大中原文化 vs 嶺南文化

外外星人

大中原文化係一種剛性文化，嶺南文化係一種柔性文化。

大中原文化之剛，其源頭應追溯到戈壁大漠及黃土高坡，萬里黃沙，鐵騎征戰，討伐鄰邦，大中原景色，就係黃色同血色，大中原文化注重君臣父子，仔女做錯事，怪責嘅係仔女唔聽教，家長制社會自然就係「天下無不是之父母」囉！嶺南文化之柔，在於面嚮海洋，一年四季，都係綠樹成蔭，嶺南景色，係綠色同藍色，從李純恩嘅《該打的是父母》睇出，嶺南文化睇重家教，仔女做錯事，係父母冇教好，正所謂「養不教，父子過」。

大中原文化之剛，刀槍劍戟，為咗「吸眼球」，出言必一針見血，大中原文化，血腥暴力，砌起萬里牆，入便「窩里鬥」；嶺南文化之柔，講飲講食，民以食為天，講親都一箸夹中，嶺南文化，低碳環保，開住南風窗，出海撈世界。

講求大統一嘅大中原文化內向性格，唔抵得嶺南文化嘅外向天性，實行和諧你，佢哋唔明，諧和係雙方自願先得嘅，勉強冇幸福吖嘛。上善若水，以柔制剛，幾千年嘅嶺南文化，冇咁易輸畀大中原文化嘅，睇住嚟啦！


相關連結：
http://bbs.cantonese.asia/thread-25954-1-1.html
http://bbs.cantonese.asia/thread-26315-1-1.html

游人

可惜班南人漸漸北化,無論語言抑或係性格

照《中庸》噉講論「寬柔以教，不報無道，南方之強也，君子居之」不報無道，南人無咗咯

無他

宜家唔知乜风情，以前细个有乜事我父母都先叫我自我检讨，宜家发现呢一套行唔通，有乜事都要先声夺人，父母教子女错岩都好先罗着数。。。。

隔离屋有个细路我睇住距大，距老母都系甘教距。
黎到广州似乎都无甘既传统，教细路唔系宠到坏，就系教恶屎len登