香港話最輕、廣州話較輕、佛山話較重、易改嗎

keicat

我係彿山人。經過接觸題目中3個地方嘅純正本土人，發覺音調（/口音?）中香港話最輕、廣州話較輕、佛山話較重，即係聽上嚟純正香港音好輕好柔、廣州音都比較輕柔、但係相比之下佛山音就比較重喇，特別係大聲講嘢嗰陣就更加明顯。請問lee種分別係點樣形成嘎? 自己覺得廣東內講白話准嘅人得hk、廣州同佛山禪城、其他地方嘅一聽就聽得齣。係咪天生就繼承咗嗰種口音?我媽媽係佛山人，爸爸係純正廣州人，自細喺廣州大，25歲倒嚟到佛山、佢嘅口音都無乜點變，唔會話學咗佛山音。

如果經常同廣州香港人一齊，係咪會不自覺地學倒嗰種輕柔嘅口音嘎?不過我覺得應該比較難吧、因爲我講嘅白話我覺得好純正哇、自己聽上去同三色台哋差唔多、但係我媽媽話一聽就聽得出你唔係廣州人。但係我自己覺得好ok嚄、所以叫我學廣州人講嘢我覺得唔學得好似噃~所以成日同佢哋一齊都唔會變化好大吧!?

番禺花都嘅應該唔算係講純正廣州話啩?佢地都係最近幾年先合幷入廣州。

比較混亂嘅問題、希望高手們幫手解答^^

[此帖子已經被余OK於2007-5-14 21:14:02編輯過]

卢总

首先纠正你一个认知嘅问题：根本就冇“香港话”呢样嘢！

desmond

雖然冇香港話，但係香港口音同廣州口音嘅分別重係好明顯嘅，而且用詞唔同。

desmond

因為香港嘅廣州話滲入咗唔同語言（英文、日文、其他方言）嘅元素，已經唔係正宗嘅廣州話。

highyun

　　題目應該改為“粵語香港口音”、“粵語廣州口音”、“粵語佛山口音”。

　　雖然穗、港、佛嘅人基本上都係講純正廣府話，但係佢哋係有唔同嘅地方。我自己都係佛山人，講嘅廣府話亦好標準。但香港人一聽就知道我唔係香港人，因為口音、詞彙有別。其實冇必要刻意去洗清自己嘅口音而去學第個地方嘅口音，正所謂“鄉音不改”、“捨棄鄉音非吾願”。

leon_jeng

QUOTE:

以下是引用卢总在2007-2-22 13:58:10的發言：

首先纠正你一个认知嘅问题：根本就冇“香港话”呢样嘢！

“廣州話”呢種叫法都唔係好啱，準確嘅講就係“香港粵語”（香港廣府話或香港廣東話），廣州係“廣州粵語”（廣州廣府話、廣州嘅廣東話）哈哈。

[此帖子已經被作者於2007-2-22 18:23:23編輯過]

leon_jeng

QUOTE:

以下是引用desmond在2007-2-22 14:35:19的發言：
因為香港嘅廣州話滲入咗唔同語言（英文、日文、其他方言）嘅元素，已經唔係正宗嘅廣州話。

雖然香港人同廣州人都係講廣東話，口音差別唔係幾大，但係香港粵語入邊係有好多詞彙同廣州粵語有所差別嘅。

barryshawn

QUOTE:

以下是引用卢总在2007-2-22 13:58:10的發言：

首先纠正你一个认知嘅问题：根本就冇“香港话”呢样嘢！

唔係就係．．．．．個陣唔知邊個網友話係什麼莞寶片．．．．．．．我係香港長大生活，我知絕對無香港話這東西．．．．只有粵語

barryshawn

QUOTE:

以下是引用desmond在2007-2-22 14:35:19的發言：
因為香港嘅廣州話滲入咗唔同語言（英文、日文、其他方言）嘅元素，已經唔係正宗嘅廣州話。

我識很多廣東人朋友以看ｔｖｂ的粵語劇集來學香港粵語，他們大多有鄉音，但都很以會說港式粵語為榮．所以我覺得港式粵語非常受歡迎．

westerner

唔点觉港式粤语好受欢迎

leon_jeng

QUOTE:

以下是引用barryshawn在2007-2-23 13:12:44的發言：

我識很多廣東人朋友以看ｔｖｂ的粵語劇集來學香港粵語，他們大多有鄉音，但都很以會說港式粵語為榮．所以我覺得港式粵語非常受歡迎．

港式粵語、穗式粵語都唔係粵語（廣東話）嘅咩？彼此之間都唔係一家人嗎？廣州人講嘅廣東話同香港人講嘅差別唔多，只不過香港人係多用外語（尤其係英語）廣東化嘅詞語插入啫嘛。

samwingkit

QUOTE:

以下是引用desmond在2007-2-22 14:35:19的發言：
因為香港嘅廣州話滲入咗唔同語言（英文、日文、其他方言）嘅元素，已經唔係正宗嘅廣州話。

語言唔係一成不變嘅，粵語本來就不斷吸收外來語，唔通咁就表示唔正宗？

barryshawn

QUOTE:

以下是引用leon_jeng在2007-2-24 14:22:31的發言：
港式粵語、穗式粵語都唔係粵語（廣東話）嘅咩？彼此之間都唔係一家人嗎？廣州人講嘅廣東話同香港人講嘅差別唔多，只不過香港人係多用外語（尤其係英語）廣東化嘅詞語插入啫嘛。

差唔多就是係有分別,你得閒睇下南方衛視同tvb就知道有咩分別,外來語的說法太膚淺,如果你跟本未去過廣東同香港,你無可能知道分別.我父母,親戚係廣州土生土長,佢地都話廣州人來香港,一出聲,香港人就知道佢唔係香港人,最簡單既分別廣州人講"上班".我地講"番工",廣州人講"單位",我地講"公司",呢d係外來語影響咩?

Wai

廣州人多數講“返工”，“落班“。

“單位”呢個詞係啲打政府工嘅人講得多。

“公司”係有講喇。

highyun

QUOTE:

以下是引用Wai在2007-2-25 11:11:20的發言：

廣州人多數講“返工”，“落班“。

“單位”呢個詞係啲打政府工嘅人講得多。

“公司”係有講喇。

其實我都好想知道，究竟香港嘅公務員點樣稱呼自己工作嘅地點。肯定唔可以係“公司”架啦，係咪只可以講office？

leon_jeng

QUOTE:

以下是引用barryshawn在2007-2-25 8:44:13的發言：

差唔多就是係有分別,你得閒睇下南方衛視同tvb就知道有咩分別,外來語的說法太膚淺,如果你跟本未去過廣東同香港,你無可能知道分別.我父母,親戚係廣州土生土長,佢地都話廣州人來香港,一出聲,香港人就知道佢唔係香港人,最簡單既分別廣州人講"上班".我地講"番工",廣州人講"單位",我地講"公司",呢d係外來語影響咩?

廣州我去過好幾次啦，香港廣東話係聽自香港電影片。雖然廣州人講嘅廣東話同香港人講嘅有小小唔同，但彼此之間都能夠溝通，冇乜大阻礙嘅。一般嚟講香港廣東話同廣州廣東話差別唔大，冇四邑廣東話跟廣州嘅差別大。

[此帖子已經被作者於2007-2-25 11:56:38編輯過]

書生

QUOTE:

以下是引用highyun在2007-2-25 11:34:35的發言：

其實我都好想知道，究竟香港嘅公務員點樣稱呼自己工作嘅地點。肯定唔可以係“公司”架啦，係咪只可以講office？

其實都幾隨便o既，有講office， 有講寫字樓，都有講公司部門架，口語習慣祗。

[em44]

另外，大圈仔有聽過好多次，但桂枝仔比較少聽。

[此帖子已經被作者於2007-3-2 2:34:53編輯過]

yyty

QUOTE:

以下是引用highyun在2007-2-22 14:41:22的發言：

　　題目應該改為“粵語香港口音”、“粵語廣州口音”、“粵語佛山口音”。

　　雖然穗、港、佛嘅人基本上都係講純正廣府話，但係佢哋係有唔同嘅地方。我自己都係佛山人，講嘅廣府話亦好標準。但香港人一聽就知道我唔係香港人，因為口音、詞彙有別。其實冇必要刻意去洗清自己嘅口音而去學第個地方嘅口音，正所謂“鄉音不改”、“捨棄鄉音非吾願”。

香港在开阜前有它的语言，但现在很难听到了。港人大都是来自五湖四海华洋共处。但都能保存粤语正统，当然也必有少许的变化，就与我们各地区都有一定的音调不同一样。另外广东的四大名镇是：“广.佛.陈.龙”也应该是粤语的根据地。并不存在那个才是正宗粤语。

dogdogkun

我覺得E家城市嘅年輕一代好多都學咗香港口音，受電視、電影同流行曲影響~

廣州人喺圖盧茲

由於對口音我有一啲體會,因為我自己淨係識講以下幾種外文咋,所以攞呢幾種語言嚟比較,各位唔好怪我拋吓書包:

廣府話,我諗我都唔駛多講啦.

英文,西日耳曼語支,發音以'輕''平'為主.

法文,羅曼語係.發音摒弃詞尾元音,多為最後一個音節重讀.

日文,阿爾泰語系.發音有固定重音,一般同法文有啲似.

由於本人喺法國都有一段時間,久唔久會去比利時.發覺嗰啲華人(大多數都係廣州人為主)口音好唔同,就好似你哋所講嘅'廣州音'同'香港音'嘅分別啦.好似喺安特衛普嗰邊啲人係講'香港音',喺布魯塞爾嗰邊啲人係講'廣州音'.而且唔單止喺安特衛普係咁,好似澳洲,美加同英國啲華人講粵語同'香港音'粵語都係一樣嘅,而喺布魯塞爾啲華人同法國.日本講嘢就好明顯係'廣州音'啦,點解?

好簡單,因為喺安特衛普嗰邊係荷蘭文語區,即係西日耳曼語支,佢哋講嘢同講英文一樣,發音以'輕''平'為主.但係,喺布魯塞爾嗰邊就唔同啦,嗰邊係法文語區.所以啲人講嘢大多保留返'廣州音',因為法文嘅發音特點同'廣州音'有啲近傍,更係冇'廣州音'粵語咁好啦!

講咁多,我係想講口音係由語言決定.而且係長期嘅環境所造成嘎,唔係一日兩日就可以話改就該到嘎!'香港音'係由於長期講英文,受英文嘅發音特點所造成.而'廣州音'就係由一代代傳落嚟,以咬字清晰,陰陽頓挫為特點,祖宗口音!所以,'廣州音'學法文同日文一定比'香港音'有着數(純個人體會)!!

至於你話嘅'佛山音',我諗係'廣州音'同埋'四鄉音'溝埋先有嘅嗟,慢慢矯正就得嘎啦!!

國語,識聽就可以啦.學咗佢再學其他語言,囋學壞師.到時真係九唔搭八啦!!

[此帖子已經被作者於2007-5-3 12:56:24編輯過]