“咋舌”廣東話怎麼說呢﹖

嶺南散人

原帖由 中二仔 於 2008-5-3 15:41 發表 請證明

魏其必内愧,杜门咋舌自杀。――《史记·魏其武安侯列传》。

中二仔

原帖由 嶺南之南 於 2008-5-3 22:21 發表 魏其必内愧,杜门咋舌自杀。――《史记·魏其武安侯列传》。

照咁睇,馬留 左近都唔係粵過lu~~

h0429636

點解粵語唔可以講"咋舌"？

 

卢总

因为广州话通常都会将英文嘅tongue讲成系「脷」！

嶺南散人

原帖由 卢总 於 2008-5-5 18:39 發表 因为广州话通常都会将英文嘅tongue讲成系「脷」！

口語講「脷」，書面語仍然為「舌」。

卢总

我想请问下，你去饭店食饭，有冇见到菜牌上面写住「卤水猪舌」；去饼家买点心，有冇见到有「牛舌酥」？

嶺南散人

原帖由 卢总 於 2008-5-6 00:20 發表 我想请问下，你去饭店食饭，有冇见到菜牌上面写住「卤水猪舌」；去饼家买点心，有冇见到有「牛舌酥」？

市井遷就口語也不足爲奇

卢总

迁咩就口语？

饭店有菜牌，饼家有水牌，通通都写晒出嚟——正一系「书面语」，合晒你合尺！

外外星人

你将我哋嘅母语讲成市井？

嶺南散人

原帖由 卢总 於 2008-5-6 00:36 發表 迁咩就口语？饭店有菜牌，饼家有水牌，通通都写晒出嚟——正一系「书面语」，合晒你合尺！

當然，任何俗語都可以用書面形式寫出來，但是用書面形式寫出來並不等於「书面语」。

嶺南散人

原帖由 外外星人 於 2008-5-6 00:37 發表 你将我哋嘅母语讲成市井？

實事求是，不應因其為母語就為其諱。

 

從「舌」聯係到「蝕」，豈不正是市場生意人的思維，這也恰恰反映了廣東自古以來市場經濟的發達，我講的「市井」，並無輕蔑意思。

外外星人

而家喺度救亡，你噉讲好「泽使」咖！

http://bbs.cantonese.asia/viewthread.php?tid=10060

 

唔该你唔好讲啲咁「论尽」嘅说话出嚟，以免落人口实。

外外星人

重有，你都好「青俏」啫！

http://bbs.cantonese.asia/viewthread.php?tid=10059

 

嘢可以乱食，说话唔可以乱讲。讲错咗，任你点兜都冇用。

卢总

原帖由 嶺南之南 於 2008-5-6 12:43 AM 發表 當然，任何俗語都可以用書面形式寫出來，但是用書面形式寫出來並不等於「书面语」。

如果任何俗语都可以用书面形式写出嚟，噉我哋大家都唔使咁头痕嘞！

即使用书面形式写出嚟唔等于「书面语」——「卤水猪脷」同「牛脷酥」绝对系「书面语」！

h0429636

不如咁講啦, 都得啦, 鴨舌有無食過? 未聽過叫鴨脷.  牛脷, 但少人講牛舌.

 

一個語言若然係強勢, 係不斷進步嘅話, 係會不斷吸收其他語言嘅用語, 正如英文咁, 你話佢係雜種咩? 不過佢多人用呀, 佢有嘅詞彙可以表達到好多死守單一嘅語言表達唔到嘅嘢,  正因為係外向嘅語言, 不斷吸收以成長.  所以我覺得粵語嘅優勢就係對外接觸多, 連帶我哋嘅用詞都會有唔同語言嘅用詞, 反而係好事, 充實咗我哋本地無, 外地先有嘅事物嘅詞彙, 即使表達同一意思嘅詞多過一個, 咁又何妨

 

更何況咋舌喺廣東話有無完全相同意思嘅詞語? 有都未必係全譯, 咁我哋咪'借' 咗來用囉.

 

我完全唔反對日語漢字嘅詞彙. 有時若然成日都堅持以往個一套係最美好最完善嘅, 咁呢個語言係唔會與時並進, 早晚都係會被淘汰.  而正因為廣東話唔係呢個情況, 新詞語不斷湧現, 呢個先係我哋樂於見到嘅現象.  喺現有基礎上再接受新潮流新事物, 新同舊都可同時並存, 互相crossover下, 呢個文化先至有趣.

 

所以無咩好拗, 兩個都好,

同埋廣東人而家都無以前咁迷信, 咁著重意頭, 所以通書變成通勝呢類講意頭而改讀只會越來越少

又正如歇後語點解而家無乜人用? 講野直接同快啦唔該, 秒秒都係錢, 係講就講無法無天, 唔好講和尚擔遮.

卢总

「鸭脷」未听过？听过「鸭脷洲」未？「陈皮鸭脷」你肯定又未听过咖啦？

 

照你某啲逻辑，话「一台车」肯定冇问题——因为我哋要接受所谓「新潮流」、「新事物」。

 

而家你唔用歇后语唔系因为冇乜人用，而系因为你唔识，因为你无知——因为冇人教！

嶺南散人

原帖由 卢总 於 2008-5-6 01:26 發表 如果任何俗语都可以用书面形式写出嚟，噉我哋大家都唔使咁头痕嘞！即使用书面形式写出嚟唔等于「书面语」——「卤水猪脷」同「牛脷酥」绝对系「书面语」！ ...

應該講，「脷」不是正式書面語。

卢总

书面写得出，重要入埋电脑、词典，噉都唔系「书面语」，系乜嘢？

 

按照你嘅逻辑，你唔讲普通话，所以你就唔系中国人——噉得唔得？

h0429636

原帖由 卢总 於 2008-5-6 03:10 發表 「鸭脷」未听过？听过「鸭脷洲」未？「陈皮鸭脷」你肯定又未听过咖啦？   照你某啲逻辑，话「一台车」肯定冇问题——因为我哋要接受所谓「新潮流」、「新事物」。   而家你唔用歇后语唔系因为冇乜人用，而系因为你唔 ...

 

照我邊啲邏輯呢？

我唔覺得一台車無問題喎，因為都無人咁講，同埋一台車噉嘅講法又娘又唔潮，

如果係好嘅，就一定會經過大家嘅使用而使到個字／詞被廣泛使用同埋認同，起碼我喺香港廿幾年都無聽過人叫一台車之類

 

鴨脷我聽過，鴨脷洲都去過，我住港島，唔知嘅機會都幾微，但係陳皮鴨脷就真係未食過喇，鹵水鴨舌就成日食

補充：我無講過唔可以寫鴨脷，我係話鴨脷同鴨舌都可以咁叫咁寫；豬脷牛脷龍脷柳就好多地方都有，脷苔我就成日都刷，鴨脷就無乜咁叫過，鴨舌就成日咁叫，去下ｓｅａｒｃｈ　ｅｎｇｉｎｅ　ｓｅａｒｃｈ下，睇下多數人用邊種，又ｓｅａｒｃｈ下鴨脷，係咪會多數會出鴨脷洲先？

 

我而家唔用歇後語唔係因為我唔識，而係真係無人用，起碼我喺大學喺返工都無人用，同十幾歲嘅仔講野佢哋都唔會用，我哋廿幾歲嘅仔都唔覺有用，

你應該係喺廣州呵？可能你個一輩或者老人家個一輩重成日用啩？幾有生活情趣丫都．

重有，唔用或者唔識歇後語唔係無知，唔用就係唔用，唔識就係唔識，而唔係無知，無知係用來話人哋無了解清楚就下定論同埋自以為是架嘛

 

 

 

 

中二仔

原帖由 嶺南之南 於 2008-5-6 00:43 發表 當然，任何俗語都可以用書面形式寫出來，但是用書面形式寫出來並不等於「书面语」。

你將「書面語」改成「標準漢語」(有引號),或者直接講「普通話」會比較容易接受.