欢迎高手们交流一吓以下顺德语！(附发音)

kong2605

请教以下几个语句嘅正写及典故:

1. 姣施扽笃

2.鬼无升绪

3.白雾乡

4.入鬼运

5.骨松

6.“OUT”乌（指啲鬼怪）

7.“缺”距（广俯话叫“郁佢”）

8.你卤味

9.死绝白

10.蛇西（盐蛇）

11.衰趸（细个嗰阵唔听话，我啊妈经常闹我“正衰趸”）

12.读音为“处雷”(大概係形容主干粗大嘅物体)

13.摄.眼.（当行雷闪电之际，顺德话对‘闪电’嘅叫法）

14.亲寨(指唔好彩遇上不幸之事，相当于平时所讲嘅‘中招’)

15.匪类（指咸湿）

16.马纹 (指某些未被透露的事情)　

17.呢嗱 （指匆匆忙忙）

18.鸠是妈Sa　(指诸如此类)

19.闹Sao (指乌糟邋遢)

20.fei佬佮抵疼 (指精乖兼且令人疼惜)

[此帖子已經被作者於2007-3-28 19:09:50編輯過]

余OK

　　Answer:

　　1. 姣施扽?（此詞不為順德話獨有，重有其他幾種寫法，莫衷一是，建議粵協選擇其中一種作為規範）；
　　2. 聽過，但唔曉正字如何；
　　3. 常見順德人寫作「白木香」，曾見過有網友講出其典故但印象唔深刻，此詞據余了解祇流行於順德大良、容桂一帶，其他地方不知為何物；
　　4. 未聽過，不敢妄測；
　　5. 估計寫作「骨鬆」正確啲，因「鬆」「松」粵語唔同音，此詞似乎祇出於順德容桂民眾之口，其他地區甚少聽到；
　　6.「呦烏」似為擬聲詞，多見寫作如此；
　　7.「撅」，粵協資深網友Dada曾提到，可查閱相關帖子；
　　8. 多寫作「你老味」，市井俗語，廣府地區均有此說法；
　　9. 未聽過，遑論曉其正字；
　　10.「蛇西」似未有所聽聞，「簷蛇」則應為括號內者之正字。

　　以上敘述蓋一時之大腦印象記憶，未經仔細推敲，僅供參考。。。

highyun

1. 姣施扽笃
以前討論過正字，未有標準答案，但係我哋都認同你呢種寫法。“姣施”可能就係“施姣”，即係發姣，而“扽笃”，可能就係扭動臀部。

2.鬼无升绪
聽過，不過唔係好清楚用法。

3.白雾乡
??????? 命輕過

4.入鬼运
??????? 命輕過

5.骨松
??????? 命輕過

6.“OUT”乌（指啲鬼怪）
??????? 記得以前討論過呢個詞。

7.“缺”距（广俯话叫“郁佢”）
??????? 命輕過

8.你卤味
??????? “你老母”－>“你老美”

9.死绝白
??????? 聽過一個番禺嘅同學講“死絕”

10.蛇西（盐蛇）
??????? 命輕過

[此帖子已經被作者於2006-10-11 17:23:07編輯過]

Anl

估計“姣施扽篤”個“篤”，係“??”（尸下加口字），或“??”。此??字《康熙字典》有如下解作：
《玉篇》都谷切。音篤。俗豚字。尾下竅也。按本部??。徒昆切。音豚。俗作??、??，與??、臀通，無篤音。今讀??若篤，亦俗音也。??音篤，亦非。

相比嚟講，我支持用“??”字，有音有義；“??”字較深，且無篤音。

kong2605

新增如下几个提问：

11.衰趸（细个嗰阵唔听话，我啊妈经常闹我「正衰趸」）“香炉趸”“发财趸”中嘅“趸”係　　乜意思？

12.读音为「处雷」(大概係形容主干粗大嘅物体)

Yuok

　　Answers to 5th floor:

　　11. 與「監躉」個「躉」應該同出一脈，至於係乜意思要考究，估計係某一類「躉」喺地面或檯面嘅罐狀物品；
　　12. 呢個詞係順德嘅「特產」，甚至有啲順德人唔知係乜意思，估計係寫作「薯累」，取廣東人稱一個人「木獨」、唔靈活為「薯」嘅講法，又取「碩果累累」中「累」嘅音同語義。

殺人王

姣思撉/扽?/豚 我個人偏向咁寫

先講前部分.我搵到嘅資料中有對"效施"同"姣施"嘅猜測.

1.'效施','姣施'中嘅'施'係指西施.西施係春秋戰國時一位美麗嘅女子,嫁畀吳王夫差,但最終卻敗壞夫差的霸業.''姣''本意是解作'美好、美貌',用來形容西施絕色美貌最好不過,後人也用''西施''形容絕色女子;但廣東人就把'姣'解作'風騷', 西施也因而變成''發姣''嘅人!!

2.另外''效施',就係指效法西施的一舉一動,因西施每一個動作都係令男性神魂顛倒, 更令醜女東施來一招''東施效顰',不過卻令人'反胃'.因此話''效施''都可以,話發姣女子效法西施般擺出各種引誘男性嘅姿態.

不過以上兩字只係猜測,反而另一詞字''姣思''就曾出現於文學中:

明．趙世杰《歷代女子詩集》卷四：怨裡姣思。

所以我偏向''姣思'正是最佳嘅兩字

[此帖子已經被作者於2006-10-21 10:52:34編輯過]

kong2605

再新增：

13.摄.眼.（当行雷闪电之际，顺德话对『闪电』嘅叫法）

14.亲寨(指唔好彩遇上不幸之事，相当于平时所讲嘅『中招』)

13.

14.

[此帖子已經被作者於2006-11-3 22:56:27編輯過]

余OK

　　以上兩個語甚少聽聞。

余OK

　　補充兩個：咿牙呻噔、哽?。

kingharry

由来就唔係好记得啦,但哩度几个多数都係唔係几好意思嘅，而且大多都无实际写法嘅，多数係以前嘅顺德农民顺口说出嘅

1. 姣施扽笃--用国语讲就係一个女人发骚,而且骚得太明显太露骨。

2.鬼无升绪--大概写成“鬼模猩耸”形容怪模怪样，或与大众的打扮不一样，早几年老人们都用来形容染发、留长发.......嘅后生。

3.白雾乡--大概写成“白冒香”形容揾人笨，做无聊嘅嘢，損人不利己嘅人。白白浪费了香。

4.入鬼运--就係“鬼上身”咁上下意思，突然间做哋不合常理嘅事。

5.骨松--唔记得啦。

6.「OUT」乌（指啲鬼怪）--“嗷乌”鬼怪、样子奇丑或样子恐怖嘅人。以前我细个时大人形容乞丐都叫“嗷乌公”

7.「缺」距（广俯话叫「郁佢」）--咪就係“打他”咁解囉。

8.你卤味--仲使问，咪粗口一句囉。

9.死绝白--唔记得啦

10.蛇西（盐蛇）--蛇西好似唔係盐蛇嚄，盐蛇就係壁虎，蛇西好似係用嚟嘮（骂）人嘅。

11.衰趸（细个嗰阵唔听话，我啊妈经常闹我「正衰趸」）--懒人，成日好似石躉咁坐係度，躺係度一动不动.现在仲形容思想固执嘅人。

12.读音为「处雷」(大概係形容主干粗大嘅物体)--形容一个正常人动作不灵活、笨手笨脚嘅意思。

Yuok

　　今日諗起一個詞好似淨係順德人噉講：聲該（早知嘅意思），唔知第一隻字正字點寫。

dada

QUOTE:

以下是引用Yuok在2006-11-20 14:06:22的發言：
　　今日諗起一個詞好似淨係順德人噉講：聲該（早知嘅意思），唔知第一隻字正字點寫。

先該。我諗唔一定淨係順德人噉講。

余OK

　　「正話先」順德有人講得快好似講成「贈先」。

余OK

　　補充：13.摄.眼.（当行雷闪电之际，顺德话对『闪电』嘅叫法）

　　今晚出廣州聚會，六七點鐘落狗屎，從廣州返嚟順德，居然一滴雨都冇落，講畀屋企知，老竇話淨係睇到呢邊「攝嶺」，而阿媽就講「攝令」。原來眞係有噉講法，第一次聽。

Anl

【王亭之專欄】談「正音」http://www.cantonese.asia/anl/oncc/data/lokyang/016.htm

「風舊」與「涉靚」

殺人王

QUOTE:

以下是引用余OK在2006-11-26 22:23:21的發言：

　　補充：13.摄.眼.（当行雷闪电之际，顺德话对『闪电』嘅叫法）

　　今晚出廣州聚會，六七點鐘落狗屎，從廣州返嚟順德，居然一滴雨都冇落，講畀屋企知，老竇話淨係睇到呢邊「攝嶺」，而阿媽就講「攝令」。原來眞係有噉講法，第一次聽。

我讀"閃嶺"

可能地方唔同,音都有D變.呢個講法以前廣州應該都有講,不過而家好少聽到....只有南番順一帶有保留

余OK

　　樓上所舉嗰個應該就係順德特產。

kong2605

16.马纹 (指某些未被透露的事情)

形容某人做事有计划有一套方法，我哋会讲佢做嘢有纹有路。

从纹路之中又联想到斑马，从而搞咗个“马纹”出来！（个人观点）

我哋平时讲嘅“搞边科？”喺顺德嘅老一脱口中会讲成：“搞乜嘢马纹？”

kong2605

匪类：(指咸湿)

不知与冇胆匪类有何关系？

?

[此帖子已經被作者於2006-12-9 20:43:50編輯過]