「打茄輪」

卢总

原帖由 外外星人 於 2008-5-10 02:28 PM 發表 老师企上去讲课，重要学生分真伪？我晕！

以目前嘅环境嚟睇，啲老师讲到几多成真嘢？学生又学到几多成真嘢？

外外星人

至少，字系真嘅，冇十足都有九成九啦！

 

喺呢度，反而要人估估下，你唔反感我都作呕...

中二仔

原帖由 卢总 於 2008-5-10 14:41 發表 分析能力唔够嗰啲点算？点解我哋要死啄住张小莉呢个贱人唔放？就系因为佢会影响嗰啲分析能力不足嘅后生！

鬼叫佢哋見到鬼話都當真?

中二仔

原帖由 外外星人 於 2008-5-10 14:28 發表 老师企上去讲课，重要学生分真伪？我晕！

你當蠢魚係老師?

外外星人

原帖由 中二仔 於 2008-5-11 16:03 發表 你當蠢魚係老師?

 

比喻而已，系泛指。

唔三唔四蠢魚

嗱，唔怕讲畀你地知，我讲嘅有九成係真嘅，只有一成係假，而且假得非常明显，係鱼都睇得出，可以咁讲，我讲嘅嘢，无论娱乐程度同可信程度都颇高。
为咗方便啲智商低过鱼嘅人睇得明，我注明一下好喇！

佳能（CANON ），呢家公司嘅名最早叫做「Kwannon」（係真嘅！），系日语「観世音（かんぜおん）」嘅罗马字（都係真嘅！），
点解要用「観世音」呢？
因为佳能嘅老板叫做「御手洗毅」（亦都係真嘅！），中文意思即系「坚持要上厕所」（假嘅！）。
以前嘅人上厕所系唔用厕纸嘅，用左手就搞掂，所以上完厕所一定要洗手（係真嘅！），「御手洗」嘅日语意思就系「厕所」（学过日语嘅人都知係真嘅！）。——而家印度人重用紧左手，所以印度人系唔用左手食嘢嘅（真珠都冇咁真！）。
观世音，中国人一般叫做「观音」，因为当年李世民申请咗个「世」字嘅专利，所以冇得用「世」（係中国人都知到係真嘅！）。
睇过《西游记》嘅人都知，观音手上经常揸住个法宝，叫做「净瓶」（睇过《西游记》嘅都知係真嘅！），
净瓶系用来做乜咖？
冇错，净瓶就系专门供人上完厕所后洗手用嘅（可能你唔信，但的而且确係真嘅！）！
观音成日揸住个净瓶，咁就可以随时「御手洗」，认真方便（係人都知到係假嘅）！
所以，呢个「坚持要上厕所」嘅御手洗毅非常之崇拜观音，用咗观音来作为间公司嘅名（虽然崇拜嘅原因有啲假，不过佢崇拜观音则係真嘅），
之后来，可能系观音保佑，间公司越搞越大，发展到海外添！
啲鬼佬信基督唔信观音，御手洗冇办法，惟有改名叫做「キヤノン（CANON）」，「教士」咁解。（都係真嘅）
キヤノン，以前香港译做「锦囊」（三十岁以上嘅香港人都知係真嘅！），可能系译者《三国演义》睇得多啩！
中国则译做「佳能」（係真嘅），意思系「好好使」，个御手洗听错成「好好洗」，觉得中国人真系知音喇！「观音」真系「好好洗」咖！（如果你睇唔出呢个係假嘅话，做鱼我都唔收你！）
所以，之后就以呢个名作为统一嘅汉语名称，个「香港锦囊」就唔知擗咗去边嘞。（真嘅！）
「观音」系女嘅，所以系广东话里头，「观音」又代表「女仔」，好似啲成日喺女仔身边跟出跟入嘅人，我地就叫做「观音兵」（全部都係真嘅！），
呢班「观音兵」跟住个「观音」做乜？
先卖个关子，一阵开估。
先解释「茄轮」系乜先：
茄，即系茄子，广东话又叫「矮瓜」或「茄瓜」（冇理由係假嘅），
轮，即系圆形嘅物体（解释亦都唔假）。
茄轮，就系将茄瓜切成圆形嘅片状，呢种茄瓜圆片就叫做「茄轮」（呢个世界上真係有「正正得负」咖！呢个就係例子，真真得假。），
当你将一片「茄轮」摆响口度，你就会得到一个非常甜美嘅笑容（咁你都信？你係唔係姓「白」咖？），
所以照相个阵，一定会有人大叫「茄子」（冇错喎！），就系提醒大家记得含「茄轮」（应该係错嘅）。
而家，我估醒目啲嘅大概已经估到班「观音兵」跟住个「观音」做乜喇！
冇错，就系想打劫「观音」嘴里面片「茄轮」（虽然呢个係假嘅，不过观音兵真係想占观音嘅便宜喎！）！
因为打劫时要先用手捉住对方双手，唔畀佢反抗，但咁样又冇手再去打劫茄轮，咁惟有用条脷去打劫。（理论上来讲，呢个係真嘅，因为呢个係惟一可行嘅方法！）
所以，大家要记住喇！
「打茄轮」系要用条脷嘅！（打过茄轮嘅人都知到呢个係真嘅！）

卢总

今日系星期三！哈哈哈！

中二仔

原帖由 唔三唔四蠢魚 於 2008-5-14 23:35 發表 嗱，唔怕讲畀你地知，我讲嘅有九成係真嘅，只有一成係假，而且假得非常明显，係鱼都睇得出，可以咁讲，我讲嘅嘢，无论娱乐程度同可信程度都颇高。为咗方便啲智商低过鱼嘅人睇得明，我注明一下好喇！佳能（CANON ），呢家公司嘅名最早叫做「Kwan ...

由於係你多數真嘅內容都係用來禪解假嘢...

所以我覺得內容重點可信性偏低,不過可觀極高~~~