以下是引用殺人王在2007-5-17 20:51:26的發言：
我所講嘅"民主"係國家級嘅民主,係社會性嘅.我嘅意思係每一個社會走上民主道路唔係好似"人"嘅民主咁"天生,天賦".
無錯,人權,民主,自由係每個人應有嘅.但係"人權,民主,自由"嘅社會並非與生俱來!
社會生産力發展到一定時候,社會性質都會發生變化!民主,平等喺落後嘅社會制度底下根本就係吹水!就算係而家吹得最揯嘅美國,英國,一百幾廿年前原始積纍嘅時候,你話佢地平等?自由?就算非洲話講民主都係有聯合國撑住畀錢佢地使!好似索馬尼亞呢D國家D人連飯都無得食,搵個人同佢地講民主都係廢嘅.
非洲嘅人對於佢地嘅民主我都有保留(印度嘅都一樣)一人一票選總統根本係無可能,大屠殺,搶劫...通國都係.就算係有投票都係有幾枝槍喺後邊逼你去投,又或者軍閥用錢用食物買選票.
中國歷史咁長遠都未出過真正嘅民主,咁講法大家都係奴才!
妳嘅論調荒謬！
眾所周知，個人係構成一個社會嘅基本元素，假如喺一群民眾裡頭，成班都係順民，成班都係奴才，噉妳可以指望由佢哋構建嘅社會會係一個民主嘅社會咩？佢哋嘅國家會係一個自由嘅國度咩？人係最關鍵嘅元素！只要有足夠多自主自立意識強烈，對民主自決充滿渴求嘅一群人存在，噉構建一個民主嘅社會先至變得有可能。民主社會當然唔係一開始就有，但必定係先有自由嘅人（不論貧富）再有民主嘅社會。擁有深厚民意基礎嘅社會，妳想佢嘅國家唔民主唔自由唔平等都幾難喇！
而咖撈國竭力宣傳嘅所謂“發展權”大過人權嘅立論，係喺度明目張膽噉愚民奴民！撈國現時為咗爭取時間進行妳所謂嘅“原始積纍”，就拋出呢套嘢，到佢有幸成功超英趕美嗰陣，佢就會同廣大奴化嘅撈民講：哪！呢啲就係撈國特色“社會主義”優越性嘅體現喇！噉而咖我哋呢套政治架構唔使改喇！咁“適合撈國國情”！於是乎眾撈民高呼“皇上聖明”，大叫“陛下皇恩浩蕩”！有眾撈奴民嘅遮護，撈國又可以延年益壽，妳到時想要佢有咩變化，睇怕仲難過登天！我而咖感興趣嘅係，假如真係有噉嘅一日，閣下妳會唔會喺嗰班撈奴裡頭，同佢哋一齊大叫“永遠正確一直勝利”嘅撈國撈共萬歲萬萬歲啫？
經濟發展同民主進步經常都唔係協同嘅，就好似宏觀經濟學裡頭嘅價格-價值曲線一樣，兩者有可能協調一致，但係更多嘅卻係互有偏差，互有領先。民主進步可以滯後於經濟發展，但並唔係所有情況都係噉嘅，民主進步一樣可以領先於經濟發展，而咖全世界大把國家窮過撈國，但係政治體制卻開明先進過撈國好多！妳又點樣解釋呢個全球普遍嘅政治現象呢？
而咖撈國嘅迷魂理論就係捉著民主必滯後於經濟呢一點，大做文章，而對民主亦可以領先於經濟呢一可能卻隻字不提，令其民眾只知其一，不知其二，擺明就係喺度愚民！亞殺生上邊“社會生産力發展到一定時候，社會性質都會發生變化！民主，平等喺落後嘅社會制度底下根本就係吹水！”嘅論調好明顯係畀撈洗咗腦！畀撈迷緊！做緊撈嘅輿論奴才！
英美之所以成為帶動全世界進入資本主義工業社會嘅先鋒同翹楚，皆因其進入資本主義世代前嘅社會就擁有深厚嘅民意基礎，民眾力量民眾嘅呼聲足以抗衡本嚟就唔係好強大嘅君權皇權，喜好自由要求自主嘅民眾最終戰勝君皇，使英國成為世界上首個民主政制嘅國家。英國喺當時不過係孤懸喺歐洲大陸之外大西洋裡頭嘅孤島小國，不過得益於先進嘅政治架構，重商主義嘅傳統，大航海時代嘅到嚟同新航路嘅開辟，開明嘅政治環境對科技同學術嘅促進，加上對機會嘅善於把握，使到英國之後成就斐然。至於美國嘅例子就更加唔使講。英美有噉嘅成就，最根本嘅原因係得益於佢哋有一個開明而先進嘅政治架構，有一群自立自主，思維活躍嘅國民。
英美喺發跡之初都係好孱弱嘅國家，以當時向資本主義工業社會轉型嘅經濟根基嚟排位，有世都未輪得到佢，亞洲嘅大明同歐洲嘅西班牙係當時最有希望率先邁入資本主義民主政制體系嘅國家，但係點解佢哋最終都失敗咗吖？冇經濟根基咩？佢哋當時喺全世界所占嘅經濟份額係數一數二，冇人可以與之匹敵，佢哋初番資本主義歷程夭折嘅最根本因由係佢哋嘅民眾根本就未準備好！民眾裡頭根本就冇自主，民權，自由，平等呢啲可以有效催生民主社會民主國家嘅概念，成個社會民本意識淡薄，民權式微，君皇權勢囂烈，民眾極普遍噉存有奴性思維，相信君皇之命授於天，民眾腦裡頭諗都唔敢諗要自己做自己國家嘅主人。民眾嘅普遍麻木致使舊有嘅政治架構得唔到適時嘅革鼎，呢兩個當時亞歐嘅一哥就噉白白將發展嘅先機放走，並日漸沉淪！
經濟嘅富足發達與否，並唔係觸發政治架構革鼎並促成社會進步嘅必然誘因，能夠促成呢種進步變革嘅，係人！假如冇一群自主自立意識強烈，對民主自決充滿渴求嘅民眾存在；冇一個自由平等嘅社會氛圍存在，噉要舊有嘅政治架構倒臺，並創立民主政制嘅新架構，無疑係空中樓閣，就算妳經濟幾發達都冇可能實現。經濟係由人嚟創造，社會係由人嚟構建，政治變革要由人嚟推動，社會進步同樣要由人嚟完成，人係最關鍵嘅元素！
就攞中國嚟講，而咖有唔少人賴滿清滅明係造成中國資本主義歷程中斷嘅最根本原因，但睇真啲，明朝其實並唔係中國資本主義成長最有利嘅朝代，明代社會君權囂烈，民智禁固，遠唔及宋代咁政治開明。宋代尤其係南宋，明顯係一個海洋貿易型嘅經濟體系，活字印刷術嘅發明推廣使到廣大民眾有機會接受更多嘅教育，儒家理學喺呢時不過係啱啱復蘇，佢對民眾自由思維嘅奴化僵化危害仲好微小，最緊要嘅係南宋朝庭偏安江南，大片國土淪喪使其君權君勢備受國民質疑，民勢故此得以提升。遺憾嘅係，宋民地位雖然高於他朝，但佢哋卻依然冇原生噉萌發出自主，民權，平等嘅進步思維，冇形成一個思潮活躍，民主民權嘅社會，民智麻木致使政治架構更新成空。呢種情況喺明朝中末業再度上演，但係呢時嘅政治社會生態比宋代仲差，結果自不然更令人失望。
英美喺邁入資本主義工業社會之初，的確係有過好血腥嘅“原始積纍”，諸如圈地運動，奴隸貿易，亞非殖民，美加西拓等，但係以前唔好唔代表佢而咖唔好，事實上現時美歐所施行嘅民主政制係迄今為止人類歷史上最先進完美嘅政治制度，呢點係不容置疑嘅！而咖撈國又喺度企圖借“原始積纍”嚟大搞迷魂陣，以置換時空嘅乸咋手法嚟貶低現有美歐民主政制嘅公信力同美譽度，撈國同撈民灌輸嘅概念就係以前唔好就代表而咖都唔好，所謂臭甖出臭草，而佢自己就“永遠正確”，“由勝利邁向勝利”。撈共口口聲聲話佢自己繼承咗正宗唯物主義嘅衣缽，不過佢喺對撈民宣傳嗰陣就完全拋棄唯物主義以運動而唔係僵化嘅模式去看待判定一樣事物好壞嘅宗旨。
至於索馬里，佢係軍閥混戰，國家四分五裂啫，並冇出現妳所謂嘅通國屠殺，而且佢每一派軍閥喺佢地自己嘅轄境都有進行基層民選，尤其係北部嘅索馬里蘭，自主自立，雖然暫時未得到國際承認，不過卻係事實上享有獨立，不知幾自由！通國屠殺嘅事只不過以前喺非洲零星出現，妳可以去對比下90年代全球民主化浪潮前嘅非洲，好多國家喺專制制度低下，內戰屠殺多過食生菜喇，有咖下咁太平咩？難聽啲講句，就算係迫選賄選誘選，最起碼佢都係對選民一種重視嘅體現，當政者都叫有求於民眾。全世界嘅民選制度講得露骨啲，參選者又唔係周圍喺度拉籠選民，承諾畀選民好處，只不過非洲嗰啲離譜咗啲，出位少少啫，總好過妳撈國而咖噉，撈皇一道聖旨落嚟，冚撈奴民都要跟著去，撈皇一時神經話要搞北大倉，冚撈奴民即刻死晒去黑龍江，撈皇一時神經又話要“南巡”，冚撈奴民又即刻死晒落嚟大粵，啲撈民就好似冇咗靈魂嘅行尸走肉噉，畀人趕嚟趕去！非洲嗰啲窮鬼假假哋當政者都將佢哋當人看待，賄賂妳去揀佢，賄賂妳去投佢一票！而喺撈國，撈民就係冇靈魂嘅奴才，任人驅趕，畜生不如！
最後講埋冇飯食，而咖撈國及其走狗奴才都好興搵呢樣嘢嚟講事，話咩食唔飽冇資格講民主，講到民主好似係有錢佬嘅專利噉，噉樣其實係對自由民主精神嘅污辱。天賦人權，眾生平等，雖然喺現實社會人有金字塔式嘅地位分佈，不過講到民主選舉，當今世界絕大多數國家都係一人一票選總統，一人一票全民公決嘅，相當公平。冇飯食係源於戰亂飢荒，同民主冇任何關係，相反，由於獨裁而引發嘅決策失當所造成嘅飢荒就比比皆是，由於撈皇嘅獨裁暴政，撈國喺1960-1962間，發生咗人類歷史上空前絕後嘅大飢荒，至少有3000萬人監生餓死！呢個就係妳所謂嘅撈國特色“社會主義”優越性嘅最好體現！
| 
發表於 2007-5-13 05:26:30
發表於 2007-5-13 06:07:38
發表於 2007-5-19 23:07:03
發表於 2007-5-20 01:59:35
ffice" />