正音運動的先決條件: 要有一套公認的拼音方案

嶺南散人

原帖由 winkin 於 2008-5-2 04:14 發表 其實不一定需要拼音方案來正音。很多英國人都不知道英語音標是什么一回事，當你問他一個英語單詞為什么發那個音，他會告訴你是他從老師口里學的，并且媒體也達成共識了。BBC英語就是這樣一樣正音例子。所以，我覺得粵語正音 ...

邊有個老師成日跟住你尾，唔通我唔識讀某一個字的時候就打電話去電視臺問啊？

嶺南散人

原帖由 winkin 於 2008-5-2 05:05 發表 或者係佛山真愛頻道新聞。TVB固然係好，人靚聲正；不過，我覺得，如果是廣東人，最好用廣東的媒體正音，因為一些詞匯和表達方式省港有別，思維模式文化等也有細微區別。 ...

咁你可唔可以講我知佢地嘅電話幾多，等我唔識讀某一個字的時候就打電話去問下。

xiss

原帖由 winkin 於 2008-5-2 04:14 發表 其實不一定需要拼音方案來正音。很多英國人都不知道英語音標是什么一回事，當你問他一個英語單詞為什么發那個音，他會告訴你是他從老師口里學的，并且媒體也達成共識了。BBC英語就是這樣一樣正音例子。所以，我覺得粵語正音 ...

英文有詞典啊，咁就係一種標準啦，再加上英文有好多專業嘅學術研究啊。

不過，粵語好多年都係「約定成俗」咁樣過嚟啦，咁亦都係大多數「方言」嘅生存狀態。但係咁樣嘅缺點亦都有啲嘅，譬如造成諸多懶音。既然我哋粵語有可能有條件向更規範化嘅方向發展，我哋應該爭取啊！！

xiss

原帖由 嶺南之南 於 2008-5-2 11:06 發表 咁你可唔可以講我知佢地嘅電話幾多，等我唔識讀某一個字的時候就打電話去問下。

提下意見嗟，唔使「下下儘」咁閙人啊嘛！！

嶺南散人

原帖由 xiss 於 2008-5-2 12:22 發表 提下意見嗟，唔使「下下儘」咁閙人啊嘛！！

哈哈，我問個電話號碼也叫「閙人」？

winkin

廣東有廣州音字典，香港更多粵語標音字典，網上也不少，即查即有，唔使問電臺。我反對的是把這些字典，所有拼音方案，注音方式用學術權威或行政權威的名義強行合并在一起。英國牛津字典用國際音標，美國韋氏字典用韋氏音標，牛津字典享有學術界至尊地位，但BBC若據此指責CNN發音，無異于好為人師，犯了文化霸權主義，惹人厭惡。盡管我個人認為，香港的新雅字典的注音方式，勝于廣州音字典，但無須強行統一。讓它們優勝劣汰，適者生存。

即使統一了字典和公認的拼音方案又如何？現實中未必處處以字典為準。譬如「牛頓」的「頓」，我從小就讀「敦煌」的「敦」音；忽一日聽見一個來自深圳的朋友讀成「嘉頓」的「頓」音，我頓時一呆，因為他的讀音，如果依據字典，完全無錯。但我想粵港澳以粵語為母語的人會發我的那個音，難道要一本所謂學術權威字典來正我們的音？至于懶音，這是一個人的態度問題，有無字典都係咁。反觀英語，中國學英語的學生都有統一的字典和音標，但由于缺乏大量活生生的材料和與操英語人士的接觸，仍然會把CNN讀成「say恩恩」，很多單詞的讀音也因為失去輕重緩急和抑揚頓挫的特點而被英美人士視為非標準。

講到底，正音的關鍵不在絕對統一的字典和拼音方案，而在于大量的發音相對準確的粵語材料。目前我們有字典有方案，但需要大力發展有內容有料嘅材料。從這個意義上講，研究下拍一套順德話4仔，遠遠比琢磨用邊套方案一統粵港澳有意義的多。

xiss

原帖由 winkin 於 2008-5-2 19:49 發表 研究下拍一套順德話4仔，遠遠比琢磨用邊套方案一統粵港澳有意義的多。
 

呢句好搞好實際喔。不過，啲外地人咁鹹濕，怕四仔片或者真係會激起佢哋學習粵語嘅衝動啊   

winkin

原帖由 xiss 於 2008-5-2 23:05 發表 呢句好搞好實際喔。不過，啲外地人咁鹹濕，怕四仔片或者真係會激起佢哋學習粵語嘅衝動啊

絕對可能，因為導演係本地人，而演員呢？通常都系外地人，你唔可以旨意D順德女仔肯獻身。好彩臺詞唔會多，講幾句粵語唔難。堅決支持引進樣靚身材好識兼識do嘅外地女仔服務廣東。

卢总

只有舞台表演上嘅口语对话先叫做「台词」，否则就应该叫「对白」！

xiss

原帖由 卢总 於 2008-5-3 03:10 發表 只有舞台表演上嘅口语对话先叫做「台词」，否则就应该叫「对白」！

一樣嗟，唔使咁斤斤計較啊嘛！！務實變通一向係我哋廣東人嘅優良傳統嚟咖嘛。唔係邊道會有咁多至潮至in嘅嘢呢？

卢总

你错喇！

家下捞思维就系不分好丑，但求就手，乜都叫「台词」——此风不可长！

唔斤斤计较嘅，我点做「正字局常委」？唔斤斤计较嘅，你嚟呢个网站做咩？

xiss

好好好，咁我哋就嚟向你學習下「斤斤計較」嘅作風，以糾正下我哋嘅「不正之風」啦

卢总

噉就啱嘞！噉就乖嘞！