林嬸,花哩花碌

涼薄荷

點解林嬸嘢係『林嬸』哩???

點解大家都係寫花哩花碌,而唔係『花哩花綠』哩???

贏旺生

淋糝 呢度有講

http://bbs.cantonese.asia/thread-26789-1-1.html

據晚清舉人 詹憲慈 嘅 廣州語本字 卷 14
花哩碌 係 華歷錄
但係佢又寫 華彔彔 喎，咁 錄 同 彔 一樣啩﹗

xxkai

本字應該系「淋糝」，「淋糝」嘢系指「油鹽醬醋茶」之類。形容「濕碎」嘢。

「淋」單字其中一個解釋系：澆：如「淋浴」、「日曬雨淋」。

「淋」可以用邌形容將流質嘅調料落匸食物上，如「淋豉油」等。

「糝」單字匸「廣東俗語考」釋飲食篇錄得「葱花曰糝」註：「糝」音審。凡餚饌加以葱花芫荽曰糝『說文』「糝」以米和羹也。一曰粒也。葱花成粒。故曰「糝」芫荽葱。

「糝」嘅粵音系「審2」，可以用邌形容將粉狀嘅調料落匸食物上，如「糝糖」、「糝鹽」、「 淫糝胡椒粉」等。

照噉睇，「淋淋糝糝」嘅嘢就系指廚房裏面嘅「調味料」嘞。

由於「豉油」、「醋」等系「濕」嘅，

而「糖」、「鹽」、「胡椒粉」等系「碎」嘅，

所有又引申作「濕濕碎碎」嘅無謂嘢嘞。

上聯：「淋淋糝糝」

下聯：「濕濕碎碎」

xxkai

回覆 2# 贏旺生


知唔知「華歷錄」怎解？

「花哩花碌」個「碌」會唔會系由英文「look」而邌嘅哩？

贏旺生

回覆  贏旺生


知唔知「華歷錄」怎解？

「花哩花碌」個「碌」會唔會系由英文「look」而邌嘅哩？ ...
xxkai 發表於 2012-11-23 23:42

   查漢典，「彔」係彫咗花嘅木，「華彔彔」即係「花彔彔」應該就係彫哂花嘅木嘅樣貌。「華」係「花」嘅前身。
古籍有「車歷錄」一詞同「車歷彔」 - 見清代段玉裁註說文解字，我哋就講「花歷錄」或「花歷花錄」喇﹗

查「歷」字，漢典嘅康熙字典有講「歷錄，文章之貌。見《詩疏》。」

xxkai

啱啱發現，「淋糝」個「糝」 先至系本字。
  
「廣東俗語考」釋飲食篇錄得「葱花曰糝」註：「糝」音審。凡餚饌加以葱花芫荽曰糝『說文』「糝」以米和羹也。一曰粒也。葱花成粒。故曰「糝」芫荽葱。
  
固然，「糝」可以用邌形容將粉狀嘅調料落匸食物上，如「糝糖」、「糝鹽」、「糝胡椒粉」等。

xxkai

「花唎花彔」嘅意思唔系話尐嘢靚、好睇，而系話尐嘢睇到眼都花嗮噉解，系貶語。