[討論]我哋嘅母語應該叫乜嘢-更新粤语学堂68课观点

monfan

我哋论坛讲嘅讨论嘅话,用咩称谓好啊?请大家踊跃讨论吓!

外国人叫 cantonese,香港人叫 广东话,旧时候叫 广府话,乡下人叫 省(城)话,两广啲人有人叫 白话 ,粤语就好正式嘅叫法,你认同边个呢??请选择~

如果你有其它意见请补充~

你嘅回帖就系支持我哋母语嘅力量~

以下摘录自 粤语学堂 68课:

QUOTE:

　　「粵語」，好多人將之與「廣東話」、「廣府話」以至「廣州話」等同起來。但事實上，各詞有各自指代的意思，而且各不相等同，任何一個都不可以取代對方。
　　廣東話：是一個含糊不清的概念，它主要包括廣東省內的粵語（不包括廣西粵語）、潮汕話、客家話、雷州話。
　　粵語：先解釋「粵」，《史記》中稱越族人爲南越，而在《漢書》中又把南越稱爲南粵。今天廣東省的簡稱「粵」即來源於此。「越」通「粵」，越語意指南越族嘅語言，則包括廣西、廣東等「越（粵）語」。而我們亦是南越先民之後裔，「粵語」是一個正規而且學術性的名詞。
　　廣府話：則需理解何謂「廣府」。任何書籍均無「廣東府」一詞。「廣府」即「廣州府」。以《俗話廣州》記載：公元前111年，漢武帝平定了南越國，在嶺南設立了南海、蒼梧、郁林、合浦、交趾、九眞、日南、珠崖、儋耳九郡。到了三國混戰時期，嶺南屬東吳管轄，將交州分爲交廣兩州，現廣西的合浦以南爲交州，合浦以北爲廣州。廣州由此得名，並管轄南海、蒼梧、郁林、合浦四郡。當時並無「廣東」概念；「廣州」所管轄範圍亦未及至現時整個廣東。所以「廣府」比「廣東」範圍要小；「粵語」就要比「廣府話」範圍要廣了。
　　廣州話：就並不是指「廣州府話」，而是指廣州市區內的廣州話。廣州市民以當地老城區之一「西關」爲代表語言，以其獨特的韻音變調帶領「廣州話」發展。
　　總的來說，我們要清楚幾點：
√「粵語」不等同「廣府話」。
√廣東話概念不應存在。
√有人會說粵語，但可能不會說廣府話。

[此帖子已經被作者於2007-2-9 18:29:02編輯過]

kong2605

雅言

malsony

擔凳仔……

越王勾「錢」

首选当用「粤语」。

monfan

QUOTE:

以下是引用kong2605在2007-2-4 23:26:21的發言：
雅言

呢个系边度出嚟0架?未听过

highyun

其實粵語、廣州話、廣東話、廣府話我都接受，而且最近成日用“廣東話”呢個稱呼，不過出於政治正確，我决定選“粵語”。

kong2605

粤语保存古“雅言”因素最多！ 我国古代有一种民族共同语，先秦到两汉时期称为“雅言”，宋朝以后称为“官话”。今天汉语许多方言，都保存着雅言的一些元素，而保存雅言元素最多的是粤语。

粤语保持雅言音系长达数千年
??
西汉元鼎六年（公元前111年）灭南越国后，设“交趾刺史部”监察各郡。交趾刺史部大部分时间设在广信；东汉撤交趾刺史部设置交州，州治也在广信，广信便成为岭南首府和政治中心。土著居民在学习汉文化和汉字之时，也就学习了雅言。这些土著居民的语言本来千差万别，互相无法通话，又没有文字，因此除了跟汉人交往时使用雅言之外，部落之间交往也不约而同地借助雅言。雅言便成为各土著部落的共同语。同时，古百越语言中一些元素，也就为汉族移民的语言所吸收，从而逐步形成为汉语的一支方言——粤语。在中原和北方长达数千年的战乱动荡岁月，从周朝以来一直作为中原汉语标准音的雅言逐步消失。而岭南地区保持较为稳定的局面，由中原雅言演变而成的粤语则一直保持着原来的音系。

选自http://bbs.shunderen.com/dispbbs.asp?boardID=6&ID=524010&page=5

Wai

冇乜話非要限定一個名詞嚟稱呼。

普通話都有好幾隻叫法喇，“國語”，“國文”，“華語”。

之間相通，冇乜必要咁拘謹。

俗有俗嘅叫法，好似話，喺廣州人屋企，冇乜邊個唔會話自已嘅母語係“廣州話”，“白話”。

正式場合有“粵語”嘅叫法。

唔使定死嘅。

如果要揀，我會跟屋企人嘅叫法：“廣州話”，“白話”。

Lucciora

粵 閩 客 吳 贛 湘 官

以上全部都係,你點分

leon_jeng

QUOTE:

以下是引用Lucciora在2007-2-6 1:27:51的發言：

我要喺度講講

廣東話{粵語,客語,閩語}
粵語{廣州話} 客語{梅州話} 閩語{潮汕話}
粵語八片{廣府片, 莞寶片, 四邑片, 高陽片, 欽廉片, 邕潯片, 勾漏片}
廣府片嘅廣府話{廣州所謂嘅廣州話,廣州所謂嘅白話,香港同澳門所謂嘅廣東話,海外粵人所謂嘅廣府話}

現時暫時係粵語票數最多,但實際上呢個名係包括其他粵語片嘅語系,必須要再細分落去,而且要顧及其他地方嘅語言地位,咪學香港噉一句"廣東話"就強姦晒

其實呢篇嘢我應該一早喺投票之前就貼出嚟,不過我勢估唔到選"廣府話"嘅得我一個囖

粵語稱為“廣東話”最為適合，因為好多人理解“粵”就係“廣東”嘅簡稱。廣東省入邊雖然有三大方言：廣府話（粵語）、潮州話（福佬話嘅分之方言）、客家話。但係使用同人口最多嘅亦都係廣府話，所以廣府話被稱為“廣東話”係最合理。呢種情況就好似所謂嘅“中國話”一樣，人哋講嘅“中國話”即係“漢語”，又唔係只藏語或蒙語、滿語嘅。

leon_jeng

“廣府話”呢種稱謂一般只流行喺東南亞嘅華人社區。不過以而家嘅情形嚟講好多華人都稱“廣府話”為“廣東話”嘅。

還者為濤

白話

余OK

　　若然祇係以廣州話（或省話、省城話）作為粵語統稱，顯然引起四鄉各地（包括廣東廣西嘅粵語區）民眾嘅異議，所以折衷嚟講廣東話（粵語地區喺全廣東處於主導地位，所以噉稱呼其實亦無可厚非）、白話、廣府話、粵語我覺得都冇太大問題。有諗過其他稱呼但要取得大眾共識唔係易事，如廣（或粵）式話。口頭我多數講係「白話」（呢個講法相信係兩廣粵語區最多人講嘅），書面就寫「粵語」、「廣府話」多。

leon_jeng

-記得以前跟我亞爺同亞嫲嗰一輩嘅人似乎都將粵語稱為“廣府話”，而自己嘅就稱為“廣府人”，當時我居住嘅地方有部分以粵語為母語嘅廣西籍人都同樣自稱為“廣府人”稱自己嘅母語亦都係“廣府話“嘅。連一啲潮州人、客家人都稱我哋為“廣府人”嘅：/gung3 hu3 naang1/（潮州話），/gong3 fu3 ngin5/（客家話）。不過到咗我父親同我哋後裔呢一代嚟講，似乎只有“廣東話”同“廣東人”嘅概念，原因係我哋嘅祖籍係喺廣東嘅。而家喺海外可以講“廣府”嘅概念似乎淡薄咗好多。

-“廣府話”呢種稱謂係早期華人向東南亞遷居對粵語嘅稱呼嘅。呢種稱謂都普及於潮州人同客家人嘅社會入邊。

-“廣東話”呢種稱謂比較全球化。

-“白話”呢種稱謂存在於中國兩廣地區嘅鄉下對粵語嘅稱呼，呢種稱謂並唔通行係海外同港澳地區。（我初次上網，睇到有人將粵語稱為“白話”，當時真嘅唔明白究竟乜嘢話係叫做“白話”嘅，後來多次上望先至明白起來原來所謂嘅“白話”係指“粵語”嘅。

-“粵語”呢種稱謂，一般常見於書面語或學術上嘅，口語都好少人使用。

-“廣州話”呢種稱謂多見由廣州人對廣州當地嘅粵語嘅稱呼，海外到好少廣府人（華人）將粵語稱為“廣州話”嘅。

[此帖子已經被作者於2007-2-5 23:02:04編輯過]

leon_jeng

我比較支持“廣東話”嘅稱謂，因為佢比較普及好多人一提到“廣東話”係知道“廣東話”係指“粵語”嘅。

海外講潮州話嘅人亦都冇“潮汕話”嘅概念，“潮汕話”係國內嘅一種新概念，亦好似“廣州話”同“白話”就係粵語嘅新概念噉。

samkong

较倾向于“粤语”。

Lucciora

我要喺度講講

廣東話{粵語,客語,閩語}
粵語{廣州話} 客語{梅州話} 閩語{潮汕話}
粵語八片{廣府片, 莞寶片, 四邑片, 高陽片, 欽廉片, 邕潯片, 勾漏片}
廣府片嘅廣府話{廣州所謂嘅廣州話,廣州所謂嘅白話,香港同澳門所謂嘅廣東話,海外粵人所謂嘅廣府話}

現時暫時係粵語票數最多,但實際上呢個名係包括其他粵語片嘅語系,必須要再細分落去,而且要顧及其他地方嘅語言地位,咪學香港噉一句"廣東話"就強姦晒

其實呢篇嘢我應該一早喺投票之前就貼出嚟,不過我勢估唔到選"廣府話"嘅得我一個囖

[此帖子已經被作者於2007-2-6 2:58:15編輯過]

elliott

应该叫中文

冬至

粤语之"粤"唔等同于"广东"啩

羊城惜花人

“廣東話”範圍太大，“廣州話”範圍太細，“白話”唔夠準確

“廣府話”算係最準確嘅，但而家好少人用，不過我哋做學術研究嘅，係咪應該用啲學術性啲嘅詞語呢？

所以我贊成除“粵語”之外，用“廣府話”