[原創]G肉佬之日常：Stock Certificate

gboss

　　開頭以為炒股票好過癮，原嚟都係整碟炒牛河喫吓過癮啲。——G肉佬（2007年3月1日）

　　「重有最靚嘅豬腩肉，重有最靚嘅……」

　　一聽到首歌，我就模咗下左邊褲袋，攞部手機出嚟一睇，奇喇，唔係我部機響！四圍望吓，見到雞洪行過，已經攞住部手機喺度講野。都未等我問佢點解夠膽用我嘅專用鈴聲，佢就已經喺度炒媽拆蟹噉大叫，又話咩插水吖噉，佢又語無倫次喎，聽到我一頭霧水！

　　呢個時候蝦佬答口：「條友前嗰排學人炒股，重穩咗個人同佢睇住個市，聽講近排個市好似玩過山車噉，家陣睇佢個樣應該係走得嚤，賴咗嘢啦！」

　　哦，有啲噉嘅樹！都覺得條友呢排電話多到離曬譜咖喇，因為佢檔口離我遠所以唔知佢搞咩，原嚟學人炒股，今鋪真係代表作囉！以前喺電視劇度睇人炒股，以為好過癮，而且又多術語，咩牛市熊市吖、咩補倉清盤吖、咩漲停漲爆吖、咩跳水插水吖噉，聽落好好玩，但如果真係秒秒幾廿萬上落嘅話，心血少啲都唔掂！

　　見到雞洪冇曬心機，蝦佬驚佢睇唔開，叫我過去問吓佢有冇事。我哋市場啲兄弟不嬲都好團結互愛咖嘛，梗係冇問題啦！於是我咪行過去，因為一時唔知講咩好，所以我就話：

　　「都話唔好用我只鈴聲咖啦，依家出事喇！」

　　「……」

　　「咯……咯咯」（雞檔裏面嘅雞叫聲）。

[ 本帖最後由 gboss 於 2008-11-13 17:04 編輯 ]

vudik

好料啊

highyun

好文，不過都幾多多錯字，糾正住一個字先：唔係“喫嚇”“望嚇”，係“喫吓”“望吓”。

羊城惜花人

以下是引用highyun在2007-5-30 18:30:53的發言：
好文，不過都幾多多錯字，糾正住一個字先：唔係“喫嚇”“望嚇”，係“喫吓”“望吓”。

佢呢篇嘢明顯係簡體字直譯作繁體噶啦~

huang

唔錯 呢啲文章值得鼓勵.........

接近生活

monfan

「重有最靚嘅豬腩肉，重有最靚嘅……」

………………………………

「都話唔好用我只鈴聲咖啦，依家出事喇！」

哎呀我畀你呢句激死啊～笑死人

[此帖子已經被作者於2007-6-5 21:07:32編輯過]

even9575

[em01]唔知有乜咁特别。。。。。。。。讲到天上有地下无咁款。。

tea

真系咁掂？？

得闲嗰阵认真睇吓先得。

卢总

以下是引用even9575在2007-6-6 12:44:52的發言：
[em01]唔知有乜咁特别。。。。。。。。讲到天上有地下无咁款。。

咪系！不知所谓！

不过佢都有长处嘅，起码肯写，够胆写。但要讲到话写得好，我睇佢有牌练！

第一，错字连连；第二，经常语句唔通顺；第三，文不文，白不白，例如“吃嘢”－－噢，卖葛！

highyun

盧總都講得啱，主要係有唔少錯字，可能先用簡體字輸入，再用軟件轉繁體。不過態度可以好啲，唔好搞到踩人噉。話晒樓主係一片熱誠用心去寫嘅，內容緊貼時事，而且期期連載，好支持粵語協會，環視粵協論壇，冇幾個人做到日日發表連載文章上嚟。

希望樓主可以繼續發表大作，對於有錯字嘅文章，我哋見到會儘量幫你搵出嚟。

大陆灿

以下是引用gboss在2007-5-24 19:13:25的發言：

　　

　　哦，有啲噉嘅树！

应该係个事字。

 

highyun

以下是引用大陆灿在2007-6-6 20:48:07的發言：

应该係个事字。

 

呢個反而唔係錯字，而家好多人都鍾意講“有啲噉樹”、“咩樹”，應該出自佛山話。

卢总

乜唔系出自南海话咩？

卢总

以下是引用highyun在2007-6-6 20:38:01的發言：

盧總都講得啱，主要係有唔少錯字，可能先用簡體字輸入，再用軟件轉繁體。不過態度可以好啲，唔好搞到踩人噉。話晒樓主係一片熱誠用心去寫嘅，內容緊貼時事，而且期期連載，好支持粵語協會，環視粵協論壇，冇幾個人做到日日發表連載文章上嚟。

希望樓主可以繼續發表大作，對於有錯字嘅文章，我哋見到會儘量幫你搵出嚟。

唔知当初边个态度唔好呢？又边个一路都教而不善呢？

家阵得佢一个写咩？我够周不时写啦！我写得更深入、重搞笑啦！之不过唔系篇篇都摆上嚟，费事到时又话我呢样嗰样－－因为有人怕“敏感”！

有啲人系“白撞雨”，唔赞得。我都希望佢唔系！

如果小小批评都接受唔到嘅话，我睇，唔使恨啰！

聪明人识得将批评转化成自己前进嘅动力，所以你毋须担心——除非佢系庸才！

monfan

以下是引用卢总在2007-6-6 13:55:01的發言：

咪系！不知所谓！

不过佢都有长处嘅，起码肯写，够胆写。但要讲到话写得好，我睇佢有牌练！

第一，错字连连；第二，经常语句唔通顺；第三，文不文，白不白，例如“吃嘢”－－噢，卖葛！

呢啲语气确实相当刺耳，我领教唔少。版主大人，畀返啲面人，处处留一线，日后好相见啊！

最近睇报纸有一句：力贱令人敬，口贱乞人憎。自己谂谂人哋感受好吗？

卢总

有口话人，冇口话自己！你又何曾谂过人哋感受啊？

况且，唔知边啲语气刺耳呢？心胸唔够广阔嘅人，当然就容不得批评啦！

之前已经讲过，咩为之动力，自己参详啦！

gboss

以下是引用highyun在2007-6-6 20:38:01的發言：

盧總都講得啱，主要係有唔少錯字，可能先用簡體字輸入，再用軟件轉繁體。不過態度可以好啲，唔好搞到踩人噉。話晒樓主係一片熱誠用心去寫嘅，內容緊貼時事，而且期期連載，好支持粵語協會，環視粵協論壇，冇幾個人做到日日發表連載文章上嚟。

希望樓主可以繼續發表大作，對於有錯字嘅文章，我哋見到會儘量幫你搵出嚟。

多谢体谅！我用唔惯繁体字，所以要用word嚟转，平时都係用智能abc，所以先有咁多唔咸唔淡嘅广州话，我会改进！

gboss

以下是引用highyun在2007-6-6 23:09:07的發言：

呢個反而唔係錯字，而家好多人都鍾意講“有啲噉樹”、“咩樹”，應該出自佛山話。

英明！

gboss

其他意见唔逐一回复。同卢总之前有啲误会，我已经喺我嘅贴度解释过喇，既然你唔接受我嘅道歉，我都没咩好讲……上次“相干”一词我係专登改成“伤肝”嘅，可能有啲字词唔规范，请见谅！

卢总

我唔知你几时有解释、道歉过噃！因为我并唔系篇篇都睇，但基本上睇完都会有嘢发表。

但系我见亲嗰啲咩“吃嘢”啊、“无系”啊之类嘅字眼就会好唔开胃，我相信好多人都会有同感。

至于道歉与否，有啲嘢自己去理解－－唔想你好嘅都懒鬼得批评你！要道歉就同自己，重有广大读者道歉，检讨下自己点解写完之后唔检查清楚再发表？点解啲语句唔通顺都照出街？点解会有文不文、白不白嘅现象出现……有错唔改，永远都唔会有进步！