强烈抗议粤协~！

Jake_ct

强烈抗议粤协！！！

 

1.毫无理由、恶性封杀网友发言。

 

第一，且不谈封杀言论自由问题，就封杀手段而言，就已经足够卑劣，违反文明准则。

 

这是因为，如果你不是为了私怨，而是为了所谓「粤协安全」（不被封杀）问题禁止某些言论，按照文明嘅逻辑，你只可以「猫捉老鼠」——即係当嗰个ID發布「敏感」（你代共 產 黨憂慮的所謂「敏感」）文字嘅時候，你屏蔽才「說得過」。超過某個次數（這個你要公開交待，究竟是多少次，和次數有冇一個定數），你再封殺ID。

 

封殺咗一個，絕對冇理由一見到第二個相似嘅ID就給予封殺，因為這是違反文明世界的邏輯的：你根據別人的網名作「有罪推定」（這個「罪」還是違反民主自由準則的！），人家都未講嘢，或者講其他嘢，就已經喺道亂咁封殺！簡直係愚蠢、瘋狂嘅法西斯行為！

 

我再解釋，如果粵協認為自己封殺有「道理」，可以適當作出管理，但亦絕不能喺一個ID未講你們認為的所謂「敏感」的說話前，或根本說一些「不敏感」的說話的前亂咁封殺，呢個係絕對野蠻嘅！如果你咁Q樣，你同共 產 黨 有乜尻分別啫？個logic係，你假設得某君係一個「敏感嘅人」，咁你同樣可以假設所有其他網友係啫，咁咪變咗隨Q你噏囉！

 

第二，你地口口聲聲話為粵協生存發展著想，唔想被封殺，你地有冇諗過，香港或者其他海外Cantonese見到你地咁個野蠻專制樣，有冇mood重繼續喺道啊？如果共君有朝一日話：不行，你們廣東人發展自己的文化就是分裂祖國。咁你地可以收工、摺埋，返屋企瞓覺啦！

 

醒下啦，人地北方人四五年前已經辦純粹嘅民主網站啦。你唔攪政黨，共君係唔會拉人封艇架。你班友，成日喺道扮親漢，發埋曬啲大漢民族主義春秋大夢，笑人地北方人係外族。唔好傻啦！漢族從來就係一個有政權就有正統嘅民族，你地粵人唔向西方價值觀靠攏，唔講民主自由，憑咩立足啊？唔好講發展咁長遠嘞！如果從大漢民族主義出發，粵語真係中國發展嘅絆腳石！而家講下民主自由、文化獨立，唔會死人架，如果講下都出事，咁嘅社會環境，你都唔使旨意粵語生存發展到啦！

 

 

2.唔該粵協唔好咁自私，攪小動作，令好多資料無法下載啦，變返可以下載嘅，唔該。

你文化上有軟實力，自然聚腳！

唔好咁大鄉里，多謝！

 

 

 

 

 

 

 

 

 

 

 

 

 

 

 

 

 

柳寻风

 

卢总

柳寻风呃发帖数呀？

好！我又呃！我又呃！

呃完跟住去街街！Ｂｙｅ！

粵嚟粵掂

原帖由 Jake_ct 於 2008-1-22 19:00 發表 你地口口聲聲話為粵協生存發展著想，唔想被封殺，你地有冇諗過，香港或者其他海外Cantonese見到你地咁個野蠻專制樣，有冇mood重繼續喺道啊？如果共君有朝一日話：不行，你們廣東人發展自己的文化就是分裂祖國。咁你地可以收工、摺埋，返屋企瞓覺啦！

 

我一早就話過，遲啲就會有更多比我道行仲深嘅粵右光臨敝會咖喇！

 

Jake_ct 生咁有文墨兼咁好火，粵協嘅粵右翹楚（唔好聽嘅就畀嗰班友稱呼成「粵協第一長毛」）舍妳其誰？！！

粵嚟粵掂

原帖由 Jake_ct 於 2008-1-22 19:00 發表 醒下啦，人地北方人四五年前已經辦純粹嘅民主網站啦。你唔攪政黨，共君係唔會拉人封艇架。

 

咪係！

粵嚟粵掂

原帖由 Jake_ct 於 2008-1-22 19:00 發表 如果從大漢民族主義出發，粵語真係中國發展嘅絆腳石！而家講下民主自由、文化獨立，唔會死人架，如果講下都出事，咁嘅社會環境，你都唔使旨意粵語生存發展到啦！

 

 

如果從大漢民族主義出發，粵語真係中國發展嘅絆腳石！

粵嚟粵掂

原帖由 Jake_ct 於 2008-1-22 19:00 發表 但亦絕不能喺一個ID未講你們認為的所謂「敏感」的說話前，或根本說一些「不敏感」的說話的前亂咁封殺，呢個係絕對野蠻嘅！如果你咁Q樣，你同共 產 黨 有乜尻分別啫？個logic係，你假設得某君係一個「敏感嘅人」，咁你同樣可以假設所有其他網友係啫，咁咪變咗隨Q你噏囉！

 

封殺咗一個，絕對冇理由一見到第二個相似嘅ID就給予封殺，因為這是違反文明世界的邏輯的：你根據別人的網名作「有罪推定」（這個「罪」還是違反民主自由準則的！），人家都未講嘢，或者講其他嘢，就已經喺道亂咁封殺！簡直係愚蠢、瘋狂嘅法西斯行為！

 

 

我替粵嚟粵掂II多謝妳！！！

malonso

支持Jack，啊唔知幾多世也都唔該自我審查下，唔系叫你唔發你想發嘅嘢，而系用啲trick。

Lucciora

衹能搵個中間嘅平衡點

광동민국

唔知會唔會:

 

" 抗議接受，一切照舊」

 

Yuok

　　論壇人數日漸增多，一人有一人嘅thinking，難免思想、觀念產生各樣衝擊。講句中庸啲嘅說話，大家都有壓力，有時對定錯、啱定唔啱，喺社會道德公義或politics面前變得好模糊，一人多各種意見情緒都會爆發，難以回復起初嘅純潔性，呢個係網上論壇發展到一定規模嘅通病。本嚟粵協論壇初衷係定位於文化同學術層面上嘅話題，而唔牽涉到politics或其它敏感、人身攻擊或具爭議性嘅話題，之去到而家呢個「百花齊放」嘅階段，亦難逃此命運。而邊個敢按某啲意識形態所願豪言壯語「敢教日月換新天」，唯恐做到全國一哥，雖心有所依但受各方掣肘亦唔敢寫包單，呢個先係最大嘅矛盾。

　　好唔好搵個時間大家出嚟聚聚，三口六面傾傾，喺網上交流始終容易產生磨擦。怕就怕有人擔心畀人報竄落閘放狗拉人，唔肯出現咋。在此廣發英雄帖，誠邀各派代表跟帖報名參與。聚一次傾唔掂再聚，聚到有common sense先至功德圓滿。

Kathy

以下係我個人的少少回應...

 

 

原帖由 Jake_ct 於 2008-1-22 19:00 發表 强烈抗议粤协！！！  

1.毫无理由、恶性封杀网友发言。

 

第一，且不谈封杀言论自由问题<--如果粵協專制無言論自由，你哋呢啲受貼一早就刪咗啦...

就封杀手段而言，就已经足够卑劣，违反文明准则。

 

这是因为，如果你不是为了私怨，而是为了所谓「粤协安全」（不被封杀）问题禁止某些言论，按照文明嘅逻辑，你只可以「猫捉老鼠」——即係当嗰个ID發布「敏感」（你代共 產 黨憂慮的所謂「敏感」）文字嘅時候，你屏蔽才「說得過」。超過某個次數（這個你要公開交待，究竟是多少次，和次數有冇一個定數），你再封殺ID。

 

封殺咗一個，絕對冇理由一見到第二個相似嘅ID就給予封殺，因為這是違反文明世界的邏輯的：你根據別人的網名作「有罪推定」（這個「罪」還是違反民主自由準則的！），<--驟眼看似有道理, 但諗真就覺可笑, 犯了罪的通緝犯原先叫陳小明, 改了個名叫陳大明 , 李大文, 張大千, 他就可以堂而皇之噉行出黎講"我無罪!我未犯罪!"???????????????人家都未講嘢，或者講其他嘢，就已經喺道亂咁封殺！簡直係愚蠢、瘋狂嘅法西斯行為！

 

我再解釋，如果粵協認為自己封殺有「道理」，可以適當作出管理，但亦絕不能喺一個ID未講你們認為的所謂「敏感」的說話前，或根本說一些「不敏感」的說話的前亂咁封殺，呢個係絕對野蠻嘅！如果你咁Q樣，你同共 產 黨 有乜尻分別啫？個logic係，你假設得某君係一個「敏感嘅人」，咁你同樣可以假設所有其他網友係啫，咁咪變咗隨Q你噏囉！

 

第二，你地口口聲聲話為粵協生存發展著想，唔想被封殺，你地有冇諗過，香港或者其他海外Cantonese見到你地咁個野蠻專制樣，有冇mood重繼續喺道啊？<---我都係香港的cantonese, 我唔覺得粵協野蠻專制, 相反, 我覺得點解某啲會員咁橫蠻固執又不智...如果有一日我冇晒mood 黎粵協, 係因為呢度嘅良好討論粵語同埋粵文化嘅氣氛俾人破壞...

 

如果共君有朝一日話：不行，你們廣東人發展自己的文化就是分裂祖國。咁你地可以收工、摺埋，返屋企瞓覺啦！

 

醒下啦，人地北方人四五年前已經辦純粹嘅民主網站啦。你唔攪政黨，共君係唔會拉人封艇架。<--講得幾輕鬆, 封嘅係一眾管理員的多年時間金錢心血結晶, 拉嘅係粵協負責人....再者如有研究國情, 希望你地唔好咁無知可笑...你班友，<--諗唔明所指何人...成日喺道扮親漢，發埋曬啲大漢民族主義春秋大夢，<--粵黎粵掂(大粵民族)!!!!!笑人地北方人係外族。唔好傻啦！漢族從來就係一個有政權就有正統嘅民族，你地粵人唔向西方價值觀靠攏，唔講民主自由，憑咩立足啊？唔好講發展咁長遠嘞！如果從大漢民族主義出發，粵語真係中國發展嘅絆腳石！而家講下民主自由、文化獨立，唔會死人架，如果講下都出事，咁嘅社會環境，你都唔使旨意粵語生存發展到啦！

 

 

2.唔該粵協唔好咁自私，攪小動作，令好多資料無法下載啦，變返可以下載嘅，唔該。<--好典型的只求收穫利益, 不會付出型...

你文化上有軟實力，自然聚腳！

唔好咁大鄉里，多謝！...

 

近來的紛爭真的場很煩厭...智者寡言...我要學下管理層了

 

광동민국

原帖由 Yuok 於 2008-1-23 10:50 發表 　　論壇人數日漸增多，一人有一人嘅thinking，難免思想、觀念產生各樣衝擊。講句中庸啲嘅說話，大家都有壓力，有時對定錯、啱定唔啱，喺社會道德公義或politics面前變得好模糊，一人多各種意見情緒都會爆發，難以回復起初嘅純潔性 ...

 

辛苦哂喇! 版主!

dada

Kathy 講得好啱。

我就係海外廣東人。我完全唔覺得粵協野蠻專制。如果有一日我唔再上嚟﹐係因為唔見咗論壇嘅學術氣氛。

粵嚟粵掂

喺度先講下我對海外粵族人嘅一啲睇法，呢裡頭嘅觀點可能會對某啲粵胞粵僑有所得罪，海涵！

 

講真，其實海外嘅粵族人絕大部分都冇意識到自己真正嘅族屬，佢哋最多係關注到自己嘅先祖係嚟自邊度：嚟自廣東，佢就認為佢係廣東人，嚟自福建，佢就認為佢係福建人；而家廣東同福建歸屬緊邊個國家吖？中國！哦！噉佢哋就自然而然噉引申話自己係「中國」人！「中國」又叫做咩吖？哦！「華夏」！噉佢哋又去引申成「華夏」人，「華人」囉！

 

由於佢哋長年孤身在外，人單力薄，難免受異域人欺凌，再加上年歲漸長，思鄉日重，所以佢哋對「唐山」嘅感情與日俱增，呢啲點點滴滴都會使到佢哋嘅故土情結越嚟越強，並且喺海外狹窄嘅族群圈裡頭發酵漫延，代代相傳不絕！呢種故土情結，首先係臺山，順德，潮陽，梅縣嘅範疇；跟著就係四邑，廣府，潮州，客家嘅範疇，再上延啲就去到廣東嘅範疇，最後先係「中國」嘅範疇。喺呢個過程裡頭，佢哋嘅意識祇有地域嘅概念，而冇民族嘅概念，呢個就係咁多海外粵族人有臺山人，廣東人，乃至到「中國」人，「華人」，「華僑」，「華裔」認同嘅根本原因。

 

喺一個完全陌生，同故土完全隔絕嘅環境裡頭，佢哋一唔係就畀人同化（例如最早期移民菲律賓，泰國嘅廣東人，福建人），一唔係就唯有聚族而居，喺強大嘅外力脅迫底下，喺呢啲未被同化嘅海外粵族人裡頭，佢哋嘅廣東情結，「中國」情結，「華人」情結只會越嚟越大，呢樣嘢係好自然會發生嘅，呢個亦都係點解仲有咁多海外粵族人比起「中國」嘅粵族人仲要愛「中國」，仲要愛惜「中華傳統」嘅原因。

 

同樣嘅道理可以反推，點解喺「中國」嘅粵族人裡頭，經已有咁多人對「中國」，對「漢族」，對「華夏」開始持懷疑嘅態度呢？咪同樣係因為一個強大嘅外力脅迫囉！我哋粵右可以理解海外粵族人嘅「愛國」情懷！之但係，妳哋可唔可以理解下我哋呢啲喺「中國」嘅粵右呢種唔「愛國」嘅情懷呢？

 

當然，喺海外嘅粵族人裡頭亦都有右嘅元素，而且，呢啲海外嘅粵右經已為粵協增色不少！但係，呢度有啲「局促」嘅氣氛，同樣令唔少海外粵右嘅聲音只係雁過留聲而矣。

 

 

[ 本帖最後由 粵嚟粵掂IV 於 2008-1-23 21:41 編輯 ]

粵嚟粵掂

至於香港算唔算海外？九七之前或者仲算嘅，喺2008年嘅今日，香港真係越嚟越撈囉，某啲香港粵人嘅觀點立場甚至比「中國」嘅粵族人仲要左，仲要強調「和諧愛國」！

 

 

粵嚟粵掂

余OK！

 

粵協立志要做全球粵人嘅門戶，我支持！而且我一直以嚟都係好撐場嘅。妳哋嘅處境我理解，喺SapCatDaai嗰陣，我亦都喺回帖度表達過我嘅呢種理解。

 

不過我理解妳哋嘅處境唔等於我認可妳哋嘅某啲過呔做法，諸如封咗我一個又一個嘅ID，對粵右嘅聲音一再打壓，噉樣算咩意思先？

 

我好遺憾我發嘅某啲帖令到妳哋難做，余生發帖話希望縮小粵協裡頭各派嘅歧見，以使到粵協論壇日後可以穩健噉發展落去，我表示認同。

 

我理解妳哋嘅處境，同時亦都關注粵協嘅處境。現時，為免激化某啲不利嘅嘢，我可以唔發任何新帖，齋係參與回帖，同時我可以對某啲敏感嘅字眼作拉丁化處理。但係，本著求同存異嘅原則，我要求確保我有自由嘅發言發帖權！呢樣嘢係我嘅最低要求！

 

同時，我原有嘅粵嚟粵掂；粵嚟粵掂II；粵嚟粵掂III，呢三個ID我要求解封！之前呢三個ID刪咗嘅帖我要求復原，對於涉及敏感內容嘅某啲帖，佢嘅標題乃至部分內容，我可以用拉丁化粵文嘅方式作出必要嘅修訂。

 

我並唔想粵協衰，我喺度經已作出咗承諾，並且打算認真兌現，假如妳哋真係有噉嘅誠意，應該做番啲善意嘅回應畀我。

 

 

 

Ultra

國內互聯網政策隨著社會發展不斷修正，協會論壇衹不過係按相關要求調整言論尺度啫，唔同嘅時期我哋會靈活做相應嘅處理。一切都係爲咗協會論壇可以持續穩定噉長期發展，大家無需大驚小怪，亦無需爭論太多。

外外星人

原帖由 卢总 於 2008-1-22 20:39 發表 柳寻风呃发帖数呀？好！我又呃！我又呃！呃完跟住去街街！Ｂｙｅ！

 

我又呃

柳寻风

原帖由 卢总 於 2008-1-22 20:39 發表 柳寻风呃发帖数呀？好！我又呃！我又呃！呃完跟住去街街！Ｂｙｅ！

我边有呃呀，我系左右做人难，唔讲好过讲啫，呃呃声，好难听！