「恶俗」字词汇

外外星人

「恶俗」本身就系个十分「恶俗」之词。
重有个「打」字，用得亦十分「恶俗」，如:
打广告、打款、打的...
广告可以卖，但唔可以打；
款可以电汇、信汇或转帐，同样唔可以打；
的士可以扬手截停，可唔可以打呢？可以——如果你只手重硬过钢铁嘅话。

你重觉得乜嘢唔可以打呢？又或者勉强可以打吓呢？

[ 本帖最後由 外外星人 於 2007-11-11 00:20 編輯 ]

卢总

广告犹如自己嘅伙记－－帮你揾钱，因而「打」不得！

款，即金钱也－－喺呢个商业社会，「打」钱即系同自己个荷包过唔去！

至于「的」，除咗本身好鬼硬之外，佢哋嘅大佬－－俗称「的士佬」都好恶！

highyun

加入本版《撥亂反正》專欄嘅投稿行列，批鬥呢啲暴力嘅惡俗詞彙啦。

Lucciora

賣廣告、過數、截的（打的）

外外星人

重有，列印系唔系比打印更文雅、更温柔呢？吓吓讲打，有小小暴力倾向噃？
列印，系一列一列印出嚟噉解。
打印？唔知边个打边个，又唔知系唔系鬼打鬼呢？

外外星人

打字，打吓打吓个键盘，啲字就出咗嚟。
键盘唔怕畀人打，打得多、打得大力过头，就算打烂个键盘，最多就系换番个键盘啰，唔使慌打烂只手指啫！几好，一于打字。

外外星人

「埋单」就系结帐，冇错。重有一个讲法，就系「睇数」，伙计，唔该睇数！
「买单」，而家根本冇得解。八十年代，港、澳、华侨同胞可以喺海外「买单」，广东人喺国内提货。广州人喺国内提货嘅地方就系而家嘅友谊商店，环市路嗰间，当年附近只有花园酒店与之遥遥相对，其它地方均一片黄土飞扬...

:【广东大猫(广东大猫) 提到】: 
:「埋单」变成了「买单」，也是不了解粤语的人曲解的。
:粤语的「埋」，是完结、收拢、靠近的意思。「埋单」就是结帐，把账单了结了，而不是不是「买账单」。无论粤语还是普通话，「买」、「埋」的声调都是完全不同的。

外外星人

重有个「力」字：

如「警力」，而家，报纸兴晒讲「警力」，一个唔觉意，打出嚟嘅系「经理」。三百警员讲成三百「警力」，使我谂起「苦力」呢个词，睇嚟，而家警察做嘢真系比以前辛苦好多，成个「苦力」噉，所以警员就系「警力」嘞！

卢总

各位觉得「打饭」有冇得谂？

外外星人

「要饭」就有得谂！

segaq

大家又覺得「打飛機」呢樣嘢點睇呢？

馬萬千

原帖由 segaq 於 2007-11-16 11:32 發表 大家又覺得「打飛機」呢樣嘢點睇呢？

 

比較 in嘅講法係「捽嘢」

外外星人

有温度、湿度，力度系乜？

粵嚟粵掂

乜越講越咸咖！喺妳哋個咸濕Q群度噏喇唔該！

 

注意下論壇嘅健康形象至得咖！

柳寻风

我听过某人讲"只鞋打腳"

chiu

原帖由 馬萬千 於 2007-11-16 11:51 發表 比較 in嘅講法係「捽嘢」

「捽嘢」恐防者系洗下罢了，  没有渲泄之功了挂

数码菲林

原帖由 卢总 於 2007-11-12 23:01 發表 各位觉得「打饭」有冇得谂？

 

以前響一啲工廠.機關.通常会叫"打飯".

心諗飯可以打嘅咩?!打到变圓定变四方.哈..........

 

初嚟貴地.盧總多多關照.

外外星人

原帖由 数码菲林 於 2007-12-9 14:38 發表   以前響一啲工廠.機關.通常会叫"打飯". 心諗飯可以打嘅咩?!打到变圓定变四方.哈..........   初嚟貴地.盧總多多關照.

 

自己友，使乜咁客气噃！

卢总

原帖由 数码菲林 於 2007-12-9 02:38 PM 發表   以前響一啲工廠.機關.通常会叫"打飯". 心諗飯可以打嘅咩?!打到变圓定变四方.哈..........   初嚟貴地.盧總多多關照.

你帮我手多多派帖嘅话，寡人一定关照你！

http://5yearstar.blogcn.com/5yearstar/m/individualshow?rs=1514

 

外外星人

啱留意到：

 

有个词叫「恶搞」，喺粤语嚟讲，即系好「襟」搞、搞好耐、好难搞噉解。

 

而现时报纸上流行嘅讲法系搅乱人哋啲嘢，比如「恶搞」明星呀，电影呀等等，不一而足。但系，佢哋搞亲啲嘢，都系采取模仿、嫁接等手段，唔算得系创造性嘅工作，大胆讲句，甚至连建设性都冇。

 

而我哋粤语嘅恶搞本意，都系指工夫长过命，或者需要创作、创造嘅工作。

 

相比之下，我哋讲到恶搞，就真系好难搞嘞；而嗰啲搞搞震、冇帮衬嘅「恶搞」，其实并唔恶搞。

[ 本帖最後由 外外星人 於 2008-4-17 09:04 編輯 ]