摩登裡頭有傳統 - 遊旺角陳湘記書局

游人

陳湘記書局，而家嘅人可能未曾聽聞過。我之前亦係未曾聽聞，之但係我開始去研究粵話嘅時候，我就
聽聞倒呢間書局。因乜研究粵話會關陳湘記書局事呢？事關有甚多關於粵話嘅文獻，多由陳湘記書局出
版。好似先排睇過嘅『佛山贊先生』就係陳湘記書局出。唔止『佛山贊先生』呢部三及第古仔由陳湘記
書局出，正字南音系列亦係陳湘記書局出，你話陳湘記書局係唔係同粵話文獻有甚大關係？

好，入正題。今日我出街去旺角行下睇下，突然之間省前幾日上網睇見話旺角重有間陳湘記書局，於是
乎想去見識見識出咗咁多珍貴粵話文獻嘅陳湘記書局乜野模樣。之後我問阿爸陳湘記書局嚮邊處，阿爸
粒聲唔出，一路帶我入去金魚街(皆因此街多數為賣金魚舖頭)，行到一間文具舖就停低咗。我心想，呢間
文具舖就係陳湘記？唔多似噃。之但係我一抬頭望，陳湘記書局大大隻字寫嚮招牌，乜野思疑霎時無哂
。

入到陳湘記書局裡頭，仍然係文具舖噉模樣。再行入啲，只見有甚多雜物擺嚮埋便。當我再行入啲，終於在書架！終於似返個書局。只不過書架隔籬仍然係有雜物擺嚮處，十足單程路，寸步難行。雖則係寸步難行，之但係影響唔我。我一路睇呀睇，睇呀睇。咦喂，因乜事無乜陳湘記書局自己出嘅書？於是乎我繼續睇，終於都畀我搵得一部陳湘記書局自己出嘅書，呢部書亦係粵話文獻，就係『改良嶺南即事』。


有傳統味嘅封面




『改良嶺南即事』嘅一篇「心」

外外星人

I can't see the picture

游人

艾冬撈烤吐泣撈恙P憶隨

而家扌戒相簿上傳應該睇得見

余OK

艾冬撈烤吐泣撈恙P憶隨

而家用相簿上傳應該睇得見
游人 發表於 2010-9-11 12:34

　　「用」→「扌戒」。

游人

　　「用」→「扌戒」。
余OK 發表於 2010-9-11 21:27

改嘵!

「扌戒」字而家無乜人會曉,怕人哋睇唔明

「扌戒」字實情點讀

注: 「扌戒」字重可以解「將」字

余OK

　　「扌戒」讀kaai1，省話人士當中，留意馬鼎盛耐唔中有講，喺四鄉譬如順德依然流行。「將」字句粵人少講，多數係「動詞+過……」，可惜家陣連省城人都唔曉講，講晒「畀」，留意《歲月神偷》病房老坑病人講到呢個句式。

游人

　　「扌戒」讀kaai1，省話人士當中，留意馬鼎盛耐唔中有講，喺四鄉譬如順德依然流行。「將」字句粵人少講 ...
余OK 發表於 2010-9-11 22:51

「畀」呢個好似係「畀+物件+過+人名……」,而家簡化到「畀+物件+人名」

「被」字當正係普話

恭急,品茗呢啲詞無嘵咯


多啲睇粵話文獻就更加明解粵話

老坑叫返做老坑公好似好啲......

外外星人

想知個「扌戒」字點解？查唔到

游人

想知個「扌戒」字點解？查唔到
外外星人 發表於 2010-9-12 00:36

「扌戒」字解「將」或者「用」

好似「扌戒個支筆嚟寫字」,「扌戒啲紙嚟剪圓形」

舊粵話而家甚難去查明

余OK

「扌戒」字解「將」或者「用」

好似「扌戒個支筆嚟寫字」,「扌戒啲紙嚟剪圓形」

舊粵話而家甚難去查明 ...
游人 發表於 2010-9-12 17:11

　　唔係好難，省港佬多數睇鄉下音唔起，冇點琢磨其他埞方嘅說話，實情佢哋keep到好多舊粵聲談。

游人

　　唔係好難，省港佬多數睇鄉下音唔起，冇點琢磨其他埞方嘅說話，實情佢哋keep到好多舊粵聲談。 ...
余OK 發表於 2010-9-12 17:22

「唔曾」呢個詞就係至好例証啦

外外星人

「扌戒」字解「將」或者「用」

好似「扌戒個支筆嚟寫字」,「扌戒啲紙嚟剪圓形」

舊粵話而家甚難去查明 ...
游人 發表於 2010-9-12 17:11

    想睇下字典點解

外外星人

　　唔係好難，省港佬多數睇鄉下音唔起，冇點琢磨其他埞方嘅說話，實情佢哋keep到好多舊粵聲談。 ...
余OK 發表於 2010-9-12 17:22

    老一脫人都有講kaai1咖！我又零舍鍾意聽，故此好記得。睇唔起鄉下音嘅人可能受中猿文化影響，自視皇漢貴冑，...費事講嚹！得罪人嘅話

余OK

　　道理同北方佬睇唔起各地「蠻語」一鳩式！

外外星人

搵到個「扌戒」字嚹！本書係咪噉印嘅呢？
http://bbs.cantonese.asia/thread-27061-1-1.html

游人

搵到個「扌戒」字嚹！本書係咪噉印嘅呢？
外外星人 發表於 2010-9-13 07:17

唔係呀,舊時係有呢個字體



《粵語全書》裡頭亦有呢個字,得閒畀過你睇過

之但係我部『改良嶺南即事』唔曾尋得倒

余OK

改嘵!
「扌戒」字而家無乜人會曉,怕人哋睇唔明
游人 發表於 2010-9-11 21:56

　　你就當寫畀其他粵語區人氏睇囉，事關時至今日佢哋仲係噉講，你寫「嘵」、「唔曾」家陣啲省城、香港人夠唔識啦。唔係事必下下要以現時「廣州話」或「香港話」為凖o架嘛，省城聲談只係粵音代表，講得較為廣泛啲噉解，崇尚自由嘅粵人唔須要制定乜嘢「標準粵語」。

游人

咦?明明係講論遊旺角陳湘記書局嘅帖,因乜情由過嘵去高級書院處?

游人

《粵語全書》

余OK

　　「灣船」嘅進化版「灣車」，今日依然盛行於順德民眾口中，而其餘粵語區則一律講英文譯音「泊車」。