問一下繁體字問題

殺人王

够,夠 兩個字我都唔係好明,係咪兩一樣?

dada

臺灣寫「夠」﹐內地寫「够」。 《康熙字典》收入「够」。喺「夠」字下﹐佢淨寫「同够。」 「夠」﹐好多年前已經係繁體規範字。臺灣省國語推行委員會一九五八年出版嘅《民眾補習班初級國語課本》﹐就已經用「夠」。 不過﹐我自細重寫繁體「够」。一九八○年臺灣出版嘅《大林國語辭典》重收入「够」﹐不過寫明「亦作『夠』。」 重有一個「彀」字﹐例如「能彀」。《說文》有「彀」字﹐不過係本義﹕「彀，張弩也。」

殺人王

香港是否跟台灣一樣用"夠"?

殺人王

在問一下"盃"同"杯"嘅區別 我有時上香港嘅網站,佢地用"世界盃" 但係用"茶杯"

dada

《國語辭典》﹕「杯﹐競賽優勝的獎品。如：『金杯』、『銀杯』、『獎杯』。今多用『盃』字。」 《異體字字典》﹕ 「『盃』為『杯』之異體。 《廣韻．上平．灰韻》：『桮杯同，盃俗。』《集韻．上平．灰韻》：『桮，或作杯盃。』 按：『杯』字從木不聲，『盃』字從皿不聲。從木就其材質而造字，從皿就其器類而造字，故二字可相通。」

殺人王

原來相通,明白

Desmond

雖然相通，但應該依從用字習慣。

kittyfa

好复杂．．．．．．．．．．

殺人王

剛在香港的網站上看到"潛返"呢個詞 "潛"是否"潜"的異體字? 還是一個是兩者有不同?

dada

啱啱相反﹐「潛」係正字﹐「潜」係異體字。「日」上便兩個部件似「夫」﹐所以「潛」訛變為「潜」。

殺人王

dada在2006-7-14 14:23:55說道：[br]啱啱相反﹐「潛」係正字﹐「潜」係異體字。「日」上便兩個部件似「夫」﹐所以「潛」訛變為「潜」。

原來如此,不過大陸好似用"潜"作為"正"的簡體字

殺人王

dada在2006-7-14 14:23:55說道：[br]啱啱相反﹐「潛」係正字﹐「潜」係異體字。「日」上便兩個部件似「夫」﹐所以「潛」訛變為「潜」。

原來如此,不過大陸用"潜"作為"正"的簡體字

dada

我都有發覺到。規範嘅標準有時唔係好清楚。臺灣用「夠」﹐內地用「够」。就算喺臺灣﹐《異體字字典》有時都話﹐正字應該係甲﹐但乙已經定為規範字﹐唯有當甲係異體字。 「潛」﹐說文小篆從旡﹐完全唔係從夫。古字典話「潜」係俗字。

殺人王

借問聲,俗字為何解? 正字,異體字容易理解 不過俗字,我不大明白. 另外,突然想到"替"字 是否都係"朁"係正字?

dada

我都唔係好清楚﹐所以下便淨係個人意見。 《國語辭典》﹕「俗字﹐一種異體字。流行於世俗，寫法有別於正體字的另一種字體。」呢個解釋冇乜用。 有人話俗字係唔符合六書原理嘅字﹐呢個解釋比較易接受。六朝時代﹐因為冇標準﹐個個人都為種種理由亂寫字﹐造咗好多唔符合六書原理嘅字。 例如「饜」﹕ ①「猒」係食飽、滿足﹐「厭」係壓。兩個字本來冇關係。 ②因為同音﹐古人鍾意通假﹐就用「厭」代替「猒」﹐表示滿足﹐例如「貪得無厭」。 ③「厭」慢慢變為憎厭（其實應該係「憎猒」﹐食得太飽就引申為厭惡﹐唔使用另一個字）。 ④「厭」既然變咗憎厭﹐後人又唔記得「猒」係食飽、滿足﹐就另外造一個「饜」字。 呢個「饜」字唔符合六書原理﹐係俗字。暮（莫）、燃（然）、傢俱（家具）﹐都係俗字。 所謂正俗冇絕對嘅標準。古時認為係俗嘅字﹐今日可能係正字。例如「教」﹐左便本來從爻從子（參見「學」字）﹐即係「敎」﹔寫錯成「孝」就變為「教」。今日「教」反而係正字。

夢星羽

“朁”与“替”是两個字， 兩字意思與讀音均不同。 “朁”，曾也。“曾經”之意。 “朁”是“潛”、“僭”等字的音旁，簡體字的“潛”作“潜”即失其音旁，因“替”非其音。 不過，簡體字的簡化大多都有其出處，並非隨意而簡， “潛”之所以簡爲“潜”，出自浙江的於潜縣（現在已撤縣，併入臨安市）。 “於潜”古作“於朁”，在東漢時被改爲“於潜”，並沿用至今，簡體字把“潛”簡作“潜”，即出自此也。

夢星羽

將是否符合“六書”作爲正俗字之分，可謂“以今非古”，有失偏頗。 因爲先有漢字，而後有六書。 古人創字之初，隨心所欲，何嘗有法則可言？ 所謂六書者，不過是《說文解字》分析漢字的構造，而對漢字進行歸類而已。 而且六書之分亦並不準確，如“轉注”、“假借”實爲用字之法而非造字之法。 漢字自漢代“隸變”之後，已失其形， 而我們現在所使用的漢字均自“隸書”演化而來，不合六書者比比皆是， 如“射”字，身寸何解爲射？根本沒法解釋，《說文解字》強解爲“弓弩發於身而中於遠也。寸，法度也。” 其實，射字的古字是，一邊是弓箭，一邊是手，以手發箭，射字之義明極。 但因“弓箭”的形狀類似“身”字，故被錯寫成“身”， 右邊的“手”也被錯寫成“寸”， 《說文解字》不知其字之本來面貌，故錯解其字。 如此，這個一錯再錯，實屬錯別字的“射”字是正是俗？ 我認爲正俗之分在乎官方規範， 官方規範的標準用字即爲正字，而非官方的民間用字即爲俗字。 中國、新加坡官方規定簡體字爲標準用字，故在此兩地簡體字是爲正字，而其它的均爲俗字。 而臺灣、香港官方規定繁體字爲標準用字，則在此兩地繁體字是爲正字，而其它的均爲俗字。

殺人王

多謝樓上兩位詳細解答 我又學到嘢

殺人王

又有問題 今日瀏覽一香港網業,當中有"與日惧增"呢個詞 "與"是否就為"与"的繁體字?定係兩個都係唔同字,不過簡體寫成一個字? 另外,林語堂字典中查找"與"有"給與"呢個詞,是否又同"予"有關?

huang

QUOTE:

以下是引用highyun在2006-4-8 11:58:06的發言：
正体嘅“晒”同“曬”系完全唔同嘅，前者系范围副词，表示“全部”嘅意思，摆喺动词后面，例如“食晒”“搞掂晒”等等；而“曬”系动词，如“曬太阳”“曬衫”等。
夢兄认为“澌”系“晒”嘅本字，几有意思。

咁 “嗮”? “哂”又係乜嘢字? 同上邊嘅有冇關系？？

重有“關系”有冇啱？？係定系？？點用呢兩上字？？（本人自細就“祇/衹/只”學過簡體）