一个「抵制普通话」嘅呼吁！

卢总 · 發表於 2007-12-6 18:08:10

各位如果有打电话去啲公营机构或者系电信公司之类嘅时候都应该会有噉嘅经验：语音提示你拣广州话就「２」字，但系到咗报话务员工号嘅时候就会变咗唔系广州话，而且啲话务员第一句都唔系广州话……到最后完成通话之后要我哋评价呢次服务质量嗰句又唔系广州话。

所以我呼吁各位以后打亲呢啲电话嘅时候都要投诉呢样嘢，话佢哋唔尊重我哋，要呢啲公司或者机构马上改正，刻不容缓！

只要我哋齐心去做呢件事，普通话喺广东地区就冇得发威，无法横行无忌！

walkman2k · 發表於 2007-12-6 18:15:48

直程要啦~ 農行個電話銀行無粵語, 我都投訴咗.

cengsan · 發表於 2007-12-6 19:41:13

支持！移動就系…

外外星人 · 發表於 2007-12-6 21:29:01

身体力行

卢总 · 發表於 2007-12-10 16:15:34

总之所有服务电话都要投诉！

广州市市长热线１２３４５居然冇广州话，大家打过去数臭佢！

１２３４５按普通市话收费，计费包埋喺「家家乐」套餐里面，大家不妨打多啲去投诉！

熊喵喵 · 發表於 2007-12-17 14:56:44

香港、澳門嘅客戶服務熱線揀選粵語之後就係全程粵語，幾好。

`lazy · 發表於 2007-12-29 01:41:50

我都覚得係..

有時D年紀比較老的老人家人唔識普通話的..

把明鰕人哋喇

還好坐地鐵有講白話

[ 本帖最後由 `lazy 於 2007-12-29 01:43 編輯 ]

顺德水蛇粥 · 發表於 2007-12-29 03:43:47

粤语普语并行，当然，作为广东人，粤语为先。

普通话系实际意义上嘅国语，系我国喺联合国嘅官方语言，唔应该抵制，应该同粤语共存。

有谁共鸣 · 發表於 2007-12-29 16:01:22

唔抵制普通话，但反对强行「推广」普通话。

hengo · 發表於 2007-12-29 18:51:01

普通话不能够抵制的，也不应这样做，我们只是推广粤语就OK了，要在两广地区巩固粤语地位。

卢总 · 發表於 2007-12-30 15:37:16

原帖由 顺德水蛇粥 於 2007-12-29 03:43 AM 發表粤语普语并行，当然，作为广东人，粤语为先。普通话系实际意义上嘅国语，系我国喺联合国嘅官方语言，唔应该抵制，应该同粤语共存。

唔该搞清楚，「普通话」并唔系咩「国语」！

中华人民共和国中央政府从来冇承认过「国语」呢样嘢，更加冇声明过「普通话」就系中华人民共和国嘅「国语」！

卢总 · 發表於 2007-12-30 15:52:10

原帖由 hengo 於 2007-12-29 06:51 PM 發表普通话不能够抵制的，也不应这样做，我们只是推广粤语就OK了，要在两广地区巩固粤语地位。

一早预咗有你呢种人，所以写定等你哋睇：

《其实你不懂卢总·抵制普通话》

http://general-lo.blogcn.com/diary,2223922.shtml

粵嚟粵掂 · 發表於 2007-12-30 20:37:29

原帖由卢总於 2007-12-30 15:37 發表唔该搞清楚，「普通话」并唔系咩「国语」！中华人民共和国中央政府从来冇承认过「国语」呢样嘢，更加冇声明过「普通话」就系中华人民共和国嘅「国语」！ ...

唔該妳睇下呢張帖先噏喇！盧生！

邊個話啲撈而咖「推普」冇法律依據咖？！！

呢條「中华人民共和国国家通用语言文字法」就係喇！

粵嚟粵掂 · 發表於 2007-12-30 20:45:57

啲撈係中國嘅統治族群，佢哋嘅意志同取向就係中國嘅意志同取向！撈話事實上就係中國嘅統治語言！

想喺中國嘅司法體系網裡頭捲法律罅？咪嘥心機喇！

喺中國，我哋粵族人係被統治民族，畀人殖緊民，北邊嘅漢族人係統治民族！中國嘅法律，代表著北邊漢族人嘅利益，就算真係畀妳搵到笨，一旦啲漢人發覺，佢哋就會毫不遲疑噉修改呢條畀妳有機可乘嘅法例，佢哋喺上我哋喺下，佢哋佔有立法嘅制高點，喺中國嘅範疇之內，鬥玩「法律」？我哋粵族人點都唔夠佢哋漢族人玩！

喺中國嘅範疇之內，我哋粵族人點先可以佔據立法嘅制高點呢？做中國嘅統治民族喇！至於有冇噉嘅可能？見仁見智喇，不過我就認為喺往後一段好長嘅時間裡頭，都唔會有呢種可能出現。點解？八個字：漢族唔散，粵族冇機！

而家我哋粵族人最急切要解決嘅，唔係做王，而係諗下點樣先可以唔使畀漢族人食鬼咗我哋，想要日後發圍，家陣就要自保先！點樣先係自保嘅最佳途徑？仲使講咩！梗係着草喇！

錯覺 · 發表於 2008-1-19 20:07:24

正啊.！

發動埋身邊嘅朋友去投訴.

我屋企除咗我冇人識講撈話。

有時我阿媽老豆打呢類型電話聽唔明撈話，成日叫我幫手。

真係好唔想聽到撈話，聽到就煩！

卢总 · 發表於 2008-1-22 00:45:41

总之就积极发动身边嘅所有人啦！

思覺失調 · 發表於 2008-4-5 14:25:48

以後凡係服務行業同我講冬瓜，我都要要求佢：『搵個講廣州話嘅嚟！』

外外星人 · 發表於 2008-4-13 14:10:06

原帖由 思覺失調 於 2008-4-5 14:25 發表以後凡係服務行業同我講冬瓜，我都要要求佢：『搵個講廣州話嘅嚟！』

使乜讲，以前都系噉做啦！

卢总 · 發表於 2008-4-13 23:12:24

凡系唔识、唔讲广州话嘅一律都要投诉！

重要质问佢哋点解个语音系统冇广州话，要求佢哋高层答复！

以上系我一贯嘅做法，总之就系要佢哋疲于奔命，一系改系统，一系炒捞思维！

yokt · 發表於 2008-4-14 01:39:16

我都好支持你。不過講番一句，你喺度發呢帖嘢係咪有啲文不對題呢？呢度係「論壇意見收集箱」收集建設論壇意見嘅版，醒目啲~~~~

		自動登錄	找回密碼
密碼			註冊