「重/仲」字再議

xiss

加入有一日粵語真係有幸成為常用書面語，有行政力量支持。粵語字嘅信息化輸入問題必會得到解決，因此造新字唔成大問題。

如果某人真要執住一個「混淆」唔放嘅，我寧愿另造新字，亦都絕不同意佢呢種唔尊重字義濫用多音字嘅做法。

小狼

在下嘗試就事論事，卻換來連番火藥味的、對人的攻擊。這是一個理性討論的論壇嗎？

我不知xiss君你日常如何應用粵語。但所謂「伯仲需要」之說，在日常粵語中確實不會出現。

至於「火星」的多解，大概兩個名詞，都十分跟文脈有關，以致正常智商的人不生誤會，而沒人把兩者分工吧？這與有副詞、形容詞性質，確實有要時間特別留意才會分開的「重/仲要」，兩個情況確有不同。

所以，『全國十三億人都未要求將「火星」呢個多意詞分寫成「火猩」同「火星」』，但基本上全港嘅人都將「重要」區分做「重要」同「仲要」。到底分「重/仲要」得民心，還是不區分得民心，事實擺在眼前，你自己上香港各個網上討論區，看看香港的報章雜誌、粵語劇本。除非你係隻堅決要否認事實、生安白造、閉門造車的井蛙，才會扭曲事實，更聲言提出事實的人別有「居心」。

選用「仲」字，來自人們的選擇。你問我個人意見，我是希望另造新字或另借異體多於借字。但現在沒有約定俗成的、沒有得到承認的另造新字，要別人明白，採用「仲」字確是目前的方法，確是目前符合大家約定俗成的法則。而不是我「個人嘅喜好習慣」、不是我「自私」、不是我的「居心」。

看到有人「塗/涂」不分，「願/愿」不辨，「假若/加入」相混，把非多音字的「仲」說成是被「濫用多音字」，對「點、噉」等其他借字持雙重標準，單方面才採無人明白、違背約定俗成的「么嘢」(人們只會說：「吓？乜嘢係『腰嘢』呀？條友識唔識中文、識唔識廣東話o架？！」)，真的不知是誰拿粵語來「靠飛」。

寶寶

原帖由 小狼 於 2009-12-18 18:39 發表 在下嘗試就事論事，卻換來連番火藥味的、對人的攻擊。這是一個理性討論的論壇嗎？我不知xiss君你日常如何應用粵語。但所謂「伯仲需要」之說，在日常粵語中確實不會出現。至於「火星」的多解，大概兩個名詞，都十分跟文脈有關，以 ...

我都覺得「仲要」睇得清楚啲喎。。。

 

紫凤凰

個人意見，我認為「重」之所以被人以「仲」來表達，可能是與仲有表示第二的意思有關。

 

在中國古代排行中，第一叫伯，第二叫仲，第三叫叔，第四叫季。例如劉邦，在史書中《漢書》中就以劉季出現（《漢書 高祖本紀》）。而古代平民百姓係有姓無名，只以排行作說。還的意思與仲有點近似，所以才借用。

xiss

原帖由 小狼 於 2009-12-18 18:39 發表 在下嘗試就事論事，卻換來連番火藥味的、對人的攻擊。這是一個理性討論的論壇嗎？我不知xiss君你日常如何應用粵語。但所謂「伯仲需要」之說，在日常粵語中確實不會出現。至於「火星」的多解，大概兩個名詞，都十分跟文脈有關，以 ...

你硬要話係雙重標準，我對此嘅解釋你又一句都駁唔到，可見你嘅理虧。如果香港報章雜志多人用嘅就合適，就係民心。噉香港夠大把人用「D」當「啲」啦，你不如又叫大家棄「啲」用「D」啦，大搞中英文行文啦。

由頭到尾搞雙重標準嘅嗰個其實係你：

第一，你既然贊成用「仲要」代替「重要」，同音借用，點解唔贊成「火猩」代「火星」，同音借用？呢啲唔係雙重標準係咩？點解你要雙重標準？或者話你只得一個標準「我習慣用『仲要』，唔想改。所以大家就應該以此作標準」。

第二，你既然話香港多人用「仲要」，所以就應該「順應民心」，用「仲要」代「重要」。噉香港夠多人用「D」代「啲」啦，噉係唔係即係話我哋一樣應該棄「啲」用「D」啊？如果唔係，又何解啊？豈不是雙重標準？？

我唔想同你拗，論火藥味，請睇：

原帖由 小狼 於 2009-12-16 23:54 發表 難怪看得人家一頭霧水，如入五里濃霧白靄之中。

你所謂就事論事，不過係以為人哋支持你意見就係就事論事。你見人哋反對嘞，你就話人哋火藥味。
你呢啲係就事論事咩？

外外星人

原帖由 小狼 於 2009-12-14 16:52 發表

類似的問題，之前談過若干次，但都沒有結果。

香港傳媒都習慣把讀zung6的「重」寫成「仲」，這兒有一些人堅決反對，原因是「仲」只是同音借字，而「重」才是本字，有意思可尋。對於「重」字身兼zung6、cung5、cung4三音，同時堅負多個義項，會構成歧義問題，「反『仲』人士」認為只要閱讀清楚前文後理，即可解決。

但我要提出的問題是：語言和文字不是以清晰傳意為理想目標的嗎？「仲」字雖純粹是同音借字，但用它的確更清楚（「仲」字本身的義項，在現代中文裏只餘下「伯仲」義，且也不甚常用）。「重要」是指「important」還是「還要」，看了整句甚至是整段，未必可即時判別，還要經過一番推敲。那麼，把「improtant」義寫成「重要」，把「還要」義寫成「仲要」，這不是一目瞭然嗎？有何不好？這種令文字傳意更清晰、更能避免歧義的分工，是人們使用漢字時，按實際需要而產生出來的。

如果有人還是認為「仲」字本身有它的意思，不容許借字，那麼又為什麼不用相同的力度，反對同是借字的「噉（gam2）」字？要知道「噉」字也是借字，本身也另有音義啊！反「仲」而不反「噉」，不是雙重標準嗎？

important粵語意思係緊要，唔係重要。你哋研究粵語定漢語先？

原帖由 UngooChan 於 2009-12-14 20:24 發表 我以前見到人用「仲」就會糾正佢，而家就唔會出聲。我覺得兩個字都唔算錯，可以並存。

小狼

我「駁唔到」？我「理虧」？

我不是已說明了，現實裏不會有「伯仲需要」之說嗎？
我不是已說明了，「重/仲」的分工，確實廣受認同，經過了約定俗成；但「火猩/火星」之區分，只是你這刻提出的，沒有經約定俗成，沒人認同了嗎？
你就不會看看現實社會上的用字嗎？你沒有客觀的觀察力嗎？
還是無論人家怎麼說，只要與你一人意見不合，你都會視為「駁唔到」，是別人「理虧」？

至於你最新一個回覆中才提出的「Ｄ」或「啲」，根本與討論中的「仲VS重」性質完全不同。「Ｄ」或「啲」並沒有分工的需要，你有興趣討論請另開新帖。

至於我說你用「么」字代「乜」字，看得人一頭霧水，亦只是說出一個簡單事實而已。
不信的話，你自己做做實驗，你自己到香港各大討論區發帖，以「么」代「乜」，看看其他人如何re你。
「么」就是讀「腰」。你不信的話，請做個客觀測試，看看有誰這麼棒，看到「么」字可以讀出「乜」音或「咩」音。
[ 本帖最後由 小狼 於 2010-1-3 01:23 編輯 ]

小狼

原帖由 外外星人 於 2009-12-23 01:06 發表 important粵語意思係緊要，唔係重要。你哋研究粵語定漢語先？

「緊要」當然會講，「重要」都會o架。

「啲嘢真係好重要」同「啲嘢真係好緊要」，日常生活中都會聽到；
「咁重要嘅嘢你都唔記得帶？」，呢句甚至仲順口過「咁緊要嘅嘢你都唔記得帶？」o忝。當然，兩句都會講。

thhui

我看口語其實只為方便引用到我們說話時的真實用語，

不是文言文或者真正寫文章的文字。

用什麼口語字其實真的不甚重要。

只要看得懂，借字又何妨。

 

仲也好，重也好，都可以接受，因為某些人甚至都不知 「重」 = 「仲」的正字

但不容否認，用「仲」字的人在香港是比較多一些的。

 

為了讓更多的人看得懂，保留借字「仲」都不為過。

 

 

其實情形就像何文匯的廣韻何氏切音 和王亭之的今音，

究竟誰才是「正」音的討論差不多，

 

如果今音是對，古正音也是對，

 

只是我們應用在現代生活上就不妨用今音今字。

而在念古詩古詞古文時就用古音。

 

最起碼比較少引致溝通上的麻煩，無須費神解釋正字正音，

 

正音正字其實真是累人不淺，

不過這就側面反映 我們的中文字的複雜性，

 

 

 

 

 

 

 

 

 

 

 

 

 

 

 

 

 

 

 

[ 本帖最後由 thhui 於 2009-12-23 02:03 編輯 ]

倒影青春

大家明就的喇！

tangchiu

其實仲要 咪得囖~~~

睇都睇慣咗...自己都用緊呢隻字~

肥腯腯

如果系写歌名「重有最靓嘅猪腩肉」嘅话，我就一定会写「重」呢个正字！

xiss

我看口語其實只為方便引用到我們說話時的真實用語，
不是文言文或者真正寫文章的文字。
用什麼口語字其實真 ...
thhui 發表於 2009-12-23 01:58

不行，這會留給外人口實，讓不懂粵語的人以為我們粵語、粵語人有亂用漢字的壞習慣，更有可能被人因此而解釋為：粵語非漢語，乃鳥語。

所以我一直都堅持如果有正字嘅話，就應該用正字。

Xcen

同意樓上觀點，要用正字

雲淡風輕

行行重行行 與君生別離     我絕對不會用個 仲 字!

a_qi

早一兩年香港《蘋果日報》也一律用個「重」字，不過家陣又變返「仲」。

desmond

普通話都有用到借字，例如至常用嘅「的」字，本義係「目的」、「一矢中的」……
所以如果有人笑粵語用借字，畀人落面，可以用話普通話都用借字嚟反擊。

UngooChan

大家明就的喇！
倒影青春 發表於 2009-12-27 18:10

你「的」我唔「的」