」，虽然唔值钱，不过都跟云月N年咁耐嘞。