[求助]“乜東東”嘅“東東”到底係乜嘢？

superjill

今晚睇15/16，裏面有個問題就係問標題嘅問題 話“東東”所指係一隻怪物，而個答案就係對眼生喺耳仔後面嘅怪物 到底係咪真嘅呢？

夢星羽

“西”字在粤語中發音不雅，故避之，而將“東”字疊音作“東東”，代指“東西”。 “西”字音在粵語中與女性之生殖器同音，非粵人不知此“西”字之不雅。 周星馳的《算死草》、《國產零零漆》中就用“西”字給葛民輝【阿歡（何念西）】、羅家英【達聞西】命名，作調侃之戲。 如《國產零零漆》中，盡管羅家英一再要求阿漆叫他做“達聞西”，但阿漆即坚持叫羅家英做“聞西”，爲甚麼？ 因爲“達聞西”是粵語對“達芬奇”的譯音，而“聞西”在粵語中即是罵人的話，一字之差，天壤之別。 然非粵人即不能知此“聞西”之可笑。 《算死草》中有一段對白就專以“西”字作搞笑之用： 陳夢吉：念西，念西…… 阿仁：係“西”吖，师父？ 陳夢吉：一講起個“西”字我就…… 阿仁：好興奮咧？師父。 陳夢吉：冇错。因爲我醒起阿歡都有個“西”…… 阿仁：嚇？！ 陳夢吉：……“西”字嘅玉佩㗎！ 阿仁：哦——

殺人王

"東東"係怪物?會唔會太過"奇哩"嘅?

highyun

“東東”應該係嚟自“東西”，係唔係避諱個“西”就唔知。

MarkXD

我睇書話，喺《山海經》有記載呢隻怪物。 有一隻眼，一隻角，眼生喺耳仔後面。

chiu

东西好似系指五行入边嘅金同木

Lucciora

「達芬奇」係普通話譯音，粵語係譯「達文西」

紫凤凰

個人認為不會是避諱，但具體原因我也不清楚。

中二仔

原帖由 Lucciora 於 2007-11-12 16:16 發表 「達芬奇」係普通話譯音，粵語係譯「達文西」

「達芬奇」係大陸譯音，「達文西」係臺灣譯音

小狼

我聽過有個版本，話「唔知乜東東」其實係「唔知乜東冬」，
因為古代韻書嘅韻部，第一個係「東」，第二個係「冬」，
但係因為語音轉變，「東」、「冬」變咗同音字，
於是啲人講「東／冬韻」就會「唔知乜東冬」。
不過係真係假，我就冇考究過喇。

joe123123

原帖由 夢星羽 於 2006-8-1 21:36 發表 「西」字在粤語中發音不雅，故避之，而將「東」字疊音作「東東」，代指「東西」。 「西」字音在粵語中與女性之生殖器同音，非粵人不知此「西」字之不雅。周星馳的《算死草》、《國產零零漆》中就用「西」字給葛民輝【阿歡（何 ...

 

解釋得唔錯 

紫凤凰

嚴格而言，係「無知勿東冬」，呵呵，這是本字版。

中二仔

"東冬"呢種講法好奇離..

lhk

曾經喺香港選修過粵語正音課，教授所講「東冬」來源同小狼嘅解釋一致，不過佢就話未考究到呢兩個字嘅反切發音以前係點樣唔同法。

小狼

原帖由 中二仔 於 2007-11-13 14:07 發表 「達芬奇」係大陸譯音，「達文西」係臺灣譯音

香港大多數人都係講「達文西」。

紫凤凰

開玩笑地說，叫「撻暈低」，一撻就暈低。

中二仔

原帖由 小狼 於 2007-11-21 04:10 發表 香港大多數人都係講「達文西」。

香港人睼開臺灣書咖嘛.............所以甚至有人以為"着"係香港方言字,"著"係正統規範...........睼臺灣書嘅後果.......

中二仔

原帖由 紫凤凰 於 2007-11-21 15:42 發表 開玩笑地說，叫「撻暈低」，一撻就暈低。

O哂觜.....

卢总

原帖由 chiu 於 2007-11-12 03:20 PM 發表 东西好似系指五行入边嘅金同木

唔使好似，直头就系！不过你就将「金」同「木」掉转咗。

成日笑

神話故事