港人不識「廣州話」

UngooChan

上個禮拜過香港，同個師奶提到「廣州話」呢個詞，個師奶即時問：「廣州話係咪即係國語（佢當然係指官話）」？

我即時暈低，跟住同佢解釋：「即係廣東話」，佢先明。

 

係咪真係有好多香港人唔知「廣州話」為何物？

neogeo

[友情公告, 請廣為傳達]唔好再叫Mandarin做『國語』

'國語'系台灣佬以前嘅叫法, 好多CP元老都唔承認咖! 台灣早已立法, 所有方言平等, '國語'唔一定系Mandarin!

將滿清製造嘅語言稱為國語系全體漢人嘅恥辱.

neogeo

[轉]21世紀今日，依然宣揚中國存在所謂『國語』，屬於嚴重誤區

 

 1. 『國語』是舊中國——中華民國在二十世紀上半葉對一種人造漢語的稱呼。新中國——中華人民共和國之政·黨·軍從來不承認所謂『國語』，爾後重新規定讀音，炮製了一種新的人造漢語——『普通話』，作為各地無法以各自語言溝通時的普通臨時語言工具。 

2. 所謂『國語』本應隨著舊中國被取代而消亡，不過苟存於割據小島一隅，到2007年，該小島宣佈廢除『國語』一詞，改行包括各種語言在內的『國家語言』，從此『國語』一詞在中國兩岸乃至世界各地不復存在，同『大清』『皇上』等詞一樣成為歷史名詞。 

3. 到21世紀今日，依然宣揚中國存在所謂『國語』，或者無意識慣性傳播著『大請』『皇上』『國語』這些錯誤詞語的人，可能屬於：（A）不服新朝的前朝遺老遺少 （B）不知前朝不復存在的遺老遺少 （C）被遺老遺少玩弄於鼓掌中的無知人士 

4. 若新朝要重新復活『國語』一詞，其定義將會變成同『國家語言』一致，或者同『漢語』『中文』一致，而非同單獨的manchurian mandarin Poo通話一致。

轉自:
http://post.baidu.com/f?kz=298613656

 

余OK

　　講眞，雖然廣州話係粵語嘅標準音，但係若果籠統噉將珠三角四鄉各處民眾（佛山、南海、番禺部分地區除外）嘅口音都講成係廣州話，當地人好多都唔受，喺順德尤其抵觸。喺大陸往往就以廣州話統括粵語，而香港人受「廣東話」多過「廣州話」有佢哋嘅理由，因為其他次方言粵語區都類同（儘管「廣東話」嘅講法學術上唔嚴謹）。 [ 本帖最後由 余OK 於 2007-12-25 12:08 編輯 ]

顺德水蛇粥

原帖由 余OK 於 2007-12-25 11:57 發表 　　講眞，雖然廣州話係粵語嘅標準音，但係若果籠統噉將珠三角四鄉各處民眾（佛山、南海、番禺部分地區除外）嘅口音都講成係廣州話，當地人好多都唔受，喺順德尤其抵觸。但以廣州話為母語嘅人往往就鍾意以廣州話統括粵語，香港人受 ...

啱先同几个顺德乡里倾过，佢哋都话，30岁以下嘅顺德人，几乎都唔识讲纯正顺德话，都系向广州话「进化」。

余OK

原帖由 顺德水蛇粥 於 2007-12-25 12:06 發表 啱先同几个顺德乡里倾过，佢哋都话，30岁以下嘅顺德人，几乎都唔识讲纯正顺德话，都系向广州话「进化」。

　　冇調查冇發言權，建議去順德大良等地走一轉，就知咩回事，當然肯定有啲音素轉化咗，你話講得超純正嘅後生當然唔會太多，但未至於失眞，而且同化程度冇其他粵語區咁嚴重。

顺德水蛇粥

原帖由 余OK 於 2007-12-25 12:11 發表 　　冇調查冇發言權，建議去順德大良等地走一轉，就知咩回事，當然肯定有啲音素轉化咗，你話講得超純正嘅後生當然唔會太多，但未至於失眞，而且同化程度冇其他粵語區咁嚴重。 ...

同几个乡里倾过，即系小范围调查过，而且佢哋话多数后生都努力学习广州音，虽然多数人学得半咸淡。

余OK

　　搞笑，乜興呢味嘢，小範圍抽樣調查。四鄉各處廣州音其實都唔使點學，自自然然就識講（特別係出到省城），就如煲冬瓜一樣。

顺德水蛇粥

天大笑话，资讯噉发达嘅年代，睇电视、听电台就得喇，何需趯出去省城学广州话？不过学得好唔好又系另一回事。

vincent10

香港佬剩係認廣東話，唔認廣州話

南汉

我都反对「广州话」这个词，我乡下从来就没有这种说法。

省话、广东话、广府话，比较符合传统。广府=省府

广府话是广东话的标准音。

余OK

　　問粵語區四鄉各處（除已被廣州話同化嘅部分地區外）嘅民眾：你講緊嘅係咩話？佢首選回答係「××話」（××係當地所在市縣甚至細到鄉村）。若果籠統噉畀佢哋揀講嘅係「廣州話」定「廣東話」，佢十之八九答：梗係廣東話啦。而對外佢哋亦多數自稱講嘅係「××話」、「白話」或「廣東話」，尤其是對住撈嘅講，除非喺某啲情況，譬如用廣州音嚟同外鄉人溝通或者教外省人講粵語，噉先會話自己講嘅係廣州話（就算唔係十分標準都好）。呢點對於以廣州話為母語嘅人可能冇咁深體會，所以盧總曾經問過，所有粵語區嘅方音係咪都應該以廣州話統稱，我就覺得非常荒唐。

　　香港係個移民城市，尤其係嚟自廣東各地，開埠之初移民口音各異，正如上述所講，縱使廣州音成為日後嘅主流音，佢哋自稱講嘅係「廣東話」重係有好深厚嘅根基。所以完全冇必要話佢哋數典忘祖唔認自己講嘅係廣州話。而新香港人係冇記憶嘅一代，更加唔prefer以另一個城市嘅話嚟稱呼自己母語，儘管年紀老啲嘅有意識應該係叫「廣府話」先啱（譬如李我）。見到好多廣州人攻擊香港嘅「廣東話」講法，我每次睇到都得啖笑。請嘗試唔好以廣州音正統思想自居嚟代入香港人嘅諗法（譬如假設自己母語係佛山話、南海話、順德話……），就會坦然好多，更深有同感應該與之融洽。

　　而喺學術層面上，「廣東話」一詞係就係好唔嚴謹（同理，以廣州話統括粵語更加唔妥當），但對於普羅大眾嚟講，既然粵語係廣東嘅絕對強勢語言，你話要喺粵語、客家話、潮汕話揀其中一種嚟代表成個廣東，粵語點可以走得甩鷄？對住啲外省人提到自己講嘅係廣東話，有邊個會先入為主聯想到粵語以外嘅其他語言呢？所以喺民間「廣東話」唔存在歧義。兼且連正音正字都可以非常漠視嘅現代社會，叫「廣東話」呢啲小兒科又有乜大礙呢？

　　我鍾意講「廣東話」，一萬個鍾意！

中二仔

原帖由 余OK 於 2007-12-25 11:57 發表 　　講眞，雖然廣州話係粵語嘅標準音，但係若果籠統噉將珠三角四鄉各處民眾（佛山、南海、番禺部分地區除外）嘅口音都講成係廣州話，當地人好多都唔受，喺順德尤其抵觸。喺大陸往往就以廣州話統括粵語，而香港人受「廣東話」多過「 ......（儘管「廣東話」嘅講法學術上唔嚴謹)

學術上唔嚴謹??

咁"英文"係唔係又要改名??

咁"中文"又嚴唔嚴謹??

"廣州話"又如何嚴謹??

顺德水蛇粥

原帖由 余OK 於 2007-12-25 11:57 發表 　　講眞，雖然廣州話係粵語嘅標準音，但係若果籠統噉將珠三角四鄉各處民眾（佛山、南海、番禺部分地區除外）嘅口音都講成係廣州話，當地人好多都唔受，喺順德尤其抵觸。喺大陸往往就以廣州話統括粵語，而香港人受「廣東話」多過「 ...

冇几多顺德人抵触广州话，后生仔女更甚。

冯永生

我近日都向几位顺德大良30岁以下嘅后生仔做过一个小范围嘅调查，发觉佢哋都表示自己喺顺德家乡坚持唔讲「广州音」，要讲番顺德话。 [ 本帖最後由 冯永生 於 2007-12-29 22:22 編輯 ]

南汉

原帖由 余OK 於 2007-12-26 14:13 發表 　　問粵語區四鄉各處（除已被廣州話同化嘅部分地區外）嘅民眾：你講緊嘅係咩話？佢首選回答係「××話」（××係當地所在市縣甚至細到鄉村）。若果籠統噉畀佢哋揀講嘅係「廣州話」定「廣東話」，佢十之八九答：梗係廣東話啦。而對外 ...

西班牙语的标准音是卡斯提利亚语，似乎没有人有异议。

香港人所说的广东话，包括四邑话和东莞话、顺德话。

广府话就特指省府城内话（李我说西关话不是正宗广府话）。

vfshurmher

我細陣都唔識咩係廣州話 我把中啲人為咗講好聽先咁講 我地細細個就開始講廣州話 特別是作遊戲時 可以講 廣州話就係廣東Madarin 我亦奇怪老人家做咩成人講怪音怪詞 我去糾正渠地個講法 但反而畀人話我唔識講  不過大個先明解呢一切現象  可以講 石岐話經己嚴重廣州話化 我反而開始自覺講返舊時個種話 雖然好多人接受唔到 不過khaak huk困難 做做下就慣 [ 本帖最後由 vfshurmher 於 2008-1-2 21:27 編輯 ]

Anl

原帖由 中二仔 於 2007-12-26 14:21 發表 學術上唔嚴謹?? 咁"英文"係唔係又要改名?? 咁"中文"又嚴唔嚴謹?? "廣州話"又如何嚴謹??

英文係English，去到美加，澳洲都係English。

 

你意識入邊嘅「中文」就單純祇有「漢語」及「漢字」。

 

學術上嘅「中文」包含少數民族在內嘅多種語言。此體現在「人民幣」背面，有四種表示「中國人民銀行」嘅少數民族文字。嗰啲都叫做中文，但唔係漢字。

 

祇不過我哋平時生活當中，講起中文，大部分人祇懂得寫「漢字」，祇有極少數人識寫少數民族字。故習慣性理解「中文=漢字+漢語」。

[ 本帖最後由 Anl 於 2008-1-5 01:48 編輯 ]

gboss

　　講真，喺八、九十年代（甚至更早）嘅廣州，反而好少聽到「廣東話」呢樣嘢。我小學同學裡面就有香港人，除咗知佢鍾意叫「老師」做「先生」之外，我見唔到大家有咩區別，當然包括佢講嘅所謂「香港話」。

 

　　就好似canton有人認為係指廣東一樣，cantonese都相應噉被認為係「廣東話」。我先唔評論呢個講法嚴謹與否，但一方面，呢個「廣東話」對廣西粵語區好唔公平；另一方面，呢度所謂嘅「廣州」，據我理解應該係「廣州府」，而且你哋可以問吓屋企啲「老祖宗」，解放前嘅「廣州」同而家嘅「廣州」根本係兩回事，而「廣州」同「廣州市」又係兩回事。

 

　　就攞自己嚟講，我出世嘅地方係位于西關一隅，但解放前（具體係民國10年，即1921年以前）呢度屬于南海縣管轄，所以我籍貫都係寫南海，而唔係廣州。雖然有部分廣州人認為「廣州話」就係「廣州市話」，但可能係佢唔知白云區（江高一帶）、番禺區（大崗以南一帶）、黃埔區（天河東圃至開發區一帶）同市區嘅廣州話有咩區別所致。冇錯好多廣東其他地區嘅人都唔認同「廣州話」（我就聽講一個朋友講過，喺廣東某啲地方，如果你係嗰度嘅本地人，而講廣州音，係好乞人憎嘅事），不過唔好因為噉而否定佢嘅存在。

 

　　香港人唔知「廣州話」係乜衹係部分啫，就好似好多廣州人都唔知西關原屬于南海，噉唔代表所有人都唔知，切忌以偏概全。其實大家可以做吓調查，大部分廣州人嘅籍貫都係「南番順」再唔係就清遠韶關之類，少部分重係外省添，所以如果有南海人話我哋「廣州話」不是，噉就太傷感情喇。

 

　　最後講一句，我實在唔想喺呢個問題上見到廣東人之間鬧不和。

[ 本帖最後由 gboss 於 2008-11-14 13:17 編輯 ]

思覺失調

原帖由 gboss 於 2008-11-14 11:44 發表 　

　　就攞自己嚟講，我出世嘅地方係位于西關一隅，但解放前（具體係民國10年，即1921年以前）呢度屬于南海縣管轄，所以我籍貫都係寫南海，而唔係廣州。雖然有部分廣州人認為「廣州話」就係「廣州市話」，但可能係佢唔知白云區（江高一帶）、番禺區（大崗以南一帶）、黃埔區（天河東圃至開發區一帶）同市區嘅廣州話有咩區別所致。冇錯好多廣東其他地區嘅人都唔認同「廣州話」（我就聽講一個朋友講過，喺廣東某啲地方，如果你係嗰度嘅本地人，而講廣州音，係好乞人憎嘅事），不過唔好因為噉而否定佢嘅存在。

哈哈..我都係喺西關出世.
不過我就唔係好明籍貫嗰個問題喇...
你嘅意思係,阿爺嗰輩嗰度係南海,所以.阿爺寫南海,你都要寫返"南海"咁解啊?

我見到有啲人,好籠統咁寫"廣東"添.~