「打茄輪」

cingsan

正字係點嘅？？？

卢总

唔好以为乜嘢都有所谓「正字」先得嘎！尤其是呢啲带有洋文成分嘅俗语。

cingsan

吓？？唔係啩……

中二仔

本自CANNON

外外星人

原帖由 中二仔 於 2008-4-27 12:49 發表 本自CANNON

 

轮住嘴？

Warrin

同CANON（佳能）有乜內在聯繫~~~

唔三唔四蠢魚

原帖由 Warrin 於 2008-4-28 17:36 發表 同CANON（佳能）有乜內在聯繫~~~

讲到呢个内在联系，睇怕只有我咁博学兼唔三唔四嘅先至知道。
佳能（CANON ），呢家公司嘅名最早叫做「Kwannon」，系日语「観世音（かんぜおん）」嘅罗马字，
点解要用「観世音」呢？
因为佳能嘅老板叫做「御手洗毅」，中文意思即系「坚持要上厕所」。
以前嘅人上厕所系唔用厕纸嘅，用左手就搞掂，所以上完厕所一定要洗手，「御手洗」嘅日语意思就系「厕所」。——而家印度人重用紧左手，所以印度人系唔用左手食嘢嘅。
观世音，中国人一般叫做「观音」，因为当年李世民申请咗个「世」字嘅专利，所以冇得用「世」。
睇过《西游记》嘅人都知，观音手上经常揸住个法宝，叫做「净瓶」，
净瓶系用来做乜咖？
冇错，净瓶就系专门供人上完厕所后洗手用嘅！
观音成日揸住个净瓶，咁就可以随时「御手洗」，认真方便！
所以，呢个「坚持要上厕所」嘅御手洗毅非常之崇拜观音，用咗观音来作为间公司嘅名，
之后来，可能系观音保佑，间公司越搞越大，发展到海外添！
啲鬼佬信基督唔信观音，御手洗冇办法，惟有改名叫做「キヤノン（CANON）」，「教士」咁解。
キヤノン，以前香港译做「锦囊」，可能系译者《三国演义》睇得多啩！
中国则译做「佳能」，意思系「好好使」，个御手洗听错成「好好洗」，觉得中国人真系知音喇！「观音」真系「好好洗」咖！
所以，之后就以呢个名作为统一嘅汉语名称，个「香港锦囊」就唔知擗咗去边嘞。
「观音」系女嘅，所以系广东话里头，「观音」又代表「女仔」，好似啲成日喺女仔身边跟出跟入嘅人，我地就叫做「观音兵」，
呢班「观音兵」跟住个「观音」做乜？
先卖个关子，一阵开估。
先解释「茄轮」系乜先：
茄，即系茄子，广东话又叫「矮瓜」或「茄瓜」，
轮，即系圆形嘅物体。
茄轮，就系将茄瓜切成圆形嘅片状，呢种茄瓜圆片就叫做「茄轮」，
当你将一片「茄轮」摆响口度，你就会得到一个非常甜美嘅笑容，
所以照相个阵，一定会有人大叫「茄子」，就系提醒大家记得含「茄轮」。
而家，我估醒目啲嘅大概已经估到班「观音兵」跟住个「观音」做乜喇！
冇错，就系想打劫「观音」嘴里面片「茄轮」！
因为打劫时要先用手捉住对方双手，唔畀佢反抗，但咁样又冇手再去打劫茄轮，咁惟有用条脷去打劫。
所以，大家要记住喇！
「打茄轮」系要用条脷嘅！

cingsan

佩服！！！佩服！！

外外星人

原帖由 cingsan 於 2008-4-26 17:32 發表 正字係點嘅？？？

 

有人问过啦！

http://bbs.cantonese.asia/viewthread.php?tid=5660

 

成日笑

原帖由 唔三唔四蠢魚 於 29-4-2008 08:46 PM 發表 讲到呢个内在联系，睇怕只有我咁博学兼唔三唔四嘅先至知道。佳能（CANON ），呢家公司嘅名最早叫做「Kwannon」，系日语「観世音（かんぜおん）」嘅罗马字，点解要用「観世音」呢？因为佳能嘅老板叫做「御手洗毅」，中文意思即系「坚持要 ...

 

原來如此深奧，學到嘢 

中二仔

原帖由 Warrin 於 2008-4-28 17:36 發表 同CANON（佳能）有乜內在聯繫~~~

我聽人講以前有個講波佬(興桂)將雙方衝前搶波叫「打茄輪」,本自cannon

不過唔知係唔係來源~~

07-07-07

 蠢鱼嘅解释大家信一成好喇。

中二仔

原帖由 07-07-07 於 2008-5-4 15:41 發表  蠢鱼嘅解释大家信一成好喇。

一成都唔好信,佢娛樂一下大家啫~

chencowcow

咪就系 系度阿吱阿咗

中二仔

原帖由 chencowcow 於 2008-5-9 13:15 發表 咪就系 系度阿吱阿咗

其實有人講下笑都幾好~

卢总

不过最弊有人信以为真噃！

外外星人

噉又系嘅，你哋时真时假，叫人点分噃？

中二仔

原帖由 卢总 於 2008-5-9 15:22 發表 不过最弊有人信以为真噃！

順便考埋大家分析能力囉~

外外星人

老师企上去讲课，重要学生分真伪？我晕！

卢总

原帖由 中二仔 於 2008-5-10 12:25 PM 發表 順便考埋大家分析能力囉~

分析能力唔够嗰啲点算？

点解我哋要死啄住张小莉呢个贱人唔放？就系因为佢会影响嗰啲分析能力不足嘅后生！