“父母”仲有咩叫法啊？

南粤高凉仔

自己的父母通常叫做：老豆，老母。 但系我地茂名，有滴亲戚叫自己的父母叫做：阿叔、阿婶。唔知道点会甘个呢？有没人知道原因系咩啊？

dada

有幾個字寫錯噃﹐例如「老竇」。 轉載自《潮網》 http://www.chaonet.net/chaoshan/chaoshanminsu/new-duifumu.htm 海陸豐的婚喪禮儀 　　潮人對父母的稱呼，除城市外，廣大農村的孩子直至長大一輩子，對自己的父母，很少稱呼為“爸爸、媽媽”的，絕大多數叫“阿叔”“阿伯”“阿嬸”或“阿姨”。這在外方人聽來會感到奇怪或誤會，而在潮人中已成為一種風俗習慣。直至現在，農村人大多還是按舊習慣稱呼。 　　這一變相稱呼為什麼這麼普遍？原因有二： 　　一是父母為了保住孩子不夭折，避開親熱的稱呼，從小就教孩子這麼叫；有的是算命先生教的，說孩子應移房過祖，不然不利。自己忙怎能送與別人？就只好在稱呼上改變。少時對父母這麼稱呼，長大了還是這麼稱呼，習慣成自然。 一是“爸爸、媽媽”產北方話，是太文雅的話，除了城市及有學識家庭有用這一稱呼，或稱“阿爹、阿娘”外，農村百姓就很少用這麼的詞語，還是隨俗稱呼。有的僑屬兒子，稱呼父母為“阿爸、阿媽”，是“爸爸、媽媽”的變音。潮人對父母的稱呼雖然避親變相，但當父母死了，哭靈時就以“父呀！母呀！”哭訴了。潮語有一句俗話叫“哭父哭母”，指的就是哭靈時的稱呼。

superjill

我有个同学，佢叫佢阿妈叫阿“年” 唔记得佢边度乡下

南粤高凉仔

superjill在2006-01-15 08:40:38說道：[br]我有个同学，佢叫佢阿妈叫阿“年” 唔记得佢边度乡下

系唔系阿"娘"啊, 年同娘的读音都好近噶.

highyun

老母重可以叫“老妈子”。

雅风

我有同学叫距妈妈，叫阿三，或阿四既，因为距地既妈妈系屋企排行三或四。。。。呵呵。。。

余OK

講起廣西梧州對老母嘅一種叫法，眞係幾搞笑：老乸。。。

余OK

如果你哋有聽過“李我”嘅自述，佢叫佢阿媽做“阿姑”。。。

Anl

咪又一次證明李我嘅廣州話唔係純正個囉！

余OK

anl在2006-01-22 23:46:05說道：[br]咪又一次證明李我嘅廣州話唔係純正個囉！

非也非也，你未聽過佢講佢嘅身世，唔知頭唔知路，佢嗌佢阿媽做阿姑係有其他原因嘅。至於佢嘅廣州話純唔純正唔係由你一個人落結論，況且一個八十幾歲嘅老人講嘢冇後生咁靈敏好正常。。。

南粤高凉仔

广州话受外来影响比较大,所以系语言方面比较规范化,同时影响力也广.粤西及广西等地规范化唔够,受土语影响比较大,流存的越语也比较多.

Anl

引用： -------------------------------------------------------------------------------- 余ok在2006-01-23 08:47:55說道： 非也非也，你未聽過佢講佢嘅身世，唔知頭唔知路，佢嗌佢阿媽做阿姑係有其他原因嘅。至於佢嘅廣州話純唔純正唔係由你一個人落結論，況且一個八十幾歲嘅老人講嘢冇後生咁靈敏好正常。。。 -------------------------------------------------------------------------------- 你點知我未聽過佢講過佢嘅身世？你唔知頭唔知路就咪喺度話我。 你有冇聽過佢講過咩叫“西關話”，有冇聽過佢學“西關話”嘅發音？ 相信你有聽過，但你認爲佢講得啱咩？我諗絕大多數廣州人對佢模仿“西關話”都持否定態度。你唔知頭唔知路就咪話人哋。

highyun

讨论就讨论啦，对事唔对人，有咩好嘈啫。继续讲返“老窦老母”，唔好讲“李我”喇。

佛山霍先生

余ok在2006-01-23 08:47:55說道：[br][quote]anl在2006-01-22 23:46:05說道：[br]咪又一次證明李我嘅廣州話唔係純正個囉！

非也非也，你未聽過佢講佢嘅身世，唔知頭唔知路，佢嗌佢阿媽做阿姑係有其他原因嘅。至於佢嘅廣州話純唔純正唔係由你一個人落結論，況且一個八十幾歲嘅老人講嘢冇後生咁靈敏好正常。。。[/quote] 对父母嘅称谓无碍广州话是否纯正，anl冇必要成日同80几岁嘅老人家过唔去。

尼斯湖怪

细时叫“阿爸”“阿妈” 大咗叫“老窦”“老母” “阿叔”“阿婶” 亦有啲叫“老乸”，有啲人细嗰阵时就叫“阿妈”叫“阿乸”，真係搞笑，好似係对动物嘅咁。。。

对一华

今晚看南方卫视，一个老头讲述「解放军进入广州，国民党狼狈撤退」，其间说了一个词「老父」。（原话大概是：那天夜里只听得一声巨响，大家都不敢出来；第二天一早老父叫我起床，到街上一看，睡满了解放军。）因此我推测60年前广州用的是「老父老母」。
广西这边是叫「老dau6老naa2」，也有叫「aa3爸aa3妈」的，大概是受西南官话的影响。
[ 本帖最後由 对一华 於 2009-10-3 05:26 編輯 ]

bajatvj

廣州一般叫「阿爸」「阿媽」，西化一點的叫「爹哋」「媽咪」，舊式的叫「老竇」「媽子」

李四

馬鼎盛：我的父親母親
父親有兩個親弟弟，哥兒仨提起祖母時，又稱她老人家做「大大」，「阿大」。這種叫法，我一直沒有弄明白。20年後，我在東莞做農民，當地人稱母親為「阿大」，發音是「搭(da)」，祖母是東莞人，莫非有不忘鄉音之意？

但係我聽東莞人發音似阿『太』多過似阿『大』。

此君

原帖由 李四 於 2009-10-6 14:26 發表 馬鼎盛：我的父親母親父親有兩個親弟弟，哥兒仨提起祖母時，又稱她老人家做「大大」，「阿大」。這種叫法，我一直沒有弄明白。20年後，我在東莞做農民，當地人稱母親為「阿大」，發音是「搭(da)」，祖母是東莞人，莫非有不忘鄉音之意？但係 ...

受客家話影響？

csywashing

原帖由 对一华 於 2009-10-3 05:20 發表   今晚看南方卫视，一个老头讲述「解放军进入广州，国民党狼狈撤退」，其间说了一个词「老父」。（原话大概是：那天夜里只听得一声巨响，大家都不敢出来；第二天一早老父叫我起床，到街上一看，睡满了解放军。）因此我推测60年前广州用的是 ...

老乸，唔系西南官话。母乸相通。不过就无广州话咁扮嘢，叫老母，本身老母就几俗，甚至有带有粗口味道(无人会直接用「老母」去叫自己阿妈话，一般只会用系人哋嘅「老母」 )，既然都系俗，一于一俗俗到底，叫「乸」算了。当然呢个lau6 naa2，有时会发成laau1 naa1。把lau发成「捞」，应该系故意学北方人语音。

其实广西仲有一种叫法：laau1 neng1。laau1其实就系「老」嘅北方话，如「捞松」、「捞佬」个「捞」同理，neng1就系北方话「娘」转为白话发音。可能系初初有部分人故意去模仿北方人发音。

[ 本帖最後由 csywashing 於 2009-10-8 20:59 編輯 ]