「煮」字所有人都寫錯？

ccrming

正識第一有一集講「煮（煑）」字係多一點嘅，衹係印刷上冇咗一點，我試下有邊种輸入法可以輸出冇一點嘅字，原來本論壇上係強制咗有一點嘅。咁我哋書寫上係唔係應該改正過嚟呢。我亦係網上睇過康熙字典嘅掃描版，「煑」字的确係多一點，而「煮」衹係「煑」嘅異體字，唔係簡體，依個字未被簡化過。

         我個人嘅觀點係，打字可以打火星點，但係寫字就最好正字啦。

寶寶

 

嘩，都冇留意過喎～

 

 

 

 

 

[ 本帖最後由 寶寶 於 2010-1-6 09:24 編輯 ]

外外星人

小狼

其實「者」字都係有一點，
「者字頭」唔同「老字頭」。
「老字頭」就冇一點，「者字頭」係有一點o架！

紫凤凰

約定俗成。

雲淡風輕

都屠闍賭睹堵 音近dou/tou

 

煮著箸赭褚渚 音近zu/ze

 

 

是否古時為兩個不同的字,有點的為ze,無點的為dou之類?所以往後有的"者"聲旁字有的音近ze,有的音近dou?只不過是我們攪混了有點和冇點的分別?

 

 

唔三唔四蠢魚

睇来呢「、」真係教坏人嘅，去咗佢好过啦！
查实「者」个头咧，係完全冇问题嘅，所以你地唔好再去搞个头啦！
嗰「、」嘅所有权係属于「者」个尾嘅！
点解完全冇人知道「者」字个尾係个「白」字嘅呢？
嗰「、」係「白」字上面嗰「ノ」演变成嘅吖嘛！
你地唔好讲你地都以为个「者」字下面係个「日」字啩？
咁睇来，
我都係支持去咗呢一「、」，等「白」同「耂」共用一「ノ」好啲。
点解？
反正你加咗「、」，都一样冇人认得个「白」尾，反而会搞到人地认错个「耂」头。
倒不如去咗，起码班人唔会搞错「耂」头，唔会异想天开有个「者」字头，咁都算识得半个字吖嘛！
你加咗「、」之后，结果害到人地头又搞错，尾又搞错，咁未成个字都搞错啰！
咁未直情係「揾笨」啰？

小狼

原帖由 雲淡風輕 於 2010-1-6 15:26 發表 都屠闍賭睹堵 音近dou/tou   煮著箸赭褚渚 音近zu/ze     是否古時為兩個不同的字,有點的為ze,無點的為dou之類?所以往後有的"者"聲旁字有的音近ze,有的音近dou?只不過是我們攪混了有點和冇點的分別? ...

上古音 D、Z 應為同一來源，古無舌上音嘛，
而當時韻母的分別未必這麼大。
在字源上，有點無點是隸楷問題，篆則無分的。
故相信與兩組讀音無關。

小狼

原帖由 唔三唔四蠢魚 於 2010-1-6 19:32 發表 睇来呢「、」真係教坏人嘅，去咗佢好过啦！查实「者」个头咧，係完全冇问题嘅，所以你地唔好再去搞个头啦！嗰「、」嘅所有权係属于「者」个尾嘅！点解完全冇人知道「者」字个尾係个「白」字嘅呢？嗰「、」係「白」字上面嗰「ノ」演 ...

「沒有調查就沒有發言權」。

請看「老、考」的頭部：





請看「者」的頭部：


「老、考」頭部，確實是像老人貌。

「者」的頭部，《說文》釋「古文旅字」，下部釋「白」(「自」的異體，比「黑白」之「白」瘦，非「黑白」之「白」)。然而文字學者多有異議。考據過各甲骨鐘鼎，「者」下部乃从「口」，或「口」中加一橫作飾筆，不从「白」。

唔三唔四蠢魚

你揾再多嘅甲骨文又点啫？乜而家有人同你讲甲骨文咩？我地而家讲紧汉字。
汉字之所以叫汉字，係因为汉字係喺汉代以后建立起来嘅。
因为汉字经已基本同先秦文字割裂咗，重新建立起自己嘅构字体系，所以同先秦文字都唔算係几黏更之喎。
而家你明白点解一个普通人可以睇得明汉代嘅文字，但就好难睇得明净比汉代文字早几年嘅先秦文字啦！
譬如个「射」字，甲骨文从「弓」从「手」，汉字就从「身」从「寸」，你奈得佢何咩？
「者」同「老」嘅甲骨文唔同头，但汉代之后嘅汉字就係同头，你又奈得佢何啫？
所以，用先秦文字嘅结构来非议汉字嘅结构，就等同用文言文嘅语法来非议白话文嘅语法一样，唔係话你唔啱，但都几九唔搭八下啰！
唔怕同你说呀，查实中国历代嘅字书，「者」字全部都从「耂」或从「白」嘅，唔理你查边一部字书，如果喺「耂」字部揾唔到，咁就一定可以喺「白」字部揾到！
但你喺你认为正确嘅「口」字部就永远揾唔到，同样，你亦永远揾唔到你所谓嘅「者」字部，你又奈得边个何啊？
你唔信可以去调查下㗎！唔调查冇发言权吖嘛！我怕你调查完之后，口哑哑咋！

小狼

唔知係咪我上得嚟少、見識少，
近來先發現一講啲同有啲人唔同睇法嘅嘢，就會遇到相當唔友善嘅對質，而唔係討論。

對其他理解中文能力正常嘅人嚟講，「漢字」只是一個統稱，唔係漢代或以後先可以叫「漢字」。
「甲骨金篆唔係漢字」，呢個講法，你有乜嘢十卜？
如果喺你獨創嘅解釋，sorry喎，我同你唔啱channel，
我講緊嘅係任何一個理解中文能力正常嘅人嘅解法：由甲骨至今楷，都係漢字。

另外，我講嘅係「者」字嘅字構部件，唔係部首。
今楷嘅歸部，有一些字只取其形，唔係字理上有關係。
麻煩你先正確理解他人說話嘅意思，撇開你自己異於正常人嘅獨家解法，再同人溝通。
[ 本帖最後由 小狼 於 2010-1-10 16:32 編輯 ]

外外星人

原帖由 小狼 於 2010-1-10 07:38 發表 唔知係咪我上得嚟少、見識少，近來先發現你講啲同有啲人唔同睇法嘅嘢，就會遇到相當唔友善嘅對質，而唔係討論。對其他理解中文能力正常嘅人嚟講，「漢字」只是一個統稱，唔係漢代或以後先可以叫「漢字」。「甲骨金篆唔係漢字」 ...

老子天下第一！

雲淡風輕

原帖由 小狼 於 2010-1-10 07:38 發表 唔知係咪我上得嚟少、見識少，近來先發現一講啲同有啲人唔同睇法嘅嘢，就會遇到相當唔友善嘅對質，而唔係討論。對其他理解中文能力正常嘅人嚟講，「漢字」只是一個統稱，唔係漢代或以後先可以叫「漢字」。「甲骨金篆唔係漢字」 ...

 

多謝小狼兄之前的解答.而且因小弟一問而引發一些不太歡喜的言詞之爭,小弟深感抱歉!

其實在此論壇大家也都是求道理,釐清漢字漢語中不解之處.所以大家也無為傷和氣!

萬物作非無因,天地成非無道.先不論今人用字之狃,俗世通行之形.漢字成形於初,應非無理.小弟只想深究一下其成因若何!所以從其源,正其本.始其末,以甲骨金篆為辨也不失為法.若漢字後來發展混亂了本來的特徵,這是漢字自己的法則.但也不能莫視之前的道理.小弟也只不過想了解一下而矣!謝謝.

小狼

之前詞鋒帶粗莽之氣，還望雲淡風輕兄海涵。

唔三唔四蠢魚

的确，同见识少嘅一般人的确好难沟通。原来孔子都识得汉字嘅，真係考古大发现。

小狼

原帖由 唔三唔四蠢魚 於 2010-1-12 09:41 發表 的确，同见识少嘅一般人的确好难沟通。原来孔子都识得汉字嘅，真係考古大发现。

既然閣下見識咁多，就請你周圍同正常人啦，同中文、中史嘅教授，講解你呢個「孔子唔識漢字」、「甲金篆書唔係漢字」嘅學說喇喎。

GimHaak

　　小狼兄所言甚是，「者」這個字本來是需要加點的，和老的上部是不同的。在大陸的《現代漢語詞典》裡面的新舊字形對照表，也已明確指出二者寫法的不同。而從植字機時代來的那些書目，也絕大多數是帶點的。後來的字形從俗去掉了點。
　　者上部和老上部當然是不同的。雖然港台對字形的規定較為嚴格，但是對於「者」字，cns還是妥協了。另外，我必須對「唔三唔四蠢魚」說兩句：並不是約定俗稱就是對的，「艹」「卝」在簡體字裡面，都不做區分，但是不代表混用就是正確的。要說標準的不統一，漢字裡面也不僅僅是「者」，希望你的語氣可以收斂一點。

唔三唔四蠢魚

原帖由 小狼 於 2010-1-13 21:59 發表 既然閣下見識咁多，就請你周圍同正常人啦，同中文、中史嘅教授，講解你呢個「孔子唔識漢字」、「甲金篆書唔係漢字」嘅學說喇喎。

你讲咗咁多，惟一正确嘅就係呢一句，阁下我的而且确见识多，既然你都承认呢一点，咁我亦就原谅你嘅无知啦！
我周围都係正常人，唔使讲都明，惟一讲极都唔明嘅就係得你啫嘛！
孔子识写汉字，唔知屈原识唔识写唐诗吖哪？

唔三唔四蠢魚

原帖由 GimHaak 於 2010-1-13 22:06 發表 　　小狼兄所言甚是，「者」這個字本來是需要加點的，和老的上部是不同的。在大陸的《現代漢語詞典》裡面的新舊字形對照表，也已明確指出二者寫法的不同。而從植字機時代來的那些書目，也絕大多數是帶點的。後來的字形從俗去 ...

又一个连头尾都分唔清嘅人。从你身上，可以睇得出港台嘅繁体字教育根本上完全唔掂，改用简体字算啦，至少你可以搞得清个头，虽然我对你搞得清个尾完全唔抱任何希望。
我好收敛㗎，你睇我起个名就知我係几低调㗎啦！唔好似有啲人咁，成日扮聪明。

GimHaak

原帖由 唔三唔四蠢魚 於 2010-1-14 01:00 發表 又一个连头尾都分唔清嘅人。从你身上，可以睇得出港台嘅繁体字教育根本上完全唔掂，改用简体字算啦，至少你可以搞得清个头，虽然我对你搞得清个尾完全唔抱任何希望。我好收敛㗎，你睇我起个名就知我係几低调㗎啦！唔好似有啲人咁 ...

你傻啊，我是純正大陸人好不？大陸怎麼會出現你這種沒有修养的人？