「便」與「面」

芬1012

喺張枱 上便      喺張枱嘅上方，係冇 cung 到張枱嘅，或者係一個空間。

 

喺張枱 上面      喺張枱嘅枱面度。

卢总

即系好似英文嘅「ａｂｏｖｅ」同「ｏｎ」嘅分别噉样。

中二仔

乜有呢個分別咖???

highyun

如果above張檯，我會講「上高」，畢竟「上便」未必好分係above定on。

南汉

上 后 接 面 較 合適。

不過其他情況下多用便。

芬1012

原帖由 卢总 於 2008-1-6 15:14 發表 即系好似英文嘅「ａｂｏｖｅ」同「ｏｎ」嘅分别噉样。

 

冇錯嘞，用我哋自己嘅粵語學英文，有好處。

 

想  want

諗  think

 

壞  broken

衰  bad

 

著  turn on

熄  turn off

 

開  open

閂  close

 

進  forward

退  back

 

出  out

入  in

 

（某種語言居然連「進」、「入」都分唔清楚，真係搞笑）

...

highyun

原帖由 芬1012 於 2008-1-6 18:15 發表   冇錯嘞，用我哋自己嘅粵語學英文，有好處。   想  want 諗  think   壞  broken 衰  bad   著  turn on 熄  turn off   開  open 閂  close ...

 

芬記喺外語角開返個粵語學英文專欄啦。

芬1012

喺呢度英文叻過我嘅人好多，大家都可以試下咖。

 

我提出呢個話題，只係拋磚引玉，係想提醒各位（同埋你哋啲親朋戚友），用自己嘅母語學英文，會事半功倍嘅。如果通過第三方語言（譬如 Mandarin）嚟學，就要先將第三方語言喺個腦度轉一圈，仍后至得出嗰句英文。

 

而且，粵語已經有幾千年歷史（同英語一樣，甚至更耐），自然比只有一百幾十年嘅 Mandarin 嚴謹，詞匯更加豐富。

嶺南散人

应该系「上边」，唔系「上便」。

卢总

边个话唔系「上便」？「下便」都得！

广州话里边重有「左便」、「右便」、「呢便」、「嗰便」、「里便」、「外便」、「前便」、「后便」、「东便」、「西便」、「南便」、「北便」……

每日必屙嘅，叫做「大小二便」；想做某啲事，或者想借钱嘅时候，就要问人：「你方唔方便？」

嶺南散人

原帖由 卢总 於 2008-1-7 16:16 發表 边个话唔系「上便」？「下便」都得！广州话里边重有「左便」、「右便」、「呢便」、「嗰便」、「里便」、「外便」、「前便」、「后便」、「东便」、「西便」、「南便」、「北便」…… 每日必屙嘅，叫做「大小二便」；想做某 ...

梗係「邊」啦。

 

便[bin6]，有五种解釋：1.方便，順利。2.簡單的，禮節上非正式的；3.便利的時候；4.就；5.排泄屎尿或排泄出來的屎尿。（見饒秉才編《廣州音字典》第63頁）

 

邊[bin1]，也有五种解釋，第5种是：表示地位、方向，用在「上」、「下」、「前」、「后」、「左」、「右」等字后。（見饒秉才編《廣州音字典》第129頁）

 

綜上所述，是「上邊」並非「上便」。

卢总

唔好一本通书读到老得唔得？

字典有嘅嘢，未必啱晒；字典冇嘅嘢，又未必错！

《广州话词典》第７３页够有话「便」系「边儿（旁边）」噉解咯！

 

你四邑嗰边唔讲「便」，唔代表我哋广州都唔讲；我哋广州「边」「便」都讲！

 

人总有自己嘅语言模式，学术研究嘅主要功能系记录、归纳呢啲模式。

人唔系按住字典嘅解释去生活嘅！

紫凤凰

便：

 

http://www.zdic.net/zd/zi/ZdicE4ZdicBEZdicBF.htm

 

邊：

 

http://www.zdic.net/zd/zi/ZdicE8ZdicBEZdicB9.htm

 

 

[ 本帖最後由 紫凤凰 於 2008-1-7 19:16 編輯 ]

嶺南散人

原帖由 卢总 於 2008-1-7 18:08 發表 唔好一本通书读到老得唔得？

字典有嘅嘢，未必啱晒；字典冇嘅嘢，又未必错！

《广州话词典》第７３页够有话「便」系「边儿（旁边）」噉解咯！

 

你四邑嗰边唔讲「便」，唔代表我哋广州都唔讲；我哋广州「边」「便」都讲！

 

人总有自己嘅语言模式，学术研究嘅主要功能系记录、归纳呢啲模式。

人唔系按住字典嘅解释去生活嘅！

 

在四邑話中，亦有「[bin3]」與「[bin5]」的區分，但我的觀點是兩者的正字皆為「邊[bin3]」，[bin5]只不過是口語中的變音。

 

學術研究不能單純地「记录、归纳」，亦需要憑藉所現有的知識對生活中紛繁複雜的現象進行正本清源，否則怎麽會有「粵語正字正音」這種提法呢？

[ 本帖最後由 嶺南之南 於 2008-1-8 17:28 編輯 ]

卢总

我有话到只系单纯记录、归纳咩？

你识唔识理解乜嘢叫做「主要功能」啊？

中二仔

"便"就實係借字,不過本字係咩就難講嘞.....

其實面同邊都講得通,不過面比較好.

因為由雙唇音b同m互易比較通,由陰平轉陽去就少少牽強

 

不過可以解釋係"面"字受邊字影響而音變

夢星羽

「便」是「邊面」的合音，無本字，但有新字，即面字下加走之底（辶面），可惜這裡不支持Unicode，顯示不出來。
其所指距離界於「面」與「邊」之間，即比「面」遠，而比「邊」近，距離范圍類似日語的「そ」。

Kathy

太好啦~~夢星羽返黎啦!!!!!!!!!!!!!!!!!!!!!!!!

中二仔

咁咪卽係面受邊影響變嘅囉

芬1012

繼續...

 

味         taste      用脷

ceoi4    smell     用鼻

[ 本帖最後由 芬1012 於 2008-1-17 02:18 編輯 ]