为甚么香港叫电胆广州叫灯泡

kuochuqu

问过一些7、80岁广州老人 他们只系知道灯泡 不知道电胆一词

UngooChan

粵講粵過癮——電燈膽

http://bbs.cantonese.asia/viewthread.php?tid=18476

唔三唔四蠢魚

大嘅叫灯泡，细嘅叫灯胆。好似电烛度用嘅，就叫做灯胆，盖其细小如胆。

jun2982804

原帖由 唔三唔四蠢魚 於 2009-10-17 10:10 發表 大嘅叫灯泡，细嘅叫灯胆。好似电烛度用嘅，就叫做灯胆，盖其细小如胆。

好似无大细之分, 广东话就叫灯胆, 只系好多人自细受「推普」、北话影响，渐渐放弃甚至唔知广东话用法啫

至于话七、八十岁老人只知「灯泡」，你又唔谂吓家时电视、报纸、网络基本系「煲冬瓜」一统江山，佢地点会唔受影响？广东人识讲「灯胆」，而且大量咁用个阵，几乎系廿年前嘅事咯

[ 本帖最後由 jun2982804 於 2009-10-17 15:12 編輯 ]

唔三唔四蠢魚

当然有大细之分，而且分得清清楚楚！呢个正係广东话细致之处。只不过而家啲人俾香港话所毒害，渐渐分唔清大细，连砂煲咁大嘅灯泡都够胆叫做灯胆，认真砂胆！

瀚海晨曦

有人講電珠

jun2982804

原帖由 唔三唔四蠢魚 於 2009-10-17 15:22 發表 当然有大细之分，而且分得清清楚楚！呢个正係广东话细致之处。只不过而家啲人俾香港话所毒害，渐渐分唔清大细，连砂煲咁大嘅灯泡都够胆叫做灯胆，认真砂胆！ ...

唔同意，正话待登问过我老窦（佢同中华人民共和国同龄，够晒资格挂！），无论灯大细，只要系圆嘅，就系用灯胆

唔三唔四蠢魚

我亦都问过我老豆，解放时我老豆经已读紧中学，比你老豆有资格得多！

jun2982804

原帖由 唔三唔四蠢魚 於 2009-10-18 16:13 發表 我亦都问过我老豆，解放时我老豆经已读紧中学，比你老豆有资格得多！

反正我唔觉得你啱

紮那魯剛多

咁水壺嗰啲「水膽」又幾時興起叫嘎？

唔三唔四蠢魚

原帖由 jun2982804 於 2009-10-18 20:34 發表 反正我唔觉得你啱

 
每个人都会以为自己先至啱。
不过我可以话畀你知，
广州係全中国第一个使用灯泡嘅城市，
最初叫「无火灯」，后改叫做「灯泡」，
后来呢个词从广州传遍中国。

jun2982804

原帖由 唔三唔四蠢魚 於 2009-10-19 00:41 發表  每个人都会以为自己先至啱。不过我可以话畀你知，广州係全中国第一个使用灯泡嘅城市，最初叫「无火灯」，后改叫做「灯泡」，后来呢个词从广州传遍中国。 ...

似乎你知道嘅嘢多过我，可能我无知过你。

咁你将由粤语传入「煲冬瓜」嘅用法列举出嚟，等我喱个后学，学吓嘢，得唔得？

不过你唔无举得众所周知嘅嘢，好似

「搞定」、「搞」；

「整」；

「成日」，

以上三类词就唔无举喇，因为第一种比较多人知系粤语传入「煲冬瓜」，第二种部分「煲冬瓜」言语之中都有，第三种而家莫名其妙出现系极少数「煲冬瓜」影视剧当中。

myforum

原帖由 jun2982804 於 2009-10-17 03:08 PM 發表 好似无大细之分, 广东话就叫灯胆, 只系好多人自细受「推普」、北话影响，渐渐放弃甚至唔知广东话用法啫至于话七、八十岁老人只知「灯泡」，你又唔谂吓家时电视、报纸、网络基本系「煲冬瓜」一统江山，佢地点会唔受影响？广东 ...

 

有啲仲離譜呀，直接跟煲冬瓜讀音。我聽過有人讀【拯救】用粵語讀【整救】

dimsum

不過，如果系講咗住人地拍拖果啲，就無論系廣州定香港都叫「電燈膽」吖，感覺上系呢種情況下，好似得過北方人先會用「電燈泡」？

jun2982804

原帖由 dimsum 於 2009-10-26 10:13 發表 不過，如果系講咗住人地拍拖果啲，就無論系廣州定香港都叫「電燈膽」吖，感覺上系呢種情況下，好似得過北方人先會用「電燈泡」？

，大佬，系「阻住」，唔系「咗住」啊，

北方人之所以识用「電燈泡」都系因为学我哋广东话啫，只不过「煲冬瓜」无话叫「电灯胆」，剩系识讲「电灯泡」，所以咪讲「电灯泡」咯。

芬1012

我哋以前確實係講「燈膽」嘅。

 

呢個詞甚至係廣州傳去香港嘅添。

 

正所謂近朱者赤，家陣我哋唔見咗嘅詞又點止呢啲啊。

kuochuqu

原帖由 芬1012 於 2009-10-26 20:59 發表 我哋以前確實係講「燈膽」嘅。   呢個詞甚至係廣州傳去香港嘅添。   正所謂近朱者赤，家陣我哋唔見咗嘅詞又點止呢啲啊。

广州以前叫灯胆？

但不可能因为普通话普及令到我们失去记忆和习惯改叫灯泡吧 我问过7，80岁老广州 都一直叫灯泡 我记得后来受香港电视影响所以学到香港的叫法

[ 本帖最後由 kuochuqu 於 2009-10-27 21:46 編輯 ]

jun2982804

原帖由 kuochuqu 於 2009-10-27 18:33 發表 广州以前叫灯胆？ 但不可能因为普通话普及令到我们失去记忆和习惯改叫灯泡吧 我记得因为收看香港电视缘故所以学到香港的叫法

我谂你亘系唔咪好大喇，可能十laan4岁同廿laan4岁当中好多人都唔咪好识粤式词汇，因为大上世纪九十年代后推普越演越烈，个阵先啱啱开始读书同出世嘅细路仔都未有机会真正接触粤语就被「普化」喇。

一般上世纪八十年代早期同中期出世个啲人重有机会接触到，但喱啲人，重有好多好多其他人，亦慢慢受推普影响，绝大部分人都唔记得喇

gboss

之所以叫燈泡唔係因為推普，係因為燈泡嘅制作過程，一個燈泡係吹出嚟嘅，因此係「泡」。

從前我哋有一個活潑嘅名詞，形容成事不足敗事有餘嘅論盡鬼，叫「大泡和」，唔通又係推普造成？

廣州不留都係叫「燈泡」，同你哋老竇幾大冇任何關系。

kk902

东莞人系读电灯胆。