廣府口語

Cactus

港產片中為避免不雅用語，用食品名代替粗口。 蛋散、粉腸、金山橙。 唔知大家唔記得幾多個咁嘅詞呢？

dada

應該係「蛋饊」（左食右散）。東漢《說文》已經有呢個「饊」字﹐不過當時用糯米﹐煮熟再乾熬﹐唔係油炸﹐唔放糖﹐又冇雞蛋。 《水滸傳．第二十四回》：「自從武松搬將家裏來，取些銀子與武大，教買餅饊茶果請鄰舍吃茶。」

highyun

cactus： 你讲嗰啲用食物代替口语嘅例子其实冇规范可言，基本上系食物都可以代替粗口架啦。以前睇过有部电影，冯悴凡一想讲粗口就用水果名代替，例如“香蕉你个沙甜柚”“菠萝你个橙”。 dada： 我系写“蛋散”嘅，因为一咬就脆到散晒，所以用“散”字意思几符合。

Anl

係“饊”先啱，如dada所言，先係一種食品，蛋係後來加入去嘅。

Cactus

港台傾向用較繁個隻字，即使繁體 big5 字集中兩隻字都有。 臺台 鐘鍾 衝沖 粽糉 隻只祇 癡痴 擬似 因為一個簡體字合並兩三個繁體字，繁體字文章，轉成簡體再轉回繁體，用字就出現差別。 要保持文章原始形式，最好就唔好轉換，或者祇轉換成 unicode。 講返主題個話題，香港街市有好多閙人嘅話，我都好有興趣收集一下。 黐膠花---黐線

Yucky豕

cactus在2005-12-07 21:11:59說道：[br] 港台傾向用較繁個隻字，即使繁體 big5 字集中兩隻字都有。 臺台 鐘鍾 衝沖 粽糉 隻只祇 癡痴 擬似

其實有咩唔同呢?~ 最後嗰個係[擬拟]啩?~

Cactus

[拟]係香港字，big5 字集中祇有[似]。 虛擬----虛拟（簡體寫法） 我個輸入法有兩個繁體版，香港版同台灣版。 就係防止呢種似是而非嘅事出現。

superjill

番薯、矮冬瓜、碌葛

Cactus

仲有老餅。

dada

cactus在2005-12-09 17:10:33說道：[br] 仲有老餅。

應該係「重有」。

superjill

萝卜头 生骨大头菜 肾嘅

Cactus

dada在2005-12-09 18:31:15說道：[br][quote]cactus在2005-12-09 17:10:33說道：[br] 仲有老餅。

應該係「重有」。[/quote] [重]字有兩個音，[仲]字得一個音嘛。 寫[仲有]比較冇咁易讀錯。

MarkXD

cactus在2005-12-11 10:16:10說道：[br][quote]dada在2005-12-09 18:31:15說道：[br][quote]cactus在2005-12-09 17:10:33說道：[br] 仲有老餅。

應該係「重有」。[/quote] [重]字有兩個音，[仲]字得一個音嘛。 寫[仲有]比較冇咁易讀錯。 [/quote]但係「仲」字，冇 「還」、「再」 嘅意思

Yucky豕

cactus在2005-12-11 10:16:10說道：[br][quote]dada在2005-12-09 18:31:15說道：[br][quote]cactus在2005-12-09 17:10:33說道：[br] 仲有老餅。

應該係「重有」。[/quote] [重]字有兩個音，[仲]字得一個音嘛。 寫[仲有]比較冇咁易讀錯。 [/quote] 如果因為音近而用~噉要咁多漢字嚟做咩啊?~ em18:

NGF

yucky豕在2005-12-12 18:37:08說道：[br] 如果因為音近而用~噉要咁多漢字嚟做咩啊?~ em18:

讲得好。。

Cactus

yucky豕在2005-12-12 18:37:08說道：[br] [重]字有兩個音，[仲]字得一個音嘛。 寫[仲有]比較冇咁易讀錯。

如果因為音近而用~噉要咁多漢字嚟做咩啊?~ em18:[/quote] 咪住先，漢字中音近而用，係古文中常見現象喎。 但若果要搵例子，就一時未諗到。 最近幾年都好少睇古文。

dada

古人鍾意通假。諗唔到一個字就用一個同音嘅字代替﹔有時係為時興﹐譬如司馬遷《項羽本紀》有一句﹕「旦日不可不蚤自來謝項王」﹐呢個「蚤」係「早」。古人的確認為最重要嘅係聲﹐字形完全冇所謂。 今日漢字有規範。如果重將「古人」寫為「古仁」﹐係寫別字﹐唔係通假。

NGF

dada在2005-12-16 15:56:34說道：[br]古人鍾意通假。諗唔到一個字就用一個同音嘅字代替﹔有時係為時興﹐譬如司馬遷《項羽本紀》有一句﹕「旦日不可不蚤自來謝項王」﹐呢個「蚤」係「早」。古人的確認為最重要嘅係聲﹐字形完全冇所謂。 今日漢字有規範。如果重將「古人」寫為「古仁」﹐係寫別字﹐唔係通假。

既然係别字。。噉我地係咪应该用返正字呢？？

dada

ngf在2005-12-16 20:03:46說道：[br]既然係别字。。噉我地係咪应该用返正字呢？？

我唔係好明白你嘅意思。 如果有正字﹐當然要寫返正字﹐例如「重」﹐唔係「仲」。不過亦都要考慮約定俗成。如果大家已經公認（「冇」、「嚟」……）﹐就唔使搵返本字嘞！

highyun

dada在2005-12-16 21:09:40說道：[br][quote]ngf在2005-12-16 20:03:46說道：[br]既然係别字。。噉我地係咪应该用返正字呢？？

我唔係好明白你嘅意思。 如果有正字﹐當然要寫返正字﹐例如「重」﹐唔係「仲」。不過亦都要考慮約定俗成。如果大家已經公認（「冇」、「嚟」……）﹐就唔使搵返本字嘞！[/quote] 我非常认同你嘅观点，又如“佢”“噉”等字都系如此。 我嘅原则系如果已出现约定俗成嘅字，就用约定俗成嘅字，如果冇呢啲字，先去考究本字，而用返本字。