大家说说，本坛人气这么低，增加个简本字模式好不好？

darkmatter

絕對支持用正體字

dert112233

回覆 17# TsuNT(♂)


    ---------簡體\繁體都5系好大問題, 亦都無話"簡體落後"或者"繁體老土",
      文字作為"傳達 境況\狀態\思維\描述 嘅地址" , (在睇得明嘅情況下)簡繁體均可,

電腦軟件功能已經好強, 一對一嘅簡繁體 已經能夠完全電腦轉換,
     本人一樣都未能有效區分"一對多\多對多"嘅情形,

　　你話軟件轉換繁體完美，呢說話係唔啱嘅，我睇見兄台「發和髮」好似都唔識分？

dert112233

你哋睇呢個網站，佢就有簡體同埋繁體雙模式。

http://www.anxz.com/

點解版主話技術上有難度？

dert112233

我諗版主亦都唔係個個都精通網頁技術嘅，作網站肯定有呢個技術。我估唔單噉，而且可以更人性化啲，讓網站通過訪問者嘅IP地址識得呈現畀佢啲唔同嘅默認頁面，如：大陸IP則呈現簡體主頁，如果佢唔鍾意簡體就自己切換到繁體；非大陸IP反之亦然。

高涼那海

其实楼主可以试下搞个粤语学习嘅博客。
因为对于广大岭北人士来说，就是让他们学，如果搞一个论坛的话。
他们中总会有那么一部分整天在那里喊推普。
而这些影响其他爱好粤语的人士。
等他们完成掌握粤语后（能掌握粤语的人都是爱好粤语的人吧）
那也就看得懂我们这个论坛了。
这样可以避免个别不懂粤语又整天在那里喊天喊地的人过来。

UngooChan

其实楼主可以试下搞个粤语学习嘅博客。
因为对于广大岭北人士来说，就是让他们学，如果搞一个论坛的话。
他 ...
高涼那海 發表於 2010-6-12 09:46

粵協嘅網站本身就有好多教程畀人學，其中唔少都係簡化字嘅初級教程，例如呢度http://www.cantonese.asia/category-96.html
係啲人懶得去搵啫。

使君子

楼主唔怕同你讲句老实话，就系因为我地唔想畀咁多岭北人入我地个站搞搞震。都系嗰句，你适应到就继续打趸，适应唔到就过主，我地无闲米唔养闲人。

dert112233

楼主唔怕同你讲句老实话，就系因为我地唔想畀咁多岭北人入我地个站搞搞震。都系嗰句，你适应到就继续打趸， ...
使君子 發表於 2010-6-12 12:00

    「适应唔到就过主」係乜意思？翻譯下先，我唔係閒人，我好有誠意響呢度學習㗎，如有乜話講得唔啱聽嘅，請多多包涵，我唔會講呢件事嘞！

dert112233

我睇百度粵語吧仲無乜人攪攪震喎！你點話人哋一定就會喺呢度攪攪震呢？你對佢哋有偏見啫！不能因為大陸用咗簡體字就睇低所有大陸人啩？其實好多人亦都係被迫適應咗。

肥腯腯

我觉得用正体字最好！

a_qi

簡體字都有優點, 筆劃簡單, 可以一目十行, 如果對於 水貼\快餐內容, 簡體字無疑 優勝好多,

對於, 某D較深 ...
TsuNT(♂) 發表於 2010-6-11 20:37

簡體字筆劃少，閱讀起來就會快啲？
不敢苟同。
我反而覺得，字分工越細，越清楚易讀，讀起來越快。
舉例：
王后后來死了。
王后後來死了。

邊一句清晰啲？

另外，你話：
生活中 用紙筆 書寫(普通文字) ,的確 簡體 優勝, 效率較高

同意。
事實上，我平日寫字都勁多簡體，因為要快！

但係我想問：
文字嘅功能，淨係用來速記？
速記完嘅資料，通常得自己睇得明，如果要俾人睇，係咪應該整理下先呢？

簡體字嘅問題，就係將速記符號隆而重之咁拎畀人睇──其實係失禮死人！

Ultra

技術上係可行嘅，不過轉換過程中可能會有錯誤，我哋會考慮一下。

melop

討論粵語還是用正體中文為好，起碼好多字都不會混淆，容易表達清楚。如果看不懂轉換一下就是了。
最近覺得好驚訝，發覺原來好多中國人已經看不太懂正體。。。唉

外外星人

技術上係可行嘅，不過轉換過程中可能會有錯誤，我哋會考慮一下。
Ultra 發表於 2010-6-13 02:23

    唔係考慮，係做咗喇！ 以為得個講字，點知真係話轉就轉。 大家以前寫嘅正體字、簡化字，會唔會變到亂晒？

Ultra

花咗2個鐘搞0店，正如預期一樣，轉換不完全，不過應該可以慢慢修正，歡迎搵bug。
另外，默認係繁體，轉換成簡體之後，基本冇錯，除咗一啲繁簡體都有嘅字。但因為繁對簡係多對一，再點一次轉換返繁體就會慘不忍睹。建議睇得明繁體嘅網友就唔好手癢亂點，以免影響閱讀效果。

xiss

其实如果要睇简体字，大可去百度粤语吧

dert112233

花咗2個鐘搞0店，正如預期一樣，轉換不完全，不過應該可以慢慢修正，歡迎搵bug。
另外，默認係繁體，轉換成 ...
Ultra 發表於 2010-6-13 05:11

    多谢版主！

maureen

始終覺得正體（繁體）咁好，應得到推廣。支持正體字！

flag

支持！
繁簡轉換就行啦
哈

neo

恢復正統先係正路。